Акоронавирусгьы ҳԥырхагам: Аԥсны ахада иалхрақәа шымҩаԥысуа

14
(ирҿыцуп 17:03 22.03.2020)
Аԥсны ахада иалхрақәа ирылахәуп хҩык акандидатцәа – Адгәыр Арӡынба, Аслан Бжьаниа, Леонид Ӡаԥшьба. Алхрақәа мҩаԥысуеит атәыла алхратә ҭыԥқәа 152 рҟны, иара убас анҭыҵ – ақалақьқәа Москвеи Черқьесски. Алхратә процесс ахәылбыҽха 20:00 сааҭ рзы иаанкылахоит.

Хәажәкыра 22 асааҭ 12:00 рзы абжьыҭарахь инеихьеит 23,78% алхыҩцәа – 30 812-ҩык. 2019 шықәса нанҳәамзатәи алхрақәа ирҿырԥшны 4% рыла еиҳауп.

Абжьыҭара мҩаԥысуеит адунеи аҿы авирустә инфекциа аҳра анауа аамҭазы. Аԥсны АКХи Аиҳабырабжьаратә штаби алхырҭатә комиссиақәа рлахәылацәа еиқәдыршәеит амедицинатә сабрадақәеи адезинфекциатә маҭәашьарқәеи рыла. Хәажәкыра 22 рзы Аԥсны аамз рыҩнуҵҟала хынтәны имҩаԥысуеит атәыла ахада иалхрақәа.

Ахадарахьы анеира рҽазыршәоит: Адгәыр Арӡынба, Аслан Бжьаниа, Леонид Ӡаԥшьба.

Абжьыҭара иалагеит ашьыжь асааҭ 08:00 рзы, имҩаԥыслоит ахәылбыҽха 20:00 сааҭ рҟынӡа.

Аԥсны атәыла ахада иалхрақәа рымҩаԥысшьа иазку ажәабжьқәа шәрыԥхьарц шәылшоит Sputnik Аԥсны а-Telegram каналаҿы, иара убас асаит аҟны ицо аонлаин текст аҿы.

Иара убас шәаԥхьар ҟалоит:

14
Атемақәа:
Аԥсны ахада иалхрақәа -2020 (124)