Шәачатәи асанаториақәа ԥшь-нызқьҩык рҟынӡа аԥсшьаҩцәа рыдыркылахьеит

10
(ирҿыцуп 14:07 16.06.2020)
Акурорт аҿы аҳаиртә, аихамҩатә еимадарақәа  еиҳа-еиҳа ирызҳауеит. Лаҵара аҵыхәтәантәи амш азы Адлертәи аҳаирбаӷәаза аҳаирпланқәа жәба аднакылазар, рашәара 16 рзы ҩынҩеижәа рҟынӡа аднакылоит.

АҞӘА, лаҵара 16- Sputnik. Шәачатәи асанаториақәа ԥшь-нызқьҩык рҟынӡа аԥсшьаҩцәа рыдыркылахьеит ҳәа аанацҳауеит акурорт ахадара асаит.

Етап-етапла русурақәа хдыртуеит асанатор-курорттә обиектқәа амедицинатә зин ҷыда рыманы. Уажәазы аԥсшьаҩцәа рыдыркылоит 29 ԥсшьарҭа. Аҽа быжьба иааиуа амшқәа рзы иаадыртраны иҟоуп. Рашәара 22 рзы акурорт аҿы зынӡа иаартхоит 40 обиект.

"Аԥсшьаҩцәа реиҳараҩык абри амчыбжь азы ҳарзыԥшуп. Иаауа ирымазароуп COVID-19 рцәа ишалами рыкәша-мыкәша авирус аӡәгьы ишимамызи рзы аршаҳаҭгақәа. Ари дара атуристцәа реиԥш ақалақь ауааԥсыра рызгьы ишәарҭадароуп", - ҳәа лҳәеит Шәача акурортқәеи атуризми рдепартамент адиректор Светлана Батиаикина.

Лара иазгәалҭеит арегион агубернатор идҵала рашәара 12 инаркны русура шалшо 50 рҟынӡа ҭыԥ змоу асасааирҭақәа. Шәача иахьаҵанакуа урҭ рҩызцәа 1600 рҟынӡа ыҟоуп.

Аперсонал роума, аԥсшьаҩцәа роума асоциалтә дистанциа апринцип иқәныҟәалароуп, ршоура ршәалароуп, асабардақәа ныҟәыргалароуп.

Рашәара 12 рзы Аслан Бжьаниа инапы аҵаиҩит аусдҵа аҳәаа ахысразы аԥкырақәа рыҿҳәара иацҵазарц, заанаҵы асасааирҭақәа рҿы аҭыԥҿаҵара азин ҟамҵазарц.

Иара убас шәаԥхьар ҟалоит:

 

10
Отдых в Гаграх

Гагра аԥхынразы заанаҵы аҭыԥқәа ахьҿарҵо ақалақьқәа жәаба ирыҵанакит

15
(ирҿыцуп 13:22 12.01.2021)
Ҭаацәала, ахәыҷқәа рыманы аԥсшьаразы заанаҵы аҭыԥқәа рҿаҵара ахыԥхьаӡара акыр еиҳахеит, еиҳахеит аԥсшьараамҭагьы.

АҞӘА, ажьырныҳәа 12 - Sputnik. Гагра урыстәылатәи атуристцәа аԥхынразы заанаҵы аҭыԥқәа ахьҿарҵо ақалақьқәа жәаба ирыҵанакит ҳәа аанацҳауеит заанаҵтәи аҿаҵараз амаҵзура отдыха Tvil.ru.

Ашықәсҿыцазтәи аныҳәамшқәа раан активла иҿарҵон аԥхынтәи аԥсшьарақәагьы. 10% рыла еиҳахеит ҭаацәала аԥсшьарақәа, 9% рыла – аԥсшьараамҭа, 18% – анхараз абжьаратә чек.

Гагра аԥсшьара алырхуеит ахәԥсақәа урыстәылатәи акурортқәа иахьреиҵо азы.

Заанаҵтәи аҿаҵарақәа рхырхарҭақәа 10 (шьыжьхьада хҩык рзы):

  • Иалта - 17% , 40 000м. 11 у/ҽ;
  • Евпаториа - 15%, 41 000м. 14 у/ҽ;
  • Шәача - 11%, 31 000м. 12 у/ҽ;
  • Анапа - 10%, 33 000м. 13 у/ҽ;
  • Алушта - 9%, 41 000м. 11 у/ҽ;
  • Геленџьик - 6,5%, 32 000м. 12 у/ҽ;
  • Феодосиа - 6%, 29 000м. 10 у/ҽ;
  • Еиск - 5%, 39 000м. 16 у/ҽ;
  • Судак - 5%, 26 000м. 9 у/ҽ;
  • Гагра - 5%, 23 000м. 11 у/ҽ.

Уаанӡа Аԥсны атуризм аминистрра адырра ҟанаҵахьан аныҳәамшқәа ибзиаӡаны имҩаԥысит ҳәа. Убри аан Аԥсны иаҭааз атуристцәа реиҳараҩык Аҟәа ԥсшьарҭаҭыԥс иалырхит. Аҟәа ақалақь аҿы аномертә фонд 80% иҭәын.

Гәдоуҭа араион, хаҭала Афон Ҿыц аԥсшьарҭатә обиектқәа ҭәын 70%.

Аныҳәамшқәа раан атуристцәа аԥсшьарҭа ҭыԥқәа ҳәа иалырхуан ачыс хаа, ирԥхоу аӡҭачы, аныҳәатә программа, аекскурсиатә маҵзурақәа роур ахьалшоз, иара убасгьы ақалақь агәы иахьазааигәаз аотельқәа.

Иара убас шәаԥхьар ҟалоит:

Аԥсны иаҭааз атуристцәа реиҳараҩык Аҟәа ԥсшьарҭаҭыԥс иалырхит

15

Аԥсны иаҭааз атуристцәа реиҳараҩык Аҟәа ԥсшьарҭаҭыԥс иалырхит

11
(ирҿыцуп 11:36 12.01.2021)
Атуристцәа аԥсшьарҭа ҭыԥқәа ҳәа иалырхуан ачыс хаа, ирԥхоу аӡҭачы, аныҳәатә программа, аекскурсиатә маҵзурақәа роур ахьалшоз асасааирҭақәа.

АҞӘА, ажьырныҳәа 12– Sputnik. Аԥсны иаҭааз атуристцәа реиҳараҩык Аҟәа ԥсшьарҭаҭыԥс иалырхит ҳәа аанацҳауеит Атуризм аминистрра апресс-маҵзура.

Аҟәа ақалақь аҿы аномертә фонд 80% иҭәын.

"Аныҳәамшқәа раан атуристцәа аԥсшьарҭа ҭыԥқәа ҳәа иалырхуан ачыс хаа, ирԥхоу аӡҭачы, аныҳәатә программа, аекскурсиатә маҵзурақәа роур ахьалшоз, иара убасгьы ақалақь агәы иахьазааигәаз аотельқәа", - азгәаҭоуп адырраҭараҿы.

Гәдоуҭа араион, хаҭала Афон Ҿыц аԥсшьарҭатә обиектқәа ҭәын 70%.

Аныҳәамшқәа раан Афонтәи аҳаԥы иаҭааит 10 737-ҩык, ииасыз ашықәс азы –  5 568-ҩык. Аԥаратә лагалагьы 5 миллионки 368 нызқьи 500 мааҭи 2 миллионки 784 нызқьмааҭи ҳәа еиҿырԥшуп.

Гагра араион аҿы аобиектқәа рыҭәра 65% инаӡеит.

Риҵатәи апарк иаҭааит 18,161-ҩык, амаҵзурақәа рыхәԥса иартәеит 6 миллионки 054 нызқьи 100 мааҭ.

"2020 шықәса рзы апарк иаҭааит абри аамҭазы 9,269-ҩык, ахашәала иартәеит 3 миллионки 062 нызқьи 150 мааҭ", - азгәарҭоит аусбарҭаҿы.

Уи адагьы арҭ амшқәа рзы аҭааҩцәа рацәан: Кындыӷтәи аӡыԥхарра, Кәыдрытәи аиҩхаа, Черниговка, Аҟармара, Тҟәарчалтәи аӡхыҽҽақәа.

11
Линии электропередач

Аҟәа ахәҭак лашарада иаанхеит аҵла афымцацәаҳәақәа иахьрықәҳаз иахҟьаны

2
Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа инеиҭашьақәдыргыло рҳәеит.

АҞӘА, ажьырныҳәа 17 - Sputnik. Аҟәа адендропарк аҿы икаҳаз аҵла афымцацәаҳәақәа хәба аԥхасҭа рынаҭеит, уи иахҟьаны Синопи Турбазеи рыбжьара иҟоу араион фымцалашарада иаанхеит ҳәа аанацҳауеит АУН "Амшынеиқәафымцамч".

Иазгәаҭоуп аԥхасҭа шроуз 10-тәи, 11-тәи афидерқәа (аихшарҭатә цәаҳәақәа - азгә.).

Аҭыԥ ахь инеит амашәыр ахҟьаԥҟьақәа аԥызхуа абригадақәа, афымцалашара амҽыша асааҭ 15:00 рҟынӡа еиҭашьақәдыргылоит рҳәеит.

2