2015 шықәсазы иазгәарҭон апоет Иуа Коӷониа иубилеи, уи игәаларшәара аҳаҭыраз ажурналист Екатерина Бебиаԥҳа иаԥылҵеит адокументалтә фильм "Ашаеҵәа", уаҟа Иуа ироль наигӡон Аԥснытәи аҳәынҭқарратә университет астудент, апоет қәыԥш Инал Гыцба.
Инал Гыцба иажәақәа рыла, Иуа Коӷониа ирҿиамҭақәа иара иизааигәоуп, иажәеинраалақәеи ипоемақәеи "Ашәарыцаҩ ашьха", "Хмыҷ шәарыцаҩ ныҟәаҩы", "Абаҭаа Беслан" ирыҵоуп аҵакы ҷыда,уи иара анырра инаҭуеит».
"Иуа Коӷониа аамҭа кьаҿк иалагӡаны иқәра маҷны дзыхьӡаз, ишәхьоу апоет дахьымӡаргьы ҟалоит, ахыԥхьаӡарала акәым, иара ирҿиамҭақәа рбызшәа, уи ижәлар рбызшәа иазааигәуп, ицқьоуп, иҵаулоуп, ажәакала, аҩаӡара ҳаракуп", — ҳәа азгәеиҭеит Гыцба.
