Урыстәылауаа жәпаҩык рҽыԥхьакра ашьҭахь астресс рхыргарц Аԥсныҟа иаар рҭахуп

© Sputnik / Томас Тхайцук / Амедиаҵәахырҭахь аиасраОтдых туристов в Абхазии
Отдых туристов в Абхазии - Sputnik Аҧсны
Анапаҵаҩра
Аԥсшьараамҭазтәи аангыларҭатә ҭыԥқәа заанаҵы рҿаҵаразы урыстәылатәи амаҵзура Tvil.ru асоциалтә ҳақәа рхархәаҩцәа ирырҭаз азҵаарақәа рыла иалыркааит аҽыԥхьакратә режим ашьҭахь урыстәылауаа ԥсшьара ацара ахьырҭаху аҭыԥқәа.

АҞӘА, мшаԥы 30 - Sputnik. Аԥсны аҩбатәи аҭыԥ ааннакылеит акризис ашьҭахь урыстәыла ԥсшьара ҳәа инеирц ахьырҭаху аҭыԥқәа рыбжьара. Абри аҩыза адыррақәа еилнакааит Аԥсшьараамҭазтәи аангыларҭатә ҭыԥқәа заанаҵы рҿаҵаразы урыстәылатәи амаҵзура Tvil.ru.

Побережье Пицунды - Sputnik Аҧсны
Гагреи, Аҟәеи, Пицундеи урыстәылауаа рыԥсы ршьар ахьырҭаху аҭыԥқәа ирхыԥхьаӡалоуп

"Атуристцәа реиҳараҩык Ҟрымҟа ацара ргәы аҳәоит (51.61%) акурортқәа анаартхалак ашьҭахь. 11,69% ҳзызҵааз Аԥсныҟа рхы дырхар рҭахуп, 10.48% — аӡиа Баикал алырхит, 10.08% — Краснодартәи атәылаҿацә акурортқәа", — ҳәа аҳәоит адырраҭараҿы.

Tvil.ru азҵаарақәа рҭакс аԥсшьареи аҽыхәышәтәреи рзы еиҳа Алтаитәи атәылаҿацәа Карелиеи алырхит асоциалтә ҳақәа рхархәаҩцәа (5.65%), Ставропольтәи атәылаҿацә (2.82%), Башкириа, Ленинградтәи аобласт (0.81%), Свердловтәи аобласт (0.4%).

Аҽыԥхьакратә режим ашьҭахь еиҳа аҽыхәышәтәрази аԥсшьарази иманшәалоу аҭыԥқәа жәаба:

1. Ҟрым - 51.61%

2. Аԥсны - 11,69%

3. Баикал - 10.48%

4. Краснодартәи атәылаҿацә - 10.08%

5-6. Алтаитәи атәылаҿацә, Карелиа - 5.65%

7. Ставропольтәи атәылаҿацә- 2.82%

8-9. Башкириа, Ленинградтәи аобласт - 0.81%

10. Свердловтәи аобласт - 0.4%

Уаанӡатәи адыррақәа рыла, аԥснытәи ақалақьқәа 2020 шықәсазы атуристцәа заанаҵы анхараҭқәа ахьҿарҵаз аҭыԥқәа рсиа ианын. Арҭ адыррақәа еиднакылеит Tvil.ru.

Иара убас шәаԥхьар ҟалоит:

Ажәабжьқәа зегьы
0