Аԥсны урыстәылаа реиҳа иргәаԥхо аҭыԥқәа ирыҵанакит

17
(ирҿыцуп 15:34 08.10.2020)
Аҟазауаа Big Data амыругақәа рхы иархәаны анализ азыҟарҵеит атуристтә сезон аан аилахәыра Мегафон абонентцәа рынеиҭаҵааиҭаҵра адыррақәа.

АҞӘА, жьҭаара 8 - Sputnik. Аԥсны аҳәаанырцә ицаз урыстәылаа рхыԥхьаӡарала аҩбатәи аҭыԥ ннакылеит агеографиатә ҭагылазаашьа азы. Актәи аҭыԥ аҿы иҟоу Ҭырқәтәылоуп. Бжьаратәла арҭ атәылақәа рҿы дара рыԥсы ршьоит 12-12 мшы.

Аналитикцәа рдыррақәа рыла, урыстәыла ртәыла аҩныҵҟа рныҟәара агеографиа дырҭбааит. Убри аан Урыстәыла зыԥсы зшьаз, аха зрегион инҭыҵыз рхыԥхьаӡара 9% рыла еиҵахеит сынтәа.

Аԥсшьараз еиҳа иалкааз аҭыԥқәа— Краснодартәи атәылаҿацә, Ҟрым, Москва, Санкт-Петербург сынтәа ирҭааз рхыԥхьаӡара 20% рыла еиҵахеит. Баикали Алтаии рҟынгьы апандемиа иахҟьаны аԥсшьаҩцәа рхыԥхьаӡара 6% рыла еиҵоуп ҵыԥх аасҭа.

Урыстәылаа бзиа ишырбац ирбоит Башкортостан, Татарстан, Ростовтәи аобласт, Ставрополие.

Бжьаратәла рыԥсшьара аамҭа жәеиза мшы рҟынӡа артәоит.

Аԥсни Урыстәылеи рҳәаа атуристцәа рзы ԥшьымз инарзынаԥшуа иаркын. Аԥкырақәа аԥыхын нанҳәа 1 азы.

17

600 нызқьҩык атуристцәа Аԥсны иаҭааит нанҳәа 1 аахыс

13
(ирҿыцуп 16:05 28.10.2020)
Аԥсны атуристтә сезон ыҟан ҳәа уҳәар ауеит ҳәа иҳәеит ареспублика атуризм аминистр Ҭеимураз Хышба жьҭаара 28 рзы апресс-конференциаҿ.

АҞӘА, жьҭаара 28 - Sputnik, Бадраҟ Аҩӡба. 600 нызқьҩык инарыцны атуристцәа Аԥсны иаҭааит нанҳәа 1 аахыс ҳәа иҳәеит ареспублика атуризм аминистр Ҭеимураз Хышба жьҭаара 28 рзы апресс-конференциаҿ.

Хышба иажәақәа рыла ари ҵыԥхтәи ашықәс абри аамҭазтәи арбага иабжоуп.

Аминистр иазгәеиҭеит 2020 шықәса рзы  аҭыԥ змоу акоронавирустә ԥкырақәа инарыдҳәаланы ареспублика аҩныҵҟатә туризм аизҳара шаиуз.

Ҿырԥштәыс иааигеит апансионат "Ауадҳара" аҭаара. Убас, 2019 шықәса рашәара-ԥхынгәы амзақәа рзы Ауадҳара рыԥсы ршьеит 735-ҩык, 2020 шықәсазы – 1500-ҩык.

Аԥсни Урыстәылеи рҳәынҭқарратә ҳәаа аадыртит нанҳәа акы азы. Нанҳәа 7 рзы ихацыркхеит аихамҩатә еимадара. Ареспублика атуризм аминистр Ҭеимураз Хышба иажәақәа рыла акоронавирус алаҵәара аҳәаа аартра иадҳәалам.

Иара убас шәаԥхьар ҟалоит:

13

Сынтәа Шәача 4,6 миллионҩык атуристцәа рыԥсы ршьеит

7
Шәачатәи акадифаамҭа аилашыкьымҭаҵәҟьоуп. Аԥсшьарҭаҭыԥқәа реиҳарак ҭәуп.

АҞӘА, жьҭаара 22 - Sputnik. Сынтәа, ашықәс иаалагазар,  Шәача  4,6 миллионҩык атуристцәа рыԥсы ршьеит. Уажәы акурорт аҿы рыԥсы ршьоит 100 000-ҩык рҟынӡа ҳәа аанацҳауеит акурорт ахадара апресс-маҵзура.

Шәача асасцәа 1700 рҟынӡа ԥсшьарҭаҭыԥ ааныркылоит. Аԥсшьарҭаҭыԥқәа рҿы ҭагалантәи апрограмма аусура иалагеит, ахәԥсақәа лаҟәуа иалагеит.

"Аԥсшьаҩцәа шырацәоугьы акурорт аҿы аепидемиологиатә ҭагылазаашьа ахылаԥшра амоуп, аиҳарак асанатор-курорттә усхк анаплакқәа Роспотребнадзор абжьагарақәа иахьрықәныҟәо азы", - еиҭалҳәоит ақалақь ахадара акурортқәеи атуризми рдепартамент адиректор Светлана Батиакина.

Шәача ақалақь ахадара акурортқәеи атуризми рдепартамент азыԥхьагәаҭарақәа рыла, жьҭаарамза нҵәаанӡа асанаториақәеи аԥсшьарҭақәеи 72-74% иҭәызаауеит. Абҵарамзазы аекспертцәа ишырҳәо ала 68% иҭәуеит.

Краснодартәи атәылаҿацә аҿы агәҽанҵаратә режим ӷәӷәа жьҭаара 31 рҟынӡа иҟазаауеит. Есыҽны асанатор-курорттә наплакқәа ргәаҭара мҩаԥыргоит амонитортә гәыԥ Роспотребнадзор аҭахрақәа ирықәныҟәаны. 

Атуристцәа иргәаладыршәоит асоциалтә дистанциеи, амедицинатә сабрадақәеи рныҟәгара шхымԥадатәиу.

7

Уахыки-ҽнаки рыла 106-ҩык акоронавирус шрылаз аадырԥшит Аԥсны

11
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

11
Атемақәа:
Ачымазара ҿкы – акоронавирус Аԥсни адунеи аҿи: иалкаау