Аԥсшьарҭатә комплекс "Тамшь Village" 7000-ҩык атуристцәа аҭаахьеит

24
(ирҿыцуп 11:07 29.08.2021)
Алшықәсанык аԥсшьара ахьауа акомплекс "Тамшь Village" официалла иаадыртит ҳазҭоу ашықәс ԥхынгәымза 3 рзы.

АҞӘА, нанҳәа 29 - Sputnik. Аԥсшьарҭатә комплекс "Тамшь Village" быжь-нызқьҩык рҟынӡа атуристцәа аднакылахьеит, ҳәа арадио Sputnik иазеиҭеиҳәеит уи адиректор Константин Новиков.

Иара иажәақәа рыла, сынтәатәи атуристтә сезон аԥсшьаҩцәа рацәаҩны иаанагеит. Уи моу, жьҭаарамзаҟынӡа заа аҭыԥқәа аазхәахьоугьы  ыҟоуп, аӡынразгьы убас.

"Аклмплекс шықәснаҟьак аус ауртә еиԥш иҳалшо зегь ҟаҳҵоит. Аӡынразы аӡҭарчы аӡырԥха ҭало иҟалоит, аҽыкәабарҭақәа, аекскурсиатә программақәа, акорпоративқәа, ашықәсҿыцазтәи аныҳәатә хәылԥазқәа, амандарин фуршетқәа уҳәа, ахьҭа иамкуа иҭаку абарҵақәа рҿы итәо еиҿаҳкаауеит", - иҳәеит иара.

Новиков иазгәеиҭеит, Тамшьҟа ишырҭаауа Урыстәыла акәакьқәа зегьы рҟынтә атуристцәа Сибра инаркны Ахара Мрагылара аҟынӡа. Дара рзын иҿыцу аекскурсиатә хырхарҭақәа аартхоит Мрагыларатәи Аԥсны аганахь. 

"Аԥсны ари ахәҭа аҿиара аԥеиԥш ду шамоу ҳбоит, ауаа ирҭахны иаауеит, ахырхарҭа ҿыцқәа ирышьҭоуп. Ҳаргьы арҭ ахырхарҭақәа иаҳа рырманшәалара ҳҽазаҳшәоит, анаплакцәагьы рус аизҳара ҳацхраауеит иара уи ала. Аԥсны мрагылара ҳара иҳацҿианда ҳәа агәыӷра ҳамоуп. Ас еиԥш иҟоу акомплексқәа ыҟазар, уи иаанаго аусурҭа ҭыԥқәагьы ҟалоит, ҳара ҳҟынгьы аҭыԥантәи ауааԥсыра маҷҩымкәа усура иҳадаҳкылеит", - ҳәа еиҭеиҳәеит адиректор. 

Новиков иазгәеиҭеит, Аԥсны аинвестициақәа рзы иманшәалоу тәылоуп ҳәа, урҭ рхьарԥшра аганахьала аусурагьы цоит.

"Тамшь Village" - ӷәыла иҟаҵоу аҩнхәыҷқәа еидызкыло агәабзиарчаԥарҭатә - асасирҭатә  комплексуп, амшын аԥшаҳәаҿы ишьҭоуп, иааидкыланы зықьҩык рҭыԥ амоуп. Ари  аргылара аԥара ахнашәааит урыстәылатәи атуристтә еилахәыра "Библио-Глобус".

24

Пицунда Ашықәс ҿыц азы реиҳа зыхә мариоу аԥсшьараҭа ҭыԥқәа ирхыԥхьаӡалоуп

11
(ирҿыцуп 16:57 20.09.2021)
Амаҵзура Tvil.ru асаит иалнакааит аӡынтәи аԥсшьарамшқәа раан еиҳа имарианы аԥсшьара ахьалшо аҭыԥқәа.

АҞӘА, цәыббра 20- Sputnik. Акурорттә қалақь Пицунда Ашықәс ҿыц азы реиҳа зыхәԥса лаҟәу аԥсшьарҭақәа иреиуахеит 2022 шықәсазы, абри атәы аанацҳауеит Tvil.ru.

Асиахь иаҵанакит иара убасгьы: Златоуст, Геленџьик, Симферополь, Тверь, Санкт-Петербург, Пиатигорск, Калининград, Пермь, Казань.

Tvil.ru астатистикала аӡынтәи аныҳәақәа раан 3-8 уахы аԥсшьара алырхуеит, иазыхиоуп уахыки-ҽнаки рзы 1 - 2,9 нызқьмааҭ аныхра.

Асиа шьақәыргылоуп 2021 шықәса ԥхынҷкәын 31 инаркны 2022 шықәса ажьырныҳәа 9 рҟынӡатәи заанаҵтәи аҿаҵарақәа рзы иҟоу адыррақәа рыла.

  • Пицунда 1 000 м / 4 у *
  • Златоуст - 1 200 м / 5 у
  • Геленџьик - 1 500 м / 6 у
  • Симферополь - 1 080 м / 3у
  • Тверь - 1 450м/ 4у
  • Санкт-Петербург - 2 069 м/ 4 у
  • Пиатигорск - 2 406 м / 8 у
  • Калининград - 2 745 м/ 5 у
  • Пермь - 2 900 м / 4 у
  • Казань - 2 940 м / 4 у

* Уахыки-ҽнаки рзтәи абжьаратә хәыԥса.

Иара убас шәаԥхьар ҟалоит:

11

Аԥсны амшынеиқәа иаԥну аԥсшьарҭаҭыԥқәа ӡегь раасҭа ахә ахьымариоу ҳәа  иалыркааит

17
(ирҿыцуп 11:49 18.09.2021)
Урыстәылатәи атуроператорцәа рассоциациа ахҳәааҟаҵаратә усбарҭа агәаҭарақәа мҩаԥыргоит урыстәылеи аҳәаанырцәи акурортқәа рыхәқәа рҭагылазаашьа азын.

АҞӘА, цәыббра 18 - Sputnik. Амшынеиқәа иаԥну  акурортқәа зегь раасҭа цәыббрамзазы рыхәқәа ахьымариоу ҳәа иԥхьаӡоуп Аԥсны, абас аҩҩуеит адырраҭара АТОР.

Аԥсны зегь раасҭа зыхә мариоу атур цәыбрра 19-25 ( жәаха-жәамш, аԥырреи шьыжьхьафареи налаҵаны)  ҩыџьа ирызтәоит 22 нызқьи 166 мааҭи рҿы.

Аҩбатәи аҭыԥаҿ ари ахәԥса иашьашәало иҟоуп - Анапа, ҩыџьа ирызтәоит 24 нызқьи 781 мааҭ, ахԥатәи - Шәача, 25 нызқьи 257 мааҭ, аԥшьбатәи - Ҟрым
28 нызқьи 287 мааҭ.

Ҭагалантәи аԥсшьарамшқәа рзы ахәыҷқәа рыманы иахьцо ҳәа иалкаауп Гагра.

Аԥсны цәыббрамза анҵәамҭаз ибзиаӡоу асасирҭа 5* змоу аҟны аԥсшьара,  уажәнатә иааухәозар 82 нызқьи 500 мааҭ артәоит ҩыџьа хынтә рыкрыфара налаҵаны.

Амшынеиқәа иаԥну акурортқәа жәаха-жәамш цәыббра 19-25 рзы, нанҳәамза анҵәамҭа иаҿҳарԥшуазар рыхәқәа 30-50% илаҟәит. Аԥсны акәзар 54,5%, Шәача 27,6%, Ҟрым 45,8%.

Амшынӡы аҟәандара цәыббра анҵәамҭазы Аԥсны 24,5 - 25 градус иҟоуп, Анапа 22,4 -20 гр. Шәача 25 - 24 гр.

Амшынеиқәа иаԥным егьырҭ акурорҭқәа цәыббрамзазы  амшын ахьԥхарроу актәи атыԥаҿ иҟоуп Ҭырқәтәыла, уаҟа уажәы амшынӡ аҟәандара 28,6 гр. иҟоуп амза анҵәамҭаз 26 гр. рҟынӡа.

Ҭырқәтәыла анаҩс  зыхәқәа ахьымариоу аҳәаанырцәтәи атәылақәа ҳәа иԥхьаӡоуп ЕАЕ, Мысра, Кипр.

Иара убас шәаԥхьар ҟалоит:

17

Хра злоу ахҭысқәа: Хәытаба Ҭырқәтәылеи Аԥсни инхо аԥсуаа реимадара иазкны

0
(ирҿыцуп 14:33 23.09.2021)
Арепатриациазы аҳәынҭқарратә хеилак ҳџьынџьуаа рымадаразы аҟәша аиҳабы Инал Хәытаба арадио Sputnik аефир аҿы дазааҭгылеит Ҭырқәтәылеи Аԥсни иҟоу аҿар реимадаразы имҩаԥырго апроект атәы, еиҭеиҳәеит, ҳџьынџьуаа рҭоурыхтә ԥсадгьыл ахь рырхынҳәразы ицо аусура атәы.
Хра злоу ахҭысқәа: Хәытаба Ҭырқәтәылеи Аԥсныи инхо аԥсуаа реимадара иазкны

"Аԥсныҟа ахынҳәразы ҳкомитет еиуеиԥшым апроектқәа ҟарҵоит, урҭ ируакуп ҳҿар Ҭырқәтәылантәи Аԥсныҟа иааны ААУ аҟны аҵара дырҵара. Уи азын ауниверситет аректор Алеко Гәарамиа иаҳҳәеит, иара даара игәы иаахәеит абри аҩыза апроект атәы аниаҳа. Адгылара шаиҭо атәы ҳаиҳәеит.

Арахь иаауа абызшәа рыздырӡом, убри азы раԥхьатәи ашықәс аԥсуеи аурыс бызшәақәеи дырҵаразы акурсқәа аадыртуеит. Абызшәазы аԥышәарақәа анарҭалак, иалырхаз азаанаҭ ала иахыԥхьаӡалахоит.

Ҭырқәтәылатәи ҳдиаспора ари даара ргәы иаахәеит. Иаарц зҭаххазгьы даара ирацәаҩхеит, аха зегьы зымааӡеит, избанзар, атәылауаҩшәҟәы аиура цәгьоуп. Уажәазы 9-ҩык рсиа ҳамоуп. Руаӡәы ахԥатәи акурс аҿы аҵара иҵон, аха абри аҩыза алшара ыҟоуп ҳәа аниаҳа, Ҭырқәтәыла аҵара ахьиҵоз ауниверситет ааныжьны Аԥсныҟа даауеит", - ҳәа еиҭеиҳәеит Хәытаба.

Инеиҵыху аиҿцәажәара шәазыӡырҩыр шәылшоит аудиофаил аҿы.

0