Аԥсны 2021 шықәсазы аԥсшьаратә хырхарҭақәа рыбжьара аҩбатәи аҭыԥ ннакылеит

8
(ирҿыцуп 08:38 08.09.2021)
Аԥхынтәи атуристтә сезон, атәылақәа жәпакы рҿы аԥкырақәа шыҟазгьы, ақәҿиара аман имҩаԥысит, аиҳаракгьы 2020 шықәса иаҿырԥшны иугозар.

АҞӘА, цәыббра 8 - Sputnik. Аԥсны 2021 шықәсазы  аԥсшьаратә хырхарҭақәа рыбжьара аҩбатәи аҭыԥ ннакылеит Ҭырқәтәыла ашьҭахь ҳәа аҩуеит Урыстәыла атуроператорцәа Рассоциациа асаит.

Ассоциациа адыррақәа рыла, ареспублика иаҭааит 800 000-ҩык иреиҵамкәа атуристәа. Урҭ рҟынтәи 700 000-ҩык аԥхынразы, мышктәи аекскурсиатә гәыԥқәагьы налаҵаны.

Аԥыжәара амоуп Ҭырқәтәыла. Ашықәс нҵәаанӡа ара 4,5 миллионҩык урыстәылатәи атуристцәа ирзыԥшуп. Аԥхынтәи асезон азы рыԥсы ршьеит 2,3 -2,4 миллионҩык Урыстәыла атәылауаа.

Иахьазы урыстәылатәи атуристцәа ирзаартуп 40 ҳәаанырцә тәыла.

Убри аан еиҳа ирҭаху хырхарҭаны 2021 шықәсатәи аԥхын азы ишьан Урыстәыла ахаҭа. Убас, 20 миллионҩык урыстәылаа атәыла аҩныҵҟа рыԥсы ршьеит.

Ассоцициа аҿы ишырдыруа ала, Аԥсны ҩыџьа шьыжьхьа рыдгалони рымҩа ахәшәаара ацҵани жәамштәи атурқәа 80-90 нызқь мааҭ итәоит, иреиҵаӡоу ахәԥсақәа 42-45 нызқь мааҭ итәоит.

Урыстәыла иара абри иашьашәало атурқәа бжьаратәла 70 000 мааҭ иаԥсан, иреиҵаӡоу ахәԥсақәа 32-35 нызқьмааҭ.

Ҭырқәтәыла акәзар иреиҵаӡоу абри аҩыза атур ахәԥса 50-55 нызқь мааҭ иҟан, хә-еҵәак змоу аотельқәа рҿы –100-120 нызқь мааҭ.

Ассоциациа аналитикатә маҵзура адыррақәа инарықәыршәаны 2021 шыҿкәсазы урыстәылатәи аԥсшьаҩцәа рхыԥхьаӡара абас аҽеихнашеит:

  • Ҭырқәтәыла - 2,6 миллионҩык рҟынӡа атуристәа аҭааит; урҭ рахьтә аԥхын иалагӡаны ицаз ҩ-миллионҩык иреиҵам;
  • Аԥсны - 800 нызқьҩык иреиҵамкәа; аԥхын - 700 нызқьҩык иреиҵамкәа;
  • Кипр - 330-340 нызқьҩык рҟынӡа; аԥхын - 250 нызқьҩык;
  • Араԥ емиратқәа -330-340 нызқьҩык рҟынӡа; аԥхын - 90 нызқьҩык;
  • Египет - 250 нызқьҩык; аԥхын - 70 нызқьҩык рҟынӡа;
  • Мальдивы - 160,6 нызқьҩык; аԥхын - 54 нызқьҩык;
  • Куба - 100 нызқьҩык; аԥхын - 40 нызқьҩык рҟынӡа;
  • Хорватиа - 90 нызқь; аԥхын - 70 нызқь;
  • Танзаниа - 85,3 нызқь; аԥхынтәи атурқәа ыҟам;
  • Бырзентәвла- 70 нызқь рҟынӡа; аԥхын - 60 нызқь.

"Абарҭ иаарту ахырхарҭақәа реиҳарак 2019 шықәсатәи апандемиаԥхьатә аамҭа арбагақәа рҟынӡа изыҩаӡом. Ус шакәугьы, иазгәоуҭар рылшоит адгьылбжьахатә хырхарҭақәа: Куба, Занзибар, Мальдивы, Сеишелы. Ара 2019 шықәса иаҿырԥшны жәа-процентк инаркны (Куба) зқьы процент рҟынӡа (Занзибар) иацлеит", - лҳәеит абрифинг аҿы Ассоциациа адиректор хада Маиа Ломиӡе.

Лара иазгәалҭеит аҳаирцәаҳәақәа макьанагьы аԥкырақәа ахьрықәу азы иаарту ахырхарҭақәа реиҳарак зыхәԥса дуу асегмент ахь ииасит ҳәа.

8

Аԥсны амшынеиқәа иаԥну аԥсшьарҭаҭыԥқәа ӡегь раасҭа ахә ахьымариоу ҳәа  иалыркааит

15
(ирҿыцуп 11:49 18.09.2021)
Урыстәылатәи атуроператорцәа рассоциациа ахҳәааҟаҵаратә усбарҭа агәаҭарақәа мҩаԥыргоит урыстәылеи аҳәаанырцәи акурортқәа рыхәқәа рҭагылазаашьа азын.

АҞӘА, цәыббра 18 - Sputnik. Амшынеиқәа иаԥну  акурортқәа зегь раасҭа цәыббрамзазы рыхәқәа ахьымариоу ҳәа иԥхьаӡоуп Аԥсны, абас аҩҩуеит адырраҭара АТОР.

Аԥсны зегь раасҭа зыхә мариоу атур цәыбрра 19-25 ( жәаха-жәамш, аԥырреи шьыжьхьафареи налаҵаны)  ҩыџьа ирызтәоит 22 нызқьи 166 мааҭи рҿы.

Аҩбатәи аҭыԥаҿ ари ахәԥса иашьашәало иҟоуп - Анапа, ҩыџьа ирызтәоит 24 нызқьи 781 мааҭ, ахԥатәи - Шәача, 25 нызқьи 257 мааҭ, аԥшьбатәи - Ҟрым
28 нызқьи 287 мааҭ.

Ҭагалантәи аԥсшьарамшқәа рзы ахәыҷқәа рыманы иахьцо ҳәа иалкаауп Гагра.

Аԥсны цәыббрамза анҵәамҭаз ибзиаӡоу асасирҭа 5* змоу аҟны аԥсшьара,  уажәнатә иааухәозар 82 нызқьи 500 мааҭ артәоит ҩыџьа хынтә рыкрыфара налаҵаны.

Амшынеиқәа иаԥну акурортқәа жәаха-жәамш цәыббра 19-25 рзы, нанҳәамза анҵәамҭа иаҿҳарԥшуазар рыхәқәа 30-50% илаҟәит. Аԥсны акәзар 54,5%, Шәача 27,6%, Ҟрым 45,8%.

Амшынӡы аҟәандара цәыббра анҵәамҭазы Аԥсны 24,5 - 25 градус иҟоуп, Анапа 22,4 -20 гр. Шәача 25 - 24 гр.

Амшынеиқәа иаԥным егьырҭ акурорҭқәа цәыббрамзазы  амшын ахьԥхарроу актәи атыԥаҿ иҟоуп Ҭырқәтәыла, уаҟа уажәы амшынӡ аҟәандара 28,6 гр. иҟоуп амза анҵәамҭаз 26 гр. рҟынӡа.

Ҭырқәтәыла анаҩс  зыхәқәа ахьымариоу аҳәаанырцәтәи атәылақәа ҳәа иԥхьаӡоуп ЕАЕ, Мысра, Кипр.

Иара убас шәаԥхьар ҟалоит:

15

Гагра иҳаҩсыз аԥхынразы атуристцәа еиҳа иалырхуаз ахырхарҭақәа хәба ирылашәеит

10
(ирҿыцуп 12:43 15.09.2021)
Урыстәылатәи амаҵзура Tvil.ru ишьақәнаргылеит атәыла ауааԥсыра ииасыз аԥхынразы реиҳа иалырхуаз ахырхарҭақәа.

АҞӘА, цәыббра 15 - Sputnik. Гагра 2021 шықәса аԥхынразы атуристцәа еиҳа иалырхыз ахырхарҭақәа хәба ирылашәеит ҳәа аанацҳауеит Tvil.ru.

Сынтәатәи аԥхынразы бзиа ибаны иалырхуаз аҭыԥқәа иреиуоуп иара убас Феодосиа, Шәача, Гагра.

Аԥсшьаҩцәа ргәы иақәшәаз хырхарҭақәоуп иара убас Санкт-Петербург, Ростов-на-Дону, Москва, Казань, Кисловодск, Банное, Соль-Илецк ақалақьқәа.

Tvil.ru  адыррақәа рыла, атуристцәа 1-9 уахы ԥсшьара ҳәа иаангылон, уахыки-ҽнаки рзы 1,8 -3,8 нызқьмааҭ ршәон. Зегь раасҭа ахәқәа лаҟәын Кисловодск, иҳаракын —  Банное.

2021 шықәса аԥхынтә сезон аан еиҳа ԥсшьараҳәа иахьцоз:

  • Феодосия - 2 867 мааҭ/ 7-мшы*
  • Сочи - 2 619 мааҭ/ 9-мш
  • Санкт-Петербург - 3 333 мааҭ/ 4-мш
  • Гагра - 2 445 мааҭ/ 9-мш
  • Ростов-на-Дону - 2 548 мааҭ/ мышкы
  • Москва - 3 291 мааҭ/ 2,5-мшы
  • Казань - 2 994 мааҭ/ 3-мш
  • Кисловодск - 1 844 мааҭ/ 7-мш
  • Банное - 3 824 мааҭ/ 3-мш
  • Соль-Илецк - 2 120 мааҭ/ 6-мш

Асиа шьақәыргылоуп 2021 шықәса рашәара 1-нанҳәа 31 рызтәи аҿаҵарақәа рдыррала.

10
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13