Иԥшьоу ача, аҳамӷә, аџьмашьтәа: Леиаа рныҳәара шымҩаԥысыз

120
(ирҿыцуп 13:42 23.06.2019)
Есышықәса Амшаԥы иашьҭааиуа абыжьбатәи ахашазы имҩаԥыргоит Леиаа рныҳәа. Аныҳәа шымҩаԥысыз шәахәаԥшыр шәылшоит Sputnik иҟанаҵаз авидеонҵамҭаҟны.

Есышықәса Амшаԥы иашьҭааиуа абыжьбатәи ахашазы имҩаԥыргоит Леиаа рныҳәа. Аныҳәаҿы ихадароу аҭыԥ ааныркылоит ачакәаҳацәа быжьҩыки аныхаԥааҩи. Иԥшьоу ача зқәырӡуа аҳамӷә зыҩнаҭаҿы иҟоу иҿоуп аныҳәа ахьымҩаԥырго. Аҳамӷә иацуп ачакәаҳацәа рзы иршьуа аӡыс зҭаржәуа ақәаби изыхныҳәо аҩы зларжәуа ачаҟәеи.

Аныҳәарҭа аҭыԥ аџьҵлақәа рымҵан иҟаҵоуп. Уи иԥшьоу ҭыԥны иԥхьаӡоуп. Уахь хаҵамзар аԥҳәыс днеир ҟалаӡом. Аҭыԥ ахь раԥхьаӡакәны инарго ахәыҷқәа хазы аԥҳәыс еиҳабы илныҳәоит.

Ашьтәақәа ршьуеит ҩба, аха аныхаԥааҩ дзыхныҳәо акоуп. Уи аԥсы шҭоу дахныҳәаны, нас арӷьа шьапы ианкны аҵлаҿы икнаҳаны ишьуеит. Хазы аныҳәарҭа амаҵ азызуа ачакәаҳацәа быжьҩык дрықәныҳәоит аҩны. Урҭ иалкаау аҭыԥ рымоуп ари аныҳәаҿы.

Ача анмазеихалак, аҳамӷә аҿы шкәакәак нақәыршәны ашәа ҳәо аҭыԥ ахь ихаргалоит. Уаҟа аныхаԥааҩ агәи агәаҵәеи дахныҳәоит, агьама ибоит, егьырҭгьы уи агьама дирбоит, ачагьы ԥҟаны досу рыхәҭаа рфоит.

Аҭыԥ аҟынтәи акы угар ҟалаӡом, иаанхо уа ижны анышә аҿы иҟарҵоит. Ахацәа ахьа абыӷьқәа ирықәтәаны акрырфоит. Абысҭа досу рыҩнаҭаҟынтәи заа иуны инаргоит хԥа-ԥшьба ҿахра. Абысҭа, акәац, аџьыкхыш, аҩы заҵәык ауп изыдтәало. Аҳәса ачеи акәаци агьама рбар ҟалаӡом.

Мгәыӡырхәа ақыҭан имҩаԥысыз Леиаа рныҳәара иазку афотоҭыхымҭақәа шәрыхәаԥш абра>>

Асааҭ жәаҩа рахь (уахынлан) ианнеилак, аҳамӷә аашьҭыхны, ашәа ҳәо ҳаԥхьа зыҟны имҩаԥырго иҩнаҭахьы иргоит, ҳаԥхьа уажәаанынӡа иара иҿы исасуеит ҳәа иԥхьаӡоуп.

120

Жәохә минуҭ иалагӡаны: аԥснытәи ашколқәа рҟны аҵарадырра амш шымҩаԥысыз

41
(ирҿыцуп 18:52 01.09.2020)
2020-2021-тәи аҵарашықәс азы аԥснытәи ашколқәа ирыдыркылеит ҩ-нызқьи бжаки инареиҳаны актәи акласс аҵаҩцәа.

Цәыббра 1 азы Аԥсны иҟоу 153 абжьаратә азеиԥшҵараиуратә школ рахьтә 152 аатит, аҟәатәи абжьаратә школ №6 акарантин аҿы иҟазаауеит цәыббра 7 рҟынӡа.

2020 шықәсазы аԥснытәи ашколқәа ирыдыркылеит ҩ-нызқьи бжаки инареиҳаны актәи акласс аҵаҩцәа. Ари ахыԥхьаӡара макьана цәыббра 15 рҟынӡа аҽаԥсахлоит, актәи аклассаа рсиа иацлалоит азы.

41
(1:25 / 9.40Mb / просмотров видео: 69)

"Атанктә биатлон": арратә хәмаррақәа рзы аҽазыҟаҵарақәа шымҩаԥысуа

45
Жәларбжьаратәи арратә хәмаррақәа - 2020 мҩаԥысраны иҟоуп нанҳәа 23 инаркны цәыббра 5 рҟынӡа, аартра ацеремониа ҟалоит Москватәи аобласт, Аконгресстә-цәыргақәҵатә центр "Патриот" аҿы. Ахәмаррақәа ирылахәхоит 250 команда.

Москва нанҳәа 24 рзы имҩаԥысраны иҟоу арратә хәмаррақәа "Атанк ала абиатлон", "Абџьарҟаҵаҩ ҟаза", "Адәнытә еишәачара", иара убасгьы амилаҭтә культурақәа рфестиваль "Иҳәаадоу аиҩызара" аҿы ҳтәыла ахьӡала иқәгылоит Аԥсны атәылахьчара аминистрра акоманда.

"Атанктә биатлон" захьӡу аицлабраҿы Аԥсны акоманда ирындаҭлараны иҟоуп Лаос, Ҭаџьикисҭан, Конго ркомандақәа.

Иара убас шәаԥхьар ҟалоит:

45

Акоронавирус змаз даҽа пациентк лыԥсҭазаара далҵит Гәдоуҭатәи ахәышәтәырҭаҿы

25
(ирҿыцуп 19:24 26.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1286 ыҟоуп. Ргәы бзиахахьеит 369-ҩык, жәҩык рыԥсҭазаара иалҵит.

АҞӘА, цәыббра 26 - Sputnik. Ԥшьынҩажәи жәаба шықәса зхыҵуаз, акоронавирус ззышьақәыргылаз Гәдоуҭатәи ахәышәтәырҭа апациент лыԥсҭазаара далҵит цәыббра 25 рзы ҳәа аанацҳауеит Ауааԥсыра COVID-19 рацәыхьчаразы оперативтә штаб.

Аԥҳәыс бырг Гәдоуҭатәи ахәышәтәырҭахь дааргеит цәыббра20 рзы, аԥсыԥлагаҩагара лцәыуадаҩны, ҩ-ганкахьалатәи агәаҵәкра лыманы.

"Атерапиа шылзыҟарҵозгьы лҭагылазаашьа еиҳа-еиҳа еицәахон, арыԥҳа-аҳауаҭарсгатә аппаратгьы даҿаркит, аха уигьы лмыхәеит, ахәашаҽны лыԥсҭазаара далҵит. Апациентка агәачымазарақәа лыман, иара убас ашьақәыӷәӷәара ҳараки атеросклерози", - аҳәоит аоперштаб аацҳамҭа. 

Аҵыхәтәантәи уахыки-ҽнаки рыла игәаҭаз 216-ҩык ауаа рахьтә акоронавирус рыдбалан 41-ҩык.  

Абыржәтәи аамҭазы Гәдоуҭатәи ахәышәтәырҭаы ишьҭоуп 118-ҩык ауааԥсыра, урҭ рахьтә 114-ҩык адиагноз COVID-19 рзышьақәыргылоуп. 14-ҩык апациентцәа рҭагылазаашьа хьанҭоуп, 25-ҩык – бжьаратәуп. Хҩык згәы бзиахаз ылҩаауп.

Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>

25
Атемақәа:
Ачымазара ҿкы – акоронавирус Аԥсни адунеи аҿи: иалкаау