Шьапымшла: 2019-тәи Ашықәс ҿыц Аҟәа ишаԥылаз

65
(ирҿыцуп 13:17 01.01.2019)
2019-тәи Ашықәс ҿыц Аҟәа инхои, аҳҭнықалақь асасцәеи гәырӷьарала иаԥылеит Ахақәиҭра ашҭаҿы, хыҷгьы дугьы уахь инеит аныҳәатә гәалаҟазаара рыманы.

Есышықәса еиԥш, Ашықәс ҿыц аухазы Аҟәа Ахақәиҭра ашҭаҿы еизеит хыԥхьаӡара рацәала ауаа, илеиуаз ақәагьы урҭ иннамкылеит. Аԥсаӡ хада ахьгылоу инеиз зегьы аныҳәатә гәалаҟазаара рыман, еиқәныҳәон.

Ашықәс ҿыц аухазы Аҟәа ақалақь ахадара еиҿнакааит аныҳәатә концерт, уи иалахәын аԥсуа естрада ашәаҳәаҩцәа, урҭ рхыԥхьаӡараҿы иҟан: Хатуна Ҭарԥҳа, Артур Лакрба, Саида Агрԥҳа, Ильда Қәычбериаԥҳа, Џьими Шәманиа убас егьырҭгьы.

Ахақәиҭра ашҭа дырԥшӡон еиуеиԥшым арлашагақәа, Аҵаа Бабадуи Асҭыԥҳаи аҳамҭақәа ршон, ахәыҷқәа урҭ иргәарԥханы ажәеинраалақәа рзеиҭарҳәон.

65