"Хәба ҳцеит!": Sputnik Аԥсны раԥхьатәи аиубилеи

28
Жәларбжьаратәи аинформациатә агентра Sputnik Аԥсны раԥхьаӡа акәны онлаин ахь ицәырҵит ԥхынҷкәын 8, 2014 шықәсазы. Сынтәа уи иазгәанаҭоит раԥхьатәи аиубилеи – хәышықәса ахыҵра.

Sputnik аиубилеи азы аԥхьаҩцәа рзы иармазеит аинформагентра аԥсҭазаараҟынтәи еиуеиԥшым ахҭысқәа. Абар уажәшьҭа хәышықәса ҵуеит есыҽны, ԥсшьара ҟамҵакәа, уахи ҽни Sputnik оперативла Аԥсны атәылауаа ажәабжьқәа рзеиҭанаҳәоит. Аха зегьы ирыздыруам акадр анҭыҵ иҟоу аҭагылазаашьа.

Sputnik аколлектив иахьатәи амш азы 39-ҩык ыҟоуп. Урҭ рхыԥхьаӡараҿы иҟоуп акорреспондентцәа, афотоҭыхыҩцәа, авидеооператорцәа, амонтажҟаҵаҩцәа, акорректорцәа, аредакторцәа, абильд-редакторцәа, апродиусерцәа, арадио амҩаԥгаҩцәа, SMM-менеџьерцәа, уҳәа аӡәырҩы.

Аинформациатә агентра Sputnik Аԥсны ԥхынҷкәын 8 рзы иазгәанаҭоит раԥхьатәи аиубилеи - хәышықәса ахыҵра. Ари аамҭа иалагӡаны асаит аԥсуа версиа иаҭааит 143 нызқь уааԥсыра инареиҳаны, аурыс версиа - 12 миллионҩык инареиҳаны.

Иааидкыланы аԥсуеи аурыс версиеи рҟны иҭыҵит 56 495 статиа, 6116 видеонҵамҭа, 1746 фотонҵамҭа, 794-нтә аинфографика ахархәарала аинформациа ҟаҵан.

Зегь реиҳа ихадоу ажәабжьқәа Sputnik асоциалтә даҟьақәа рҟны ицәырнагоит. Есышықәса урҭ зыҽрыҵазыҩуа рхыԥхьаӡара иазҳауеит. Онлаин ҳасабла ахҭысқәа ирыцклаԥшуеит 109 444-ҩык ауаа. Асоциалтә ҳа Instagram аҟны мацара - 60 нызқьҩык анапаҵаҩцәа ыҟоуп. 

2017 шықәсазы Sputnik Аԥсны ишиашоу ицо ахатәы ефир ахь ицәырҵит Аҟәа иҟоу астудиаҟынтәи. Уи ацәқәырԥақәа наӡоит ҳтәылаҿы ауааԥсыра ахьынхо аҭыԥқәа зегь рахь. Sputnik Аԥсны аматериалқәа цитатақәас активла рхы иадырхәоит ҳтәылаҟны иҟоу аинформациатә агентрақәа 15, ателеканалқәа 2, радиостанциак.

 

28

Ҩыџьа рлахьынҵа: афонд "Ашана" аишьцәа Ԥаразиаа рзы аԥареизгара хацнаркит

8
Акультура-гәыҳалалратә фонд "Ашана" аԥареизгара хацнаркит еициз аишьцәа Ԥаразиаа Романи Владимири рыхәышәтәразы.

Ԥаразиаа Романи Владимири 12 шықәса рхыҵуеит. Дара шықәсык анырхыҵуаз рҭаацәа игәарҭеит рцәажәара аҿиара шылаҟәыз.

Хԥа-хԥа шықәса анырхыҵуаз Москваҟа иргеит. Усҟан имҩаԥгаз ахәышәтәра лыҵшәа амоуит. Заанаҵтәи адиагноз – аутистизмтә спектр иаҵанакуа ашьақәҟьара, анервтә система хада ачымазара, ацәажәара аԥкра. Уи аахыс аҭаацәа уаҳа Аԥсны анҭыҵҟа ицартә аҭагылазаашьа рмоуит.

Быжь-шықәса рыҩнуҵҟа ахәыҷқәа рҭагылазаашьа еиҳагьы ибааԥсхеит, лассы-лассы рыԥсқәа рылышәшәоит, рхаԥыцқәеи рҿаҵеи ачымазарақәа дырҳаит. Уажәы дара адиагноз рзықәыргыларазы Москва, Воино-Иасенецки ихьӡ зху Аҭҵаарадырра-практикатә центр ҷыдаҿ агәаҭара иахысроуп. Уи азы ирҭахуп 315 560 нызқь мааҭ. Ариаҟара аԥара рҭаацәа ирымам азы афонд "Ашана" аԥареизгара хацнаркит.

8

"Цасҳәа еиқәҵаз амца": АҶА амцарцәаҩцәа рҽазыҟаҵарақәа шымҩаԥысыз Тҟәарчал

10
Ԥхьаҟатәи аҽазыҟаҵарақәа еиҳа иуадаҩны еиҿкаахоит, атехника ахыԥхьаӡара иацҵахоит ҳәа азгәарҭоит Аԥсны АҶА апресс-маҵзураҿы.

Аԥсны АҶА амцарцәара-еиқәырхаратә хәҭа планлатәи рҵара-ҽазыҟаҵарақәа мҩаԥган Тҟәарчал, абри атәы аанацҳауеит аусбарҭа апресс-маҵзура.

Раԥхьа амҩа-транспорт машәыр аан ахымҩаԥгашьа апрактикатә уснагӡатәқәа мҩаԥган. Иаҭахны иҟан излалшо ала ирццакны, агидравликатә хархәагала автомашьына ахыб ԥҟаны, ааха зауыз ауаҩы иҭыгара, ахәышәтәырҭахь ишьҭра. Аҩбатәи аетап аан ақалақь ахыбрақәа руак аҿы амца дырцәон. Алегендала амца акын ахԥатәии ахәбатәии аихагылақәа. Уахьынтә ауаа дәылгатәын.

Аминистр Лев Кәыҵниа иажәақәа рыла, азанааҭуаа рҿаԥхьа иқәгылаз аусдҵа нарыгӡеит, рҟазара аадырԥшит.

Иара убас шәаԥхьар ҟалоит:

10

Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

0
(ирҿыцуп 19:29 18.06.2021)
Гәдоуҭа араион ахада ихаҭыԥуаҩ Валери Аҩӡба арадио Sputnik аефир аҿы еиҭеиҳәеит араионтә џьармыкьа акәша-мыкәша ахәҳаахәҭра азҵаатәы аҭыԥ ишықәырҵо.
Раионк аԥсҭазарааҟынтә: Аҩӡба Гәдоуҭатәи аџьармыкьа акәша-мыкәша ахәҳаахәҭра иазкны

"Араион ахада иҟаиҵаз адҵа инақәыршәаны аџьармыкьа акәша-мыкәша еиҿкааз ахәҳаахәҭра аанкылатәын. Араион ахадара, амилициа аузуҩцәа, асанитартә маҵзура аусзуҩцәа зегьы ҳаицны знык-ҩынтә ҳнеит. Ақыҭаҟнытә иаарго рыҭитә зегьы адәахьы ирҭиуан, аџьармыкьа аҩныҵаҟа аӡәгьы днеиӡомызт, абри уадаҩраны иҟан. Зегьы еиқәҷаб иҟоуп ҳәа сызҳәом, аха аҭагылаазаашьа уажәы хар амам. Ауаа идеилыркаан, адәыхьы афатә ргыланы аҭира шиашам. Адәқьанқәа змаз уахь иҩналеит, егьырҭ аџьармыкьа аҩныҵҟахь инаган", - еиҭеиҳәеит Аҩӡба.

Аиҿцәажәара шәазыӡырҩыр шәылшоит аудиофаил аҿы.

0