Урыстәылатәи атуристцәа Ашықәс ҿыц азы апутиовкақәа раахәара иаҟәыҵит

13
(ирҿыцуп 09:08 01.09.2021)
Аԥхын анҵәамҭазы аковидҿагыларатә ԥкырақәа ирхырҟьаны Краснодартәи атәылаҿацә аҿы аԥсшьараз анхарҭақәа заанаҵы рҿаҵара 20-30% рҟынӡа аԥыхуеит.

АҞӘА, цәыббра 1 - Sputnik. Урыстәылатәи атуристцәа Ашықәс ҿыц азы апутиовкақәа раахәара иаҟәыҵит ҳәа РИА Новости иазеиҭалҳәеит Урыстәыла атуроператорцәа Рассоциациа анагӡаратә директор Маиа Ломиӡе.

Ломиӡе илҳәеит Шәачеи Гәыбаадәи рҿы аԥсшьаразы ҿаҵарақәак шыҟоу.

"Арегионқәа рҿы аамҭа-аамҭалатәи локдаунқәа рыҟалареи аԥкырақәа ралагалареи атуристцәа  дыршәеит, ԥхьаҟазы заанаҵы аҿаҵарақәа рымҩаԥгарагьы иаҟәыҵит", - ҳәа лҳәеит лара.

Ломиӡе илҳәеит жьҭаарамзазы  аҿаҵарақәа ҟалар шрылшо.

"Ҳақәгәыӷуеит атәылаҿы  аколлективтә иммунитет ҟалап ҳәа, аԥкырақәа рыԥсыҽхап ҳәа атәыла аҩныҵҟеиԥш анҭыҵгьы", - ҳәа азгәалҭеит Ассоциациа ахада.

Лара иазгәалҭеит аԥкырақәа атуризм аусхк ишаԥырхагоу.

13

Глемпинг-ԥсшьара ахьырхырго иреиӷьу аҭыԥқәа Гагра рыҵанакит

12
(ирҿыцуп 16:44 23.09.2021)
Глемпинг - ԥсшьара хкуп, аԥсабараҿ аҭагылазаашьа бзиақәа зегьы ахьаԥҵоу аԥсшьарҭаҭә сасаирҭа маҷқәоуп.

АҞӘА, цәыббра 23 - Sputnik. Гагра ақалақьқәа жәаба рхыԥхьаӡараҿ иҟоуп 2021 шықәса аԥхынразы аглемпинг-ԥсшьара ахьҿарҵоз. Абри атәы аанацҳауеит амаҵзура Tvil.ru.

Иара убас ари асиахь иаҵанакит Оленевка, Геленџьыкь, Луга, Андреаполь, Артыбаш, Илински, Калининград, Углич, Хужир.

Tvil.ru астатистикала урыстәылаа глемпинг-ԥсшьара ҿарҵон 1 – 14 уахы иагьазыхиан 1,6 - 14 мааҭ аныхра. Аԥсшьара еиҳа ахәԥсақәа лаҟәын Геленџьик, иҳаракын – Углич.

2021 шықәса аԥхынтәи глемпинг-ԥсшьараз еиҳа иалыркаауаз ахырхарҭақәа:

Оленевка   3152 рубля   6 уахы
Геленџьик   1645мааҭ 6 уахы
Гагра  2938маа  14 уахы
Луга   5909мааҭ  4 уахы
Андреапол 3300мааҭ  3 уахы
Артыбаш 4160мааҭ  2,5 уахы
Ильинский    4467мааҭ   3 уахы
Калининград   4000мааҭ      8,5 уахы
Углич 14650мааҭ 1 уахы
Хужир   4500мааҭ   1 уахы

Асиа шьақәыргылоуп 2021 шықәса рашәара 1 инаркны нанҳәа 31 рҟынӡа иҟаҵаз аҿаҵарақәа рышьаҭала.

12

Пицунда Ашықәс ҿыц азы реиҳа зыхә мариоу аԥсшьараҭа ҭыԥқәа ирхыԥхьаӡалоуп

11
(ирҿыцуп 16:57 20.09.2021)
Амаҵзура Tvil.ru асаит иалнакааит аӡынтәи аԥсшьарамшқәа раан еиҳа имарианы аԥсшьара ахьалшо аҭыԥқәа.

АҞӘА, цәыббра 20- Sputnik. Акурорттә қалақь Пицунда Ашықәс ҿыц азы реиҳа зыхәԥса лаҟәу аԥсшьарҭақәа иреиуахеит 2022 шықәсазы, абри атәы аанацҳауеит Tvil.ru.

Асиахь иаҵанакит иара убасгьы: Златоуст, Геленџьик, Симферополь, Тверь, Санкт-Петербург, Пиатигорск, Калининград, Пермь, Казань.

Tvil.ru астатистикала аӡынтәи аныҳәақәа раан 3-8 уахы аԥсшьара алырхуеит, иазыхиоуп уахыки-ҽнаки рзы 1 - 2,9 нызқьмааҭ аныхра.

Асиа шьақәыргылоуп 2021 шықәса ԥхынҷкәын 31 инаркны 2022 шықәса ажьырныҳәа 9 рҟынӡатәи заанаҵтәи аҿаҵарақәа рзы иҟоу адыррақәа рыла.

  • Пицунда 1 000 м / 4 у *
  • Златоуст - 1 200 м / 5 у
  • Геленџьик - 1 500 м / 6 у
  • Симферополь - 1 080 м / 3у
  • Тверь - 1 450м/ 4у
  • Санкт-Петербург - 2 069 м/ 4 у
  • Пиатигорск - 2 406 м / 8 у
  • Калининград - 2 745 м/ 5 у
  • Пермь - 2 900 м / 4 у
  • Казань - 2 940 м / 4 у

* Уахыки-ҽнаки рзтәи абжьаратә хәыԥса.

Иара убас шәаԥхьар ҟалоит:

11

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау