"Акадифаамҭа": атуристцәа аԥсшьаразы Аԥсны иалыркаауа аҭыԥқәа хәба

14
(ирҿыцуп 11:17 12.08.2020)
Атуристцәа рыԥсшьаразы заанаҵы анхарҭаҭыԥқәа рзалызхуа амаҵзура Tvil.ru ишьақәнаргылеит цәыббра 1 инаркны жьҭаара 31 рҟынӡа еиҳа аԥсшьаразы иманшәалоу аҭыԥқәа рсиа.

АҞӘА, нанҳәа 12 - Sputnik. Гагра, Цандрыԥшь, Аҟәа, Афон ҿыц, Алаҳаӡы — Аԥсны реиҳа иалыркаауа, зыхәԥса ҳаракым ҭыԥқәаны ишьоуп "акадифаамҭа" ҳәа ззырҳәо ҭагалан ахҵәахаан ҳәа аанацҳауеит атуристцәа аԥсшьаразы заанаҵы анхарҭаҭыԥқәа рзалызхуа амаҵзура  Tvil.ru.

Атуристцәа еиҳарак абри аамҭахҵәахазы 8-14 мшы рыԥсшьараан уахыки-ҽнаки рыла инырхуеит 829 – 1400 мааҭ аԥара. Зегь раасҭа имарианы аԥсшьара алшоит Афон ҿыц, еиҳа ахәԥса дууп Аҟәа.

2020 шықәса ҭагаланы азы еиҳа иманшәалан Аԥсны аԥсшьара ахьалшо:

  • Гагра — 1001 мааҭ / 9,57 ҵхы*
  • Цандрыԥшь — 1066 мааҭ / 10 ҵхы
  • Аҟәа— 1438мааҭ / 8 ҵхы
  • Афон ҿыц— 829 мааҭ / 10,5 ҵхы
  • Алаҳаӡы — 1180 мааҭ / 14 ҵхы

Цәыббра 1 инаркны жьҭаара 31 рҟынӡа еиҳа аԥсшьараз иманшәалоу  аҭыԥқәа рзы асиа шьақәнаргылеит атуристцәа аԥсшьаразы заанаҵы анхарҭаҭыԥқәа рзалызхуа амаҵзура Tvil.ru.

*Уахыки-ҽнакыи рыла аҭаацәа иҿарҵаз аҭыԥ азы иршәо аԥара/ аҵхқәа бжьаратәла рхыԥхьаӡара

Иара убас шәаԥхьар ҟалоит:

14

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7

Атәанчаҩцәа рыԥсшьаразы еиӷьыршьо акурортқәа ируакхеит Афон Ҿыц ақалақь

8
(ирҿыцуп 10:21 01.10.2020)
Атуристцәа аԥсшьараан рынхаразы заанаҵтәи аҿаҵарақәа ахьыҟарҵо амаҵзура Tvil.ru. Абыргцәа жәларбжьаратәи рымш азы асоциалтә ҳақәа рхархәаҩцәа иразҵааит атәанчараамҭаан еиҳа рыԥсы ршьарц ахьырҭаху азы.

АҞӘА, жьҭаара 1 - Sputnik. Афон Ҿыц аҩбатәи аҭыԥ ааннакылеит атәанчаҩцәа аԥсшьаразы еиҳа иалыркааз акурортқәа рыбжьара. Абри азы аҭҵаарақәа мҩаԥнагеит атуристцәа аԥсшьараан рынхаразы заанаҵтәи аҿаҵарақәа ахьыҟарҵо амаҵзура Tvil.ru.

Аԥсшьаразы иреиӷьу курортны ахьӡ ҳәоуп 24.75% иргәаԥхо Евпаториа. Аҩбатәи аҭыԥ ннакылеит Афон Ҿыц, иара алыркааит 21.78%, ахԥатәи аҭыԥ ннакылеит Кисловодск - 13.86%.

Атәанчаҩцәа еиҳа бзиа ирбо акурортқәа рсиа:

  • Евпаториа, 24.75%
  • Афон Ҿыц, 21.78%
  • Кисловодск, 13.86%
  • Феодосиа, 10.89%
  • Анапа, 8.91%
  • Санкт-Петербург, 6.93%
  • Светлогорск, 5.94%
  • Ессентуки, 4.95%
  • Џьубга, 0.99%
  • Тҟәаԥс, 0.99%

Уаанӡа амаҵзура Tvil.ru ишьақәнаргылеит Аԥсны аҩныҵҟа атуристцәа иалыркаауа акурортқәа рреитинг. Арахь иаҵаркын Аҟәа, Афон Ҿыц, Алаҳаӡы, Гәдоуҭа.

Иара убас шәаԥхьар ҟалоит:

8

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11