Асезон иақәгәыӷуеит: Ҟрым аԥсшьарҭа ҭыԥқәа заанаҵы иҿарҵоит

8
(ирҿыцуп 10:29 30.04.2020)
Иахьазы Ҟрым иахьаҵанакуа акарантинтә уснагӡатәқәа алагалоуп. Лаҵара 11 рҟынӡа ауааԥсыра аҽыԥхьакра рыдуп. Мшаԥы 30 рзы Ҟрым авирус рымоуп ҳәа иԥхьаӡоуп 89-ҩык.

АҞӘА, мшаԥы 30 - Sputnik. Ҟрымтәи асанаториақәа аԥхынтәи асезон азы заанаҵтәи аҿаҵарақәа рымоуп ҳәа аанацҳауеит РИА Новости, ареспублика акурортқәеи атуризми рминистр Вадима Волченко иажәақәа ҵаҵӷәыс иганы.

"Иахьазы 60% рҟынӡа асанаториақәа заанаҵы иаанкылоуп, асасааирҭатә сектор аҿы –30-40%. Ирацәоуп заанаҵы аԥара зхыршәаахьоу. Урҭ аԥарақәа асезон аҽазырхиара иазырхахоит, аремонтқәа рылаҟаҵахоит, аҩнымаҭәа рылаахәахоит. Ҳәарада, атуристцәа аԥара рзырхынҳәра иуадаҩу усхоит. Убри азы ҳасасцәа ҳрыҳәоит аҿаҵарақәа аԥымхкәа аамҭа иахыгазарц", - ҳәа иҳәеит Волченко.

Иара иазгәеиҭеит акоронавирустә ҭагылазаашьа еицәамхар, асезон аҽазырхиара лаҵара 12 инаркны ишалаго.

Уаанӡа Ҟрым аотель маҷқәа Рассоциациеи асасдкылара аиндустриа Азеиԥшмилаҭтә еидгылеи аҳәара ҟарҵахьан рашәара 1 инаркны Ҟрыми Севастополи иахьрыҵаркуа русура хацыркхарц азы.

Аԥсны официалла 20 нызқьҩык рҟынӡа ауааԥсыра атуризм аусхк иадҳәалоуп, иарала рԥара дырҳауеит. Атәылаҿ аԥкыратә уснагӡатәқәа реиҳарак лаҵара 15 рҟынӡа рыҿҳәара инахоуп. Ареспублика аҳәаақәа рыҩбагь макьана иаркуп.

Иара убас шәаԥхьар ҟалоит:

 

8

Гагра ақалақь аԥсшьаразы иреиӷьу аекзотикатә қалақьқәа ирхыԥхьаӡалахеит

6
(ирҿыцуп 12:24 05.08.2020)
Аԥсшьараз анхарҭаҭыԥқәа ахьҿарҵо амаҵзура Tvil.ru асоциалтә ҳақәа рхархәаҩцәа рыбжьара аҭҵаара мҩаԥнагеит Урыстәылеи Аԥсни аԥсшьаразы иахьеиӷьу аекзотикатә қалақь аилкааразы.

АҞӘА, нанҳәа 5- Sputnik. Гагра аԥсшьараз иреиӷьу аекзотикатә қалақьқәа жәаба ирылашәеит. Аԥснытәи акурорт иреиӷьыз аԥхьатәи ахәба ирыҵаркуп асоциалтә ҳақәа рхархәаҩцәа рыӡбрала.

Аиҳараҩык  атуристцәа  иалырхуеит Бахчисараи.

Изызҵаау рҟынтәи 19,42% Ҟрымҟа ицоит аԥсшьаразы.

Ареитинг инақәыршәаны аҭыԥқәа абас ала еихшоуп:

  • Бахчисараи - 19,42%
  • Судаки Горно-Алтаиски - 18,45%
  • Дербент - 11,65%
  • Иошкар-Ола - 10,68%
  • Гагра - 7,77%
  • Темриук - 5,83%
  • Пиатигорск - 3,88%
  • Уфа - 2,91%
  • Болгар - 0,97%

Аԥсни Урыстәылеи рҳәаа аадыртит нанҳәа 1 азы.

Иара убас шәаԥхьар ҟалоит:

Шәгәы бзиаз: Гагра аллергиа змоу рыԥсшьараз иреиӷьу қалақьуп

6

Аԥхынра иаалагазар Шәача 900 000-ҩык аԥсшьаҩцәа аҭаахьеит

2
(ирҿыцуп 09:37 05.08.2020)
Аҭыԥантәи анапхгара ақалақь асасцәа рахь ааԥхьара ҟарҵоит асоциалтә еицәыхарара азгәарҭаларц, амедицинатә сабардақәеи анапҭарԥақәеи ныҟәыргаларц ахәаахәҭырҭа дуқәа, адәқьанқәа, амузеиқәа уҳәа ианырҭаауа, ауаажәларратә транспорт ианҭоу.

АҞӘА, нанҳәа 4 - Sputnik. Аԥхынра иаалагазар Шәача 890 000-ҩык аԥсшьаҩцәа аҭаахьеит ҳәа аанацҳауеит ақалақь ахадара асаит.

Убри аан еиҿкаарыла иаҭааз 680 000-ҩык ыҟан. Урҭ асанаториақәеи асасааирҭақәеи ирыҩнан.

Зхала ақалақь иаҭааз, зыуацәа, зҭынхацәа рҿы инхо, ма мышктәи аныҟәарақәа Аԥсныҟа имҩаԥызго рхыԥхьаӡара 200 000-ҩык инаӡон.

"Официалла, еиҿкаарыла асанаториақәа, асасааирҭақәа ирыҩноу рыдагьы ақалақь аҵакырахь иааиуа егьырҭ асасцәагьы ҳаԥхьаӡоит. Ахархәара аҳҭоит автомашьынатә пост Магри, аихамҩатә вокзалқәа, аеропорт рдыррақәа уҳәа егьырҭ арбагақәагьы, ауаа ақалақь аҿы рыҟазаара ҳаилзыркаауа", - ҳәа лҳәоит Шәача ахадара акурортқәеи атуризми рдепартамент адиректор Светлана Батиаикина.

Иахьазы ақалақь аҿы иҟоуп 210 нызқьҩык асасцәа. Нанҳәамзазы ишазыԥхьагәаҭоу ала, асанатор-курорттә усхк аобиектқәа 98% рыла иҭәуеит. Уи ҵыԥхтәи арбагақәа ирышьашәалоуп.

Иара убас шәаԥхьар ҟалоит:

 

2

Акоронавирустә хҭыс ҿыцқәа ҩба аарԥшуп Аԥсны

2
(ирҿыцуп 19:13 05.08.2020)
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 37-ҩык апациентцәа.

АҞӘА, нанҳәа 5 - Sputnik. Даҽа ҩыџьа Аԥсны ауааԥсыра акоронавирус рыдбалоуп ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

"Ииасыз уахыки-ҽнаки рыла акоронавирустә чымазара амазааразы агәаҭара иахысит 105-ҩык ауааԥсыра. Урҭ рахьтә адиагноз COVID-19 рзықәыргылоуп ҩыџьа. Ачымазцәа ирныруаз ауаа ргәаҭарақәа ирыцҵахоит", - ҳәа аҳәоит аштаб аацҳамҭа.

Иахьазы Аԥсны акоронавирус здырбалахьоу рхыԥхьаӡара 109-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау