Аушьҭымҭацәа ргәаҵа иҭымҵәо: аҵыхәтәантәи аҵәҵәабжьы Аԥсны ишымҩаԥысыз

90
Аҵыхәтәантәи аҵәҵәабжьы геит Аԥсны ашколқәа 155 рыҟны.

2019 шықәсазы Аԥсны ашколқәа ирылгеит 1889-ҩык аҵаҩцәа. Ҵыԥхгьы убриаҟара аушьҭымҭацәа ыҟан.

Аҟәатәи абжьаратә школ №4 сынтәа 60-ҩык аушьҭымҭацәа аман, урҭ рыбжьара ҩыџьа хьтәы медалла иалгоит. Агәырӷьаратә цәаҳәаҿы ашкол ахыркәшара рыдырныҳәалеит ашкол адиректор, аҭаацәа, актәи акласс аҵаҩцәа.

Аушьҭымҭацәа рхаҭагьы иеизаз зегьы иџьаршьаша ақәыргыламҭақәа ҟарҵеит. Урҭ итрадициахаз авальс икәашеит, арԥарцәа амцабз иаҩызаз аашьхарыуаа рыкәашара нарыгӡеит, аӡӷабцәа ракәзар, аԥсуа жәлар рыкәашарақәа ирылхыз апопурри ддырбеит. Аушьҭымҭацәа иара убас дрыдныҳалеит апроект "Ты супер!" актәи асезон аҟны иаиааиз, ари ашкол иҭоу Валериа Адлеиԥҳа. Лара урҭ ирзылҳәеит аԥсышәала ашәа "Са сзы улаша".

Очамчыратәи ашкол №2 аҟны агәырӷьаратә цәаҳәа агимн ала иалагеит. Аушьҭымҭацәа амилаҭтә маҭәа рышәҵаны Аԥсны абираҟ дәылыргеит.

"Абзиараз, ашкол!": Аԥсны игеит аҵыхәтәантәи аҵәҵәабжьы>>

Аҭыԥҳацәа аӡәырҩы рылаӷырӡқәа рзынкыломызт, рырҵаҩцәеи рҩызцәеи дареи реиԥырҵра рцәыцәгьан. Иара убас дара иргәалажыршәон рышколтә ԥсҭазаараҟны иҟалақәоз узырччоз, ргәалашәараҿы инхаз ахҭысқәеи.

Очамчырагьы ари аныҳәа кәашарылеи шәаҳәарылеи иаԥылеит. Урҭ ахәаԥшцәа иддырбеит адаулқәа рыҟны ахәмарра, авальс кәашара, иахьатәи аамҭа иақәшәо ашәақәеи акәашарақәеи. Урҭ ирыцдырӷызуан рырҵаҩцәагьы.

90

Ақәҿыҭра бзиа аиуит: Саида Жьиԥҳа лышәҟәы "Амра ашәахәақәа" аӡыргара

26
(ирҿыцуп 18:51 07.07.2020)
Ашәҟәы-альбом "Амра ашәахәақәа" автор Саида Жьиԥҳа еидылкылеит хьӡи-ԥшеи змоу ҭырқәтәылатәи ҳџьынџьуаа 67-ҩык рҭоурыхқәа.

Саида Жьиԥҳа лышәҟәы "Амра ашәахәақәа" аӡыргара мҩаԥысит Sputnik апресс-центр  аҿы ԥхынгәы 7 рзы.

Автор еиҭалҳәеит ашәҟәы аҩра аидеиа шлызцәырҵыз, лхықәкы шыналыгӡоз, аҭыжьраҿ илыцхраауаз ртәы уҳәа. Ашәҟәы-альбом асахьақәа рацәаны иагәылоуп. Иара еиқәыршәоуп х-бызшәак рыла: аԥсуа текст аурысшәахь еиҭалгеит Зарина Коӷониаԥҳа, аҭырқәшәахь - Октаи Ҷкотуа.

Абри иазкны иаҳа инеиҵыху аматериал шәаԥхьар ҟалоит абра>>

26

Адгьылаҵаҿтәи амаӡақәа: Аҟармаратәи ашахта аҭоурых

25
Аҟармаратәи ашахта аҩнуҵҟа иҳаҩсыз ашәышықәса 60-тәи ашықәсқәа раан арацәаҵхыҩцәа идыргылеит иуникалтәу аргыламҭа – адгьылаҵаҿтәи аӡфымцастанциа. Уи амчхара 28 мегаватт рҟынӡа инаӡон. Иахьа ари астанциа фымцалашарала еиқәнаршәар алшон идуум Аԥсны араионқәа ҩба.

Тҟәарчалтәи адгьылаҵаҿтәи аӡфымцастанциа ргылан ашахта № 8 аҩнуҵҟа, хә-километрак ицатәуп иараҿынӡа. Ашахта ахаҭа аартын иаҳхысыз ашәышықәса 60-тәи ашықәсқәа раан. Арацәаҵхыҩцәа игәарҭеит ашахта аҩнуҵҟа ацаҟьа ҭаԥҽны адгьыл ақә ахь укылсыр шауаз, Аалӡга аӡиас ааирҭаҿы. Абас иагьырыӡбеит аӡфымцастанциа аргылара.

Аха абри ауникалтә ргыламҭа хархәашьак аимуит. Аханатә ишазхәыцуаз ала, ари астанциа Тҟәарчал ашахтанапхгара зегьы фымцала еиқәнаршәар акәын. Аха нас иара рҭахны иҟамлеит. Уи адагьы астанциа астандартқәа ирықәшәо иҟамызт: атурбинақәа азышьақәыргыламызт, аӡеизакырҭа аҭыԥгьы азылхны иамамызт.

Апроект ааныркылеит, нас лассы астанциа еимырхит. Иахьазы ари аобиект шамахамзар зегьы ирхашҭхьеит. Аӡфымцастанциахь унеирц азы адгьыл аҵа иҭылашьцаау аҳаԥкылҵәа уҭаланы хә-километрак уцароуп.

25

Аслан Бжьаниа Аԥсны Апарламент ахь аиҭалхрақәа рҿы ибжьы аиҭеит

2
(ирҿыцуп 19:22 12.07.2020)
Аԥсны Апарламент ахь аиҭалхрақәа шьақәгылеит ауаа рааишьа инақәыршәаны, асааҭ 18:00 рызтәи Алхратә комиссиа хада иаанацҳаз адыррақәа рыла. Алхратә ҭыԥқәа адыркуеит асааҭ 20:00 рзы.

АҞӘА, ԥхынгәы 12 - Sputnik. Аԥсны ахада Аслан Бжьаниа Апарламент ахь аиҭалхрақәа рҿы абжьыҭара иҽалаирхәит амҽыша, ԥхынгәы 12 рзы ҳәа аанацҳауеит атәыла ахада ипресс-маҵзура.

Аслан Бжьаниа ибжьы аиҭеит дахьҭаҩу аҭыӡҭыԥ ала, Тамшь ақыҭан иҟоу алхратә ҭыԥ аҿы.

Абжьыҭара хыркәшахоит асааҭ 20:00 рзы. Раԥхьатәи алҵшәақәа еилкаахоит алхратә ҭыԥқәа ркомиссиақәа Алхратә комиссиа хадахьы аԥкаанҵақәа аннаргалак ашьҭахь.

Азакәан ишаҳәо ала, алхратә ҭыԥқәа ркомиссиақәа алҵшәақәа ҩымш ирҭагӡаны реихшьаларазы азин рымоуп. Заанаҵтәи алҵшәақәа анрыларҳәалак ашьҭахь, абжьыҭара шымҩаԥысыз азы ашшыԥхьыӡқәа ҟалар, АКХ ҽнак ахи аҵыхәеи рыла урҭ рыднакылоит.
Бзыԥтәи алхратә ҭыԥ хада № 10 ала Жәлар Реизара адепутатрахь кандидатцәас иқәгылоуп Ҭамаз Леибеи Ҭемыр Беиеи; Оҭҳаратәи алхратә ҭыԥ хада №14 ала Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Кындыӷтәи алхратә ҭыԥ хада №31 ала - Аидар Кәыҵниа, Гарри Кокаиа, Џьансыхә Адлеиба.

Аԥсны Жәлар Реизарахь алхрақәа мҩаԥысуеит ԥхынгәы 12 рзы иҭацәыз амандатқәа ԥшьба рахь - атәыла ахадас иалырхыз Аслан Бжьаниа, аԥыза-министрс иҟарҵаз Александр Анқәаб, Аҩнуҵҟатәи аусқәа рминистрс иҟарҵаз Дмитри Дбар, Гагра араион ахадас иҟарҵаз Иури Хагәышь рҭыԥқәа рахь.

2