Аԥсуа қалақь "акадифаамҭазы" хәмариала аԥсшьара ахьалшо аҭыԥқәа ирылашәеит

16
(ирҿыцуп 12:30 25.08.2021)
Атуристтә маҵзура TVIL.RU иалнакааит "акадифаамҭазы" аԥсшьара еиҳа хәмариала иахьалшо ақалақьқәа.

АҞӘА, нанҳәа 25 - Sputnik. Афон ҿыц "акадифаамҭазы" аԥара рацәа нымхкәа аԥсшьара ахьалшо аҭыԥқәа рсиа иаҵанакит ҳәа аанацҳауеит TVIL.RU.

80% еиҵахеит цәыббрамзатәии жьҭаарамзатәии ахәқәа Истреи Сортавалеи ақалақьқәа рҟны нанҳәамза иаҿырԥшны.
50% ахәқәа лаҟәит Ессентукии Переславль-Залесскии, Казань –40%.

TVIL.RU астатистикала, атуристцәа заанаҵы абри аамҭазы аҿаҵарақәа ҟарҵоит 2-11 уахы, иазыхиоуп уахыки ҽнаки ала 1,1 - 4,7 нызқьмааҭ аныхра.

Ахәԥсақәа еиҳа иахьылаҟәыз ахырхарҭақәа жәаба:

  • Истра 4700 мааҭ 2,5 уахы
  • Сортавала 1100 мааҭ 3 уахы
  • Ессентуки 1392 мааҭ 4 уахы
  • Переславль-Залесский 2800 мааҭ 2 уахы
  • Казань 1834 мааҭ 5 уахы
  • Афон ҿыц 1320 мааҭ 10 уахы
  • Калининград 1997 мааҭ 7 уахы
  • Соль-Илецк 1450 мааҭ 4 уахы
  • Еиск 1718 мааҭ 11 уахы
  • Судак 2402 мааҭ 9 уахы

Асиа шьақәыргылоуп 2021 шықәса цәыббрамзеи жьҭаарамзеи рызтәи заанаҵтәи аҿаҵарақәа рышьаҭала.

Иара убас шәаԥхьар ҟалоит:

16

Глемпинг-ԥсшьара ахьырхырго иреиӷьу аҭыԥқәа Гагра рыҵанакит

12
(ирҿыцуп 16:44 23.09.2021)
Глемпинг - ԥсшьара хкуп, аԥсабараҿ аҭагылазаашьа бзиақәа зегьы ахьаԥҵоу аԥсшьарҭаҭә сасаирҭа маҷқәоуп.

АҞӘА, цәыббра 23 - Sputnik. Гагра ақалақьқәа жәаба рхыԥхьаӡараҿ иҟоуп 2021 шықәса аԥхынразы аглемпинг-ԥсшьара ахьҿарҵоз. Абри атәы аанацҳауеит амаҵзура Tvil.ru.

Иара убас ари асиахь иаҵанакит Оленевка, Геленџьыкь, Луга, Андреаполь, Артыбаш, Илински, Калининград, Углич, Хужир.

Tvil.ru астатистикала урыстәылаа глемпинг-ԥсшьара ҿарҵон 1 – 14 уахы иагьазыхиан 1,6 - 14 мааҭ аныхра. Аԥсшьара еиҳа ахәԥсақәа лаҟәын Геленџьик, иҳаракын – Углич.

2021 шықәса аԥхынтәи глемпинг-ԥсшьараз еиҳа иалыркаауаз ахырхарҭақәа:

Оленевка   3152 рубля   6 уахы
Геленџьик   1645мааҭ 6 уахы
Гагра  2938маа  14 уахы
Луга   5909мааҭ  4 уахы
Андреапол 3300мааҭ  3 уахы
Артыбаш 4160мааҭ  2,5 уахы
Ильинский    4467мааҭ   3 уахы
Калининград   4000мааҭ      8,5 уахы
Углич 14650мааҭ 1 уахы
Хужир   4500мааҭ   1 уахы

Асиа шьақәыргылоуп 2021 шықәса рашәара 1 инаркны нанҳәа 31 рҟынӡа иҟаҵаз аҿаҵарақәа рышьаҭала.

12

Пицунда Ашықәс ҿыц азы реиҳа зыхә мариоу аԥсшьараҭа ҭыԥқәа ирхыԥхьаӡалоуп

11
(ирҿыцуп 16:57 20.09.2021)
Амаҵзура Tvil.ru асаит иалнакааит аӡынтәи аԥсшьарамшқәа раан еиҳа имарианы аԥсшьара ахьалшо аҭыԥқәа.

АҞӘА, цәыббра 20- Sputnik. Акурорттә қалақь Пицунда Ашықәс ҿыц азы реиҳа зыхәԥса лаҟәу аԥсшьарҭақәа иреиуахеит 2022 шықәсазы, абри атәы аанацҳауеит Tvil.ru.

Асиахь иаҵанакит иара убасгьы: Златоуст, Геленџьик, Симферополь, Тверь, Санкт-Петербург, Пиатигорск, Калининград, Пермь, Казань.

Tvil.ru астатистикала аӡынтәи аныҳәақәа раан 3-8 уахы аԥсшьара алырхуеит, иазыхиоуп уахыки-ҽнаки рзы 1 - 2,9 нызқьмааҭ аныхра.

Асиа шьақәыргылоуп 2021 шықәса ԥхынҷкәын 31 инаркны 2022 шықәса ажьырныҳәа 9 рҟынӡатәи заанаҵтәи аҿаҵарақәа рзы иҟоу адыррақәа рыла.

  • Пицунда 1 000 м / 4 у *
  • Златоуст - 1 200 м / 5 у
  • Геленџьик - 1 500 м / 6 у
  • Симферополь - 1 080 м / 3у
  • Тверь - 1 450м/ 4у
  • Санкт-Петербург - 2 069 м/ 4 у
  • Пиатигорск - 2 406 м / 8 у
  • Калининград - 2 745 м/ 5 у
  • Пермь - 2 900 м / 4 у
  • Казань - 2 940 м / 4 у

* Уахыки-ҽнаки рзтәи абжьаратә хәыԥса.

Иара убас шәаԥхьар ҟалоит:

11

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

2
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

2