(2:14 / 18.56Mb / просмотров видео: 318)

Анатоли Возба иҩызцәеи иколлегацәеи дыргәаладыршәеит

67
(ирҿыцуп 19:48 21.06.2017)
Ашәҟәыҩҩы, ажурналист, амилаҭтә-хақәиҭратә қәԥара аԥхьагылаҩцәа ируаӡәкыз Анатоли Возба диит рашәара 22, 1932 шықәсазы.

Ашәҟәыҩҩы, ажурналист Анатоли Возба диижьҭеи 85-шықәса аҵра иазкыз агәалашәаратә еиԥылара еиҿнакааит Аԥсны ажурналистцәа реидгыла Владислав Арӡынба ихьӡ зху Ахьӡ-аԥша амузеи ахыбраҿы иахьа рашәара 21 азы.

Аиԥылара рхы аладырхәит Анатоли Возба аус ицызуаз иколлегацәа, ибзианы дыздыруаз пату иқәызҵоз иҩызцәа.

Инарҭбааны ажәабжь шәаԥхьар ҟалоит абра>>

Ицәажәоз зегьы иазгәарҭон Анатоли Возба иџьабаа акыр ишырацәаз аԥсуа литература аҿиараҿы, ажурналистика аганахь ала илагала шыҭбаау, амилаҭтә-хақәиҭратә қәԥара аус аҿы ихы дамеигӡакәа ижәлар рымаҵ шиуаз, иԥсадгьыл азы игәы шбылуаз.


67