Акоронавирус аҿагыларазы: Урыстәыла Италиа иацхраауеит

23
Ачымазара ҿкы акоронавирус иаҿагыланы ақәаԥараз Урыстәылантәи Италиаҟа амедицинатә цхырааразы идәықәҵоуп жәиԥшь ҳаирплан.

Ачымазара ҿкы акоронавирус аҽацәыхьчаразы ацхырааразы аҳәара ҟаиҵеит Италиа аԥыза- министр Урыстәыла ахада Владимир Путини иареи ҭелла ианеиҿцәажәоз.

Италиа аиҳабыра акарантин аларгалеит, иадыркит аҵараиурҭақәа, атеатрқәа, амузеиқәа, аспорттә хыбрақәа. Аԥсшьаҩцәа рзы атәыла аркуп. Иааидкыланы атәылаҿы COVID-19 зыдбалоу рхыԥхьаӡара 58 нызқьҩык ыҟоуп.

Урыстәыла ацхыраара Италиа атәылауаа ишрыдаркылаз шәахәаԥш ҳвидеонҵамҭаҿы.

23
Атемақәа:
Ачымазара ҿкы – акоронавирус Аԥсни адунеи аҿи: иалкаау (543)

Ақәҿыҭра бзиа аиуит: Саида Жьиԥҳа лышәҟәы "Амра ашәахәақәа" аӡыргара

31
(ирҿыцуп 18:51 07.07.2020)
Ашәҟәы-альбом "Амра ашәахәақәа" автор Саида Жьиԥҳа еидылкылеит хьӡи-ԥшеи змоу ҭырқәтәылатәи ҳџьынџьуаа 67-ҩык рҭоурыхқәа.

Саида Жьиԥҳа лышәҟәы "Амра ашәахәақәа" аӡыргара мҩаԥысит Sputnik апресс-центр  аҿы ԥхынгәы 7 рзы.

Автор еиҭалҳәеит ашәҟәы аҩра аидеиа шлызцәырҵыз, лхықәкы шыналыгӡоз, аҭыжьраҿ илыцхраауаз ртәы уҳәа. Ашәҟәы-альбом асахьақәа рацәаны иагәылоуп. Иара еиқәыршәоуп х-бызшәак рыла: аԥсуа текст аурысшәахь еиҭалгеит Зарина Коӷониаԥҳа, аҭырқәшәахь - Октаи Ҷкотуа.

Абри иазкны иаҳа инеиҵыху аматериал шәаԥхьар ҟалоит абра>>

31

Адгьылаҵаҿтәи амаӡақәа: Аҟармаратәи ашахта аҭоурых

26
Аҟармаратәи ашахта аҩнуҵҟа иҳаҩсыз ашәышықәса 60-тәи ашықәсқәа раан арацәаҵхыҩцәа идыргылеит иуникалтәу аргыламҭа – адгьылаҵаҿтәи аӡфымцастанциа. Уи амчхара 28 мегаватт рҟынӡа инаӡон. Иахьа ари астанциа фымцалашарала еиқәнаршәар алшон идуум Аԥсны араионқәа ҩба.

Тҟәарчалтәи адгьылаҵаҿтәи аӡфымцастанциа ргылан ашахта № 8 аҩнуҵҟа, хә-километрак ицатәуп иараҿынӡа. Ашахта ахаҭа аартын иаҳхысыз ашәышықәса 60-тәи ашықәсқәа раан. Арацәаҵхыҩцәа игәарҭеит ашахта аҩнуҵҟа ацаҟьа ҭаԥҽны адгьыл ақә ахь укылсыр шауаз, Аалӡга аӡиас ааирҭаҿы. Абас иагьырыӡбеит аӡфымцастанциа аргылара.

Аха абри ауникалтә ргыламҭа хархәашьак аимуит. Аханатә ишазхәыцуаз ала, ари астанциа Тҟәарчал ашахтанапхгара зегьы фымцала еиқәнаршәар акәын. Аха нас иара рҭахны иҟамлеит. Уи адагьы астанциа астандартқәа ирықәшәо иҟамызт: атурбинақәа азышьақәыргыламызт, аӡеизакырҭа аҭыԥгьы азылхны иамамызт.

Апроект ааныркылеит, нас лассы астанциа еимырхит. Иахьазы ари аобиект шамахамзар зегьы ирхашҭхьеит. Аӡфымцастанциахь унеирц азы адгьыл аҵа иҭылашьцаау аҳаԥкылҵәа уҭаланы хә-километрак уцароуп.

26

Урыстәылеи Ҭырқәтәылеи рҳаиртә еимадара хацдыркуеит

0
(ирҿыцуп 13:33 15.07.2020)
Ҭырқәтәылатәи АИХқәа рҟны ицәыргоуп Ҭырқәтәыла атранспорт аминистр Адил Караисмаилоӷлу иҟынтәи ихыҵхырҭоу аинформациа аҳауатә еимадара ԥхынгәы 15 инаркны ишхацыркхо азы.

АҞӘА, ԥхынгәы 15 - Sputnik. Урыстәылеи Ҭырқәтәылеи рҳаиртә еимадара хацдыркырц азы еилацәажәеит, аха макьаназы арыцхә еилкаам ҳәа аанацҳауеит РИА Новости, Ҭырқәтәыла атранспорт аминистрраҟынтә ахыҵхырҭа шьаҭас иганы.

"Иахьа ҳминистр аҳәамҭа ҟаиҵеит атәылақәа рыҩба рҳауатә ҵакыра аартра ишақәшаҳаҭхаз, аха макьаназы арыцхә шьақәыргылам, аимадара анхацыркхогьы еилкаам", - ҳәа иҳәеит амаҵзура иацәажәоз ахаҿы.

Урыстәыла акоронавирустә пандемиа инадҳәаланы хәажәкыра 27 раахыс аҳауатә еимадара ԥнакит. Ззин ыҟаз аидаратә, аԥошьҭатә, асанитартә, агуманитартә реисқәа ракәын, иара убасгьы аиҳабыра рзин ҷыдала иалшон атехникатә маҵзуразы, иҭацәу аҳаирпланқәа рырԥырреи атранзит реисқәа рымҩаԥгареи рзы.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Уаанӡа Роспотребнадзор ажәалагала ҟанаҵахьан аҳаиртә еимадара шьақәыргылазарц: Германиа, Италиа, Великобританиа, Польша, Даниа, Финлиандиа, Венгриа, Нидерланды, Норвегиа, Китаи, ШриЛанка, Вьетнам, Монголиа рахь.

Аԥыза-министр ихаҭыԥуаҩ Татиана Голикова аҳәамҭа ҟалҵеит аҳаиртә еимадара ахацыркразы аҭагылазаашьа иахәаԥштәуп, 100000-ҩык ауааԥсыра рыбжьара 40 вирус хҭыс еиҳамкәа аҭыԥ амазароуп ҳәа.

Иара убас шәаԥхьар ҟалоит:

0
Атемақәа:
Ачымазара ҿкы – акоронавирус Аԥсни адунеи аҿи: иалкаау (543)