Новоафонская пещера

Усурагьы ыҟам, ԥарагьы ыҟам: акарантин акурорттә обиектқәа ишырнырыз

32
(ирҿыцуп 13:35 09.04.2020)
Аԥсны ахада инапынҵақәа назыгӡо иусдҵала атуристтә обиектқәа аркуп хәажәкыра 20 инаркны мшаԥы 20 рҟынӡа.

АҞӘА, мшаԥы 9 - Sputnik. Афон ҿыцтәи аҳаԥы аркра аусзуҩцәа аулафахәы рыҭареи ашәахтәқәа ршәареи рзы иҵоурам анырра ҟанаҵоит ҳәа Sputnik иазеиҭалҳәеит аобиект аҳасабеилыргаҩ хада Аида Маршьанԥҳа.

Маршьанԥҳа лажәақәа рыла, уаанӡеиԥш жәабрани хәажәкыреи амзақәа рызгьы атуристцәа рацәамызт, аха аҳаԥы мчыбжьык ахь ԥшьымш аус ауан, усурҭа ҭыԥла еиқәыршәан 140-ҩык ауааԥсыра.

Лара илҳәеит хәажәкырамзазы аусзуҩцәа зегьы рулафахәы шрыҭаз.

"Мшаԥымзазы ишыҟалаша ҳаздырам. Аҭагылазаашьа уадаҩхоит лаҵарамзанӡа акарантин ҟалар. Абри аамҭазоуп еиҳарак атуристцәа ҳҭаауа ианалаго. Аулафахәы аума, ашәахтәқәа роума, акгьы ҳзымшәар ҟалоит", - ҳәа лҳәоит лара.

Аԥхаррақәа шааҟалалак атуристцәа рхыԥхьаӡара иазҳауан Риҵатәи амилаҭтә парк аҿгьы ҳәа лҳәеит апарк адиректор лхаҭыԥуаҩ Инга Ҭаниаԥҳа.

Аобиект аштат аҿы иҟоуп 120-ҩык аусзуҩцәа. Урҭ реиҳараҩык уажәы русура мҩаԥыргоит аҩнынтәи.

Ҭаниаԥҳа лажәақәа рыла, абиуџьет ахьеиҵахаз инадҳәаланы ааԥынтәи архиаратә усурақәа, амҩахәҭақәа акаҭран рықәҵара, уҳәа егьырҭ аусурақәа аанкылоуп.

"Ҳәарада, акарантин абиуџьет анырра бааԥсны ианаҭоит. Есыҽны аекскурсиатә гәыԥқәа ҳҭаауан. Аҭагылазаашьа шыуадаҩугьы аулафахәы ҳшәеит. Иҳамоуп алшара ԥхьаҟагьы аулафахәы ашәаразы", - ҳәа лҳәеит Ҭаниаԥҳа.

Аԥсны ахада инапынҵақәа назыгӡо Валери Бганба идҵала акоронавирус COVID-19  аҽацәыхьчаразы Акоординациатә штаб аԥҵоуп. Адҵа инақәыршәаны, аҵаратә усҳәарҭақәа, аспорттәии акәашаратәии секциақәа, Аҳәынҭқарратә университет, Аҟәатәи иаарту аинститут, абжьара-профессионал ҵаратә усҳәарҭақәа рҟны аԥсшьарамшқәа 2020 шықәса мшаԥы 20 рҟынӡа инахоуп.

Иара убасгьы аԥкырақәа ирыҵаркуеит: 2020 шықәса хәажәкыра 20 инаркны мшаԥы 20 рҟынӡа Риҵатәи амилаҭтә парк, Афон ҿыцтәи аҳаԥы, Аботаникатә баҳча рахь атуристцәеи аԥсшьаҩцәеи рнеира.

Атуризм аусхк аҟынтәи Аԥсны абиуџьет иаланагалоит 400 миллион мааҭ. Акурортқәеи атуризми рзы аҳәынҭқарратә еилакы адыррақәа рыла, ари аусхк рнапы алакуп 20 000-ҩык рҟынӡа атәыла ауааԥсыра.

Иара убас шәаԥхьар ҟалоит:

Акоронавирус иазку аҵыхәтәантәи ажәабжьқәа шәрыԥхьар ҟалоит абра>>

32
Атемақәа:
Ачымазара ҿкы – акоронавирус Аԥсни адунеи аҿи: иалкаау (626)
Работа за компьютером. Клавиатура.

Атуризм азы аминистрраҿы еиҭарҳәеит аинтернет-мцҳәаҩцәа рҽырцәыхьчара шалшо

5
(ирҿыцуп 14:42 14.08.2020)
Аԥсны аԥсшьараз аинформациа аиашара ахьынӡаҟоу урыстәылатәи атуристцәа еилыркаар алшоит Аԥсны атуризм аминистрра аҭел ҷыда аномер 8 800 505 42 40 ахь иасыр.

АҞӘА, нанҳәа 14 – Sputnik. Аԥсны зыԥсы зшьар зҭаху атуристцәа амцҳәаҩцәа ирҿамшәарц азы ргәы рҽанызароуп, абри атәы иҳәеит арадио Sputnik аҿы аминистр ихаҭыԥуаҩ Асҭамур Барцыц.

"Агәҽанызаара шәоуроуп- мызкы ма инацны хәыԥса маҷла аԥсшьара шәанадрыԥхьало", - иҳәеит иара.

Барцыц иҳәеит шықәсқәак раԥхьа Аԥсныҟа апутиовка ԥаршеиқәа рыҭира амассатә ҟазшьа шамаз.

"Усҟан аминистрра абри аганахь ала аусура ду мҩаԥнагеит. Аԥсшьаҩцәа здызкыло зегь рахь ҳнеины рсаитқәа, рҭелқәа, релектронтә ԥошьҭа рымхны еидаҳкылеит", - иҳәеит иара.

Аминистр ихаҭыԥуаҩ иажәақәа рыла, иахьа аминистрра асаит аҟны иҟоуп инарҭбаау аинформациа.

"Иара убасгьы ҳара иаԥаҳҵеит аҭелцәаҳәа ҷыда. Ари аҭел ахь дасыр ҟалоит дарбанызаалак Урыстәыла атәылауаҩ. Аҭел аинтернет ала аус ауеит. Аминистрра аинформациатә ҟәша аусзуҩцәа зегьы рҭелқәа рҿы апрограмма рзықәгылоуп аинырразы", - иҳәеит Барцыц.

Аԥсны аԥсшьараз аинформациа аиашара ахьынӡаҟоу урыстәылатәи атуристцәа еилыркаар алшоит Аԥсны атуризм аминистрра аҭел ҷыдахь иасны, избанзар амцҳәаҩцәа асаитқәа реиԥш зеиԥшу аԥаршеи-саитқәа цәырыргар ауеит, иҳәеит аминистр ихаҭыԥуаҩ.

Аминистрра аусуҩцәа аинтернет-ресурсқәа хылаԥшра рырҭоит. Сынтәа, жәабранмзазы хә-саитк аарԥшын. Урҭ рзы адыррақәа Аҩныҵҟатәи аусқәа рминистррахь инашьҭын.

Урыстәыла атуроператорцәа рассоциациа агәҽанҵара ҟанаҵахьеит 2020 шықәса рзы асаит-ԥаршеиқәа рацәаны ишцәырҵыз.

5

Аԥсны ААР атуристцәа рымҩангашьа хылаԥшра анаҭалоит

8
(ирҿыцуп 14:08 12.08.2020)
Аԥсны акурорттә сезон иалагазар аахыс еиҳа ирацәахеит автотранспорт ахыԥхьаӡара. Амҩаҿ ашәарҭадара аиҿкаара ахырхарҭақәа ируакуп апассаџьырцәа зныҟәара еиҳа алшара амоу амашьынақәа рыла рныҟәгара, аекскурсиатә џьиппинг ахылаԥшра.

АҞӘА, нанҳәа 12 - Sputnik. Аԥсны аҩныҵҟатәи аусқәа рминистрра еиҳа ахылаԥшра анаҭалоит аекскурсантцәа мҩанызго атранспорттә хархәагақәа рҭагылазаашьеи апассаџьырцәа ршәарҭадара аиҿкаашьеи ҳәа аанацҳауеит Аԥсны ААР апресс-маҵзура.

Мышқәак рыҩныҵҟала ареспубликаҿ аҭыԥ рыман амҩатә ԥҟаррақәа реилагареи апассаџьырцәа рымҩангара аԥҟаррақәа реилагареи.

Иаарԥшын атуристтә маршрут аҿы арыжәтә ыжәны амашьына аԥсҟы кны атуристцәа мҩанызгоз ахаҿқәа ҳәа азгәарҭеит Аԥсны аҩныҵҟатәи аусқәа рминистрраҿ.

"Амҩатә ԥҟаррақәа реилагара иахҟьо амҩатә машәырқәа рацәоуп. Нанҳәа 10 рзы Афон ҿыц автомашьына УАЗ аԥсҟы зкыз импыҵҟьаны амашьына ицәааҳәит. Атранспорт хархәага амца акит. Амашьынаҿ апассаџьырцәа ыҟамызт, аха аԥсҟы зкыз ижәны дыҟан", - ҳәа аҳәоит апресс-маҵзура адырраҭара.

Аминистрра апресс-маҵзураҿы иазгәарҭеит ахылаԥшратә уснагӡатәқәа здызымкылогьы ҟалоит, аха убри аан аекстремалтә ныҟәара ашәарҭадара аӡәгьы аҵагылара иҭахӡам ҳәа.

Иара убас шәаԥхьар ҟалоит:

8

COVID-19 рзықәыргылоуп даҽа 26-ҩык Аԥсны ауааԥсыра

11
(ирҿыцуп 19:06 14.08.2020)
Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

АҞӘА, нанҳәа 14 - Sputnik. Ииасыз уахыки-ҽнаки рыла акоронавирустә чымазара амазааразы агәаҭара иахысит 235-ҩык ауааԥсыра. Урҭ рахьтә адиагноз COVID-19 рзықәыргылоуп 26-ҩык, ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

Апандемиа ҟалеижьҭеи Аԥсны акоронавирус здырбалахьоу рхыԥхьаӡара 182-ҩык ыҟоуп. Урҭ рахьтә 66-ҩык ргәы бзиахеит, хҩык рыԥсҭазаара иалҵит.

Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 24-ҩык апациентцәа. Уахыки-ҽнаки рыла ахәышәтәырҭаҟнытә илыҩҩауп згәабзиара ҭышәынтәалахаз ааҩык атәылауааи, урыстәылатәи ахаҿи, ԥсшьаҩык Шәачаҟа диагоуп идиагноз хада ала иҷыдоу амедицинатә цхыраара иҭаразы.

Ауааԥсыра акоронавирустә ҿкы рацәыхьчаразы аоперативтә штаб ажәлар рахь ааԥхьара ҟанаҵоит ачымазара рымкырц азы ахыхьчаратә ԥҟарақәа ирықәныҟәаларц, асоциалтә дистанциа ркызарц.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

11
Атемақәа:
Ачымазара ҿкы – акоронавирус Аԥсни адунеи аҿи: иалкаау (626)