Азин шыҟамгьы: Аҟәатәи аџьармыкьа акәша-мыкәша акрыҭирҭатә ҭыԥқәа шеиҿкаау

39
(ирҿыцуп 17:07 13.04.2020)
Хәажәкыра 28 инаркны мшаԥымза 20 рҟынӡа Аԥсны аҭагылазаашьа ҷыда алагалоуп. Иахьазы атәылаҿы акоронавирус хҩык ирыдбалоуп.

Ачымазара ҿкы акоронавирус иахҟьаны Аԥсны ахада инапынҵақәа назыгӡо Валери Бганба Аԥсны аԥкрақәа ралагаларазы адҵа инапы аҵаиҩит. Уи инақәыршәаны атәылаҿы ачарақәеи акорпоративқәеи ааныркылеит. Иадыркит акрыфарҭақәа, амаҭәеи афатәи ахьырҭиуа аџьармыкьақәа. Ауаажәларратә транспортгьы аусура иаҟәыҵит. Мышқәак раԥхьа Аҟәатәи аџьармыкьа акәша-мыкәша ауаа акрыҭира иалагеит, уи азы аԥкрақәа шыҟоугьы.

Иара убас мшаԥы 11 асааҭ 00:00 инаркны аҭагылазаашьа ҷыда арежим аанҵәаанӡа Аԥсны иахьаҵанкуа зехьынџьара амҩадуқәа, амшын аԥшаҳәа, ақалақь ашҭақәеи абаҳчақәеи уҳәа егьырҭ ауаажәлар реизарҭа ҭыԥқәеи рҿы аҟазаара ақәиҭымтәра алагалахеит.

Гагреи Гали араионқәа рҟны иалагалоу акомендантә сааҭ аилагарақәа рзы ауааԥсыра ахараԥса ддыршәалоит, аҭагылазаашьа ҷыда аԥкрақәа еилазгогьы убас.

Иара убас шәаԥхьар ҟалоит:

39
Атемақәа:
Ачымазара ҿкы – акоронавирус Аԥсни адунеи аҿи: иалкаау (474)

Акоронавирус ҳацны: Аԥсны сынтәатәи ааԥын шымҩаԥысыз

27
Уажәшьҭа ҩымз инареиҳаны иҵуеит акоронавирус алаҵәара ашәарҭара ахьыҟоу азы Аԥсны аԥкрақәа алагалоуижьҭеи.

Атәылауаа хәыҷы-хәыҷла аҽыԥхьакра арежим иҵыҵуа иалагеит, аха уеизгьы макьана атеатрқәа рахь изҵом, аконцертқәа изырҭаауам.

Атәылаҿы ауаа рацәа реизгара ҟалом, ачараура ҟалом, аха акаҳуажәырҭақәеи аҽырԥшӡарҭақәеи аартуп.

Аԥсны аиҳабыра аԥкрақәа рашәара 15 рҟынӡа ирнахеит.

Аԥсны апандемиа аамҭазы иаԥсҭазаашьоу атәы шәахәаԥшыр шәылшоит Sputnik авидеонҵамҭаҟны.

27

Асабрада рхыхуп: ҳауаажәлар Аԥсны иалагалаз аԥкрақәа рыхәҭак аԥыхра шрыдыркылаз

101
(ирҿыцуп 13:41 20.05.2020)
Аԥсны ахада Аслан Бжьаниа аусдҵа инапы аҵаиҩит Аԥсны ауааԥсыра акоронавирустә инфекциа COVID-19 рацәыхьчаразы ԥкырақәак шыҟоу иааныжьзарц.

Мшаԥымза инаркны Аԥсны иахьаҵанакуа акоронавирус рыдырбалахьеит иааидкыланы 25-ҩык ауааԥсыра.
Мшаԥымзазы аҿкы рыдбалан Гагра ауааԥсыра хҩык, ҩыџьа Гәдоуҭатәи ахәышәтәырҭаҿы рыхәышәтәра аамышьҭахь ргәы бзиахан рыҩныҟа илрыҩааит, аӡәы – 1925 шықәсазы ииз аԥҳәыс бырг лыԥсҭазаара далҵит. Агәабзиарахьчара аминистрра адыррақәа рыла, лаҵара 16 рзы Гәдоуҭатәи ахәышәтәырҭаҟынтә дылрыҩааит згәы бзиахаз акурсантцәа руаӡәы.

Абыржәтәи аамҭазы Аҟәатәи асасааирҭаҿы иҟоуп 187-ҩык ауааԥсыра. Урҭ рахьтә 138-ҩык арратә курсантцәоуп, 37-ҩык – ААР аганахьала иҭоу акурсантцәа роуп, аӡәы – Аҳәынҭқарратә хьчара амаҵзура курсантк, нас жәаҩык амедикцәа.

Иара убас шәаԥхьар ҟалоит:

101

Арышԥҳа ашкол аушьҭымҭацәа ҩымчыбжьатәи рҵаразы: аԥышәарақәа рҽырзыҟарҵароуп

0
(ирҿыцуп 20:01 03.06.2020)
Тҟәарчал араион аҵара аҟәша аиҳабы Манана Арышԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит ашколқәа роушьҭымҭацәа рзы ихацыркыз аҵаратә процесс шымҩаԥысуа.
Раионк аԥсҭазаараҟынтә: Арышԥҳа аушьҭымҭацәа ҩымчыбжьатәи рҵара иазкны

Аԥснытәи ашколқәа роушьҭымҭацәа рзы аҵаратә процесс хацыркын рашәара 2 рзы, уи мҩаԥыслоит ҩымчыбжьа рыҩнуҵҟа. 1-10 аклассқәа рҵаҩцәа рҵараамҭа хыркәшахеит лаҵара 13 рзы акоронавирус иадҳәалоу аҭагылазаашьа иахҟьаны.

"Амза ҩба инаркны ажәеизатәи аклассқәа рҵаҩцәа иацырҵеит рҵара, аха уи иаанагом апрограмма зегьы ҩымчыбжьа ирҭагӡаны иалгоит ҳәа. Еиҳарак ари зызку ахәыҷқәа аԥышәарақәа разыҟаҵара ауп. Ашколқәа зегьы адезинфекциа рызун. Аԥҟарақәа инарықәыршәаны ашколқәа рҿаԥхьа еиҿкаауп амедпункт, ашоура шәаны ашколқәа рахь инарышьҭуеит, аклассқәа рҟны аӡәаӡәала итәоуп.
Сынтәа ашкол иалго араион аҟны 128-ҩык ыҟоуп, ақалақь аҟны 45-ҩык аушьҭымҭацәа ҳамоуп", - лҳәеит Арышԥҳа.

Лара иазгәалҭеит араионтә аолимпиада иалахәыз аушьҭымҭацәа рыбжьара алҵшәа бзиақәа змаз шыҟоу, урҭ иреиҳаӡоу аҵараиурҭақәа ирҭалартә еиԥш алшара ҟалап ҳәа агәыӷра шлымоу.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0