Шәачатәи асанаториақәа ԥшь-нызқьҩык рҟынӡа аԥсшьаҩцәа рыдыркылахьеит

10
(ирҿыцуп 14:07 16.06.2020)
Акурорт аҿы аҳаиртә, аихамҩатә еимадарақәа  еиҳа-еиҳа ирызҳауеит. Лаҵара аҵыхәтәантәи амш азы Адлертәи аҳаирбаӷәаза аҳаирпланқәа жәба аднакылазар, рашәара 16 рзы ҩынҩеижәа рҟынӡа аднакылоит.

АҞӘА, лаҵара 16- Sputnik. Шәачатәи асанаториақәа ԥшь-нызқьҩык рҟынӡа аԥсшьаҩцәа рыдыркылахьеит ҳәа аанацҳауеит акурорт ахадара асаит.

Етап-етапла русурақәа хдыртуеит асанатор-курорттә обиектқәа амедицинатә зин ҷыда рыманы. Уажәазы аԥсшьаҩцәа рыдыркылоит 29 ԥсшьарҭа. Аҽа быжьба иааиуа амшқәа рзы иаадыртраны иҟоуп. Рашәара 22 рзы акурорт аҿы зынӡа иаартхоит 40 обиект.

"Аԥсшьаҩцәа реиҳараҩык абри амчыбжь азы ҳарзыԥшуп. Иаауа ирымазароуп COVID-19 рцәа ишалами рыкәша-мыкәша авирус аӡәгьы ишимамызи рзы аршаҳаҭгақәа. Ари дара атуристцәа реиԥш ақалақь ауааԥсыра рызгьы ишәарҭадароуп", - ҳәа лҳәеит Шәача акурортқәеи атуризми рдепартамент адиректор Светлана Батиаикина.

Лара иазгәалҭеит арегион агубернатор идҵала рашәара 12 инаркны русура шалшо 50 рҟынӡа ҭыԥ змоу асасааирҭақәа. Шәача иахьаҵанакуа урҭ рҩызцәа 1600 рҟынӡа ыҟоуп.

Аперсонал роума, аԥсшьаҩцәа роума асоциалтә дистанциа апринцип иқәныҟәалароуп, ршоура ршәалароуп, асабардақәа ныҟәыргалароуп.

Рашәара 12 рзы Аслан Бжьаниа инапы аҵаиҩит аусдҵа аҳәаа ахысразы аԥкырақәа рыҿҳәара иацҵазарц, заанаҵы асасааирҭақәа рҿы аҭыԥҿаҵара азин ҟамҵазарц.

Иара убас шәаԥхьар ҟалоит:

 

10

Гагра ақалақь аԥсшьаразы иреиӷьу аекзотикатә қалақьқәа ирхыԥхьаӡалахеит

6
(ирҿыцуп 12:24 05.08.2020)
Аԥсшьараз анхарҭаҭыԥқәа ахьҿарҵо амаҵзура Tvil.ru асоциалтә ҳақәа рхархәаҩцәа рыбжьара аҭҵаара мҩаԥнагеит Урыстәылеи Аԥсни аԥсшьаразы иахьеиӷьу аекзотикатә қалақь аилкааразы.

АҞӘА, нанҳәа 5- Sputnik. Гагра аԥсшьараз иреиӷьу аекзотикатә қалақьқәа жәаба ирылашәеит. Аԥснытәи акурорт иреиӷьыз аԥхьатәи ахәба ирыҵаркуп асоциалтә ҳақәа рхархәаҩцәа рыӡбрала.

Аиҳараҩык  атуристцәа  иалырхуеит Бахчисараи.

Изызҵаау рҟынтәи 19,42% Ҟрымҟа ицоит аԥсшьаразы.

Ареитинг инақәыршәаны аҭыԥқәа абас ала еихшоуп:

  • Бахчисараи - 19,42%
  • Судаки Горно-Алтаиски - 18,45%
  • Дербент - 11,65%
  • Иошкар-Ола - 10,68%
  • Гагра - 7,77%
  • Темриук - 5,83%
  • Пиатигорск - 3,88%
  • Уфа - 2,91%
  • Болгар - 0,97%

Аԥсни Урыстәылеи рҳәаа аадыртит нанҳәа 1 азы.

Иара убас шәаԥхьар ҟалоит:

Шәгәы бзиаз: Гагра аллергиа змоу рыԥсшьараз иреиӷьу қалақьуп

6

Аԥхынра иаалагазар Шәача 900 000-ҩык аԥсшьаҩцәа аҭаахьеит

2
(ирҿыцуп 09:37 05.08.2020)
Аҭыԥантәи анапхгара ақалақь асасцәа рахь ааԥхьара ҟарҵоит асоциалтә еицәыхарара азгәарҭаларц, амедицинатә сабардақәеи анапҭарԥақәеи ныҟәыргаларц ахәаахәҭырҭа дуқәа, адәқьанқәа, амузеиқәа уҳәа ианырҭаауа, ауаажәларратә транспорт ианҭоу.

АҞӘА, нанҳәа 4 - Sputnik. Аԥхынра иаалагазар Шәача 890 000-ҩык аԥсшьаҩцәа аҭаахьеит ҳәа аанацҳауеит ақалақь ахадара асаит.

Убри аан еиҿкаарыла иаҭааз 680 000-ҩык ыҟан. Урҭ асанаториақәеи асасааирҭақәеи ирыҩнан.

Зхала ақалақь иаҭааз, зыуацәа, зҭынхацәа рҿы инхо, ма мышктәи аныҟәарақәа Аԥсныҟа имҩаԥызго рхыԥхьаӡара 200 000-ҩык инаӡон.

"Официалла, еиҿкаарыла асанаториақәа, асасааирҭақәа ирыҩноу рыдагьы ақалақь аҵакырахь иааиуа егьырҭ асасцәагьы ҳаԥхьаӡоит. Ахархәара аҳҭоит автомашьынатә пост Магри, аихамҩатә вокзалқәа, аеропорт рдыррақәа уҳәа егьырҭ арбагақәагьы, ауаа ақалақь аҿы рыҟазаара ҳаилзыркаауа", - ҳәа лҳәоит Шәача ахадара акурортқәеи атуризми рдепартамент адиректор Светлана Батиаикина.

Иахьазы ақалақь аҿы иҟоуп 210 нызқьҩык асасцәа. Нанҳәамзазы ишазыԥхьагәаҭоу ала, асанатор-курорттә усхк аобиектқәа 98% рыла иҭәуеит. Уи ҵыԥхтәи арбагақәа ирышьашәалоуп.

Иара убас шәаԥхьар ҟалоит:

 

2
Аптечка

Россотрудничество Ливан арыцҳара иақәшәаз рзы ахәшәқәа реизгара хацнаркит

3
(ирҿыцуп 18:03 05.08.2020)
Ливан аҭыԥ змаз аԥжәара иахҟьаны, аҵыхәтәантәи адыррақәа рыла, шәҩык ауааԥсыра ҭахеит, ԥшь-нызқьҩык рҟынӡа аахақәа роуит. Иҟоуп иара убас хабарда ибжьаӡыз. Аџьар Ҟаԥшь ливантәи аилазаара адырра ҟанаҵеит 60-ҩык рҭагылазаашьа акыр ихьанҭоуп ҳәа.

АҞӘА, нанҳәа 5 -  Sputnik. Россотрудничество алаҳәара ҟанаҵеит аҿаҳәага материалқәеи зыда ԥсыхәа ыҟам ахәшәқәеи еизгазарц Беирут арыцҳара иақәшәаз рзы ҳәа аанацҳауеит Ливантәи ареспубликаҿ иҟоу Россотрудничество ахаҭарнакра.

Ахәшәқәа рнагара ҟалоит Беирут иҟоу Урыстәылатәи акультуратә центр ахь.

"Еизгахо ахәшәқәа зегьы Ливантәи ареспублика Агәабзиарахьчара аминистррахь инашьҭхоит", - ҳәа ҳәоуп адырраҭараҿы.

Уи адагьы изҭаху зегьы ирымоуп алшара ааха зауз рзы ашьа арҭарц.

Уаанӡа, Ливантәи ареспублика Агәабзиарахьчара аминистр Хамад Хасан аҳәамҭа ҟаиҵахьан аԥжәараан ахәышәтәырҭақәа ԥшьба шьаҭанкыла ишырхәашоу азы. Уа ишьҭаз ачымазцәа егьырҭ ахәышәтәырҭақәа рахь ииагахеит. Уи еиҳагьы иаруадаҩит аҭагылазаашьа ҳәа иҳәеит иара.

Иара убас шәаԥхьар ҟалоит:

3