(4:18 / 29.37Mb / просмотров видео: 102)

Sputnik авидеоекскурсиа: Дырмит Гәлиа иҩны-амузеи ацәыргақәҵатә уада

991
(ирҿыцуп 12:39 06.05.2020)
Иахьазы ачымазара ҿкы акоронавирус алаҵәоит ҳәа иҟоу ашәарҭара инамаданы ауааԥсыра аҩны итәоуп. Абри аамҭазы хәыҷи-дуи шәгәы мҿыӷьырц Sputnik аԥснытәи амузеиқәа рҟынтә авидеоекскурсиа шәзымҩаԥнагоит. Апроект хацыркхоит Дырмит Гәлиа илитература-мемориалтә музеи ала.

Авидеоекскурсиа ҳзымҩаԥылгоит Маиа Кәыҵниаԥҳа, Дырмит Гәлиа илитература-мемориалтә музеи афондқәа реиҳабы.

Аԥсны жәлар рпоет, аԥсуа литература ашьаҭаркҩы Дырмит Гәлиа иҩны-амузеи аартын Аҟәа 1974 шықәса цәыббра 22 рзы. Ари аус иадԥхьалан Урыстәылантәи аспециалистцәа: апроект автор - Марк Горелик, асценарист - Инна Наровлианскаиа.

Маиа Кәыҵниаԥҳа лажәақәа рыла, амузеи афондқәа рҟны иҟоу аматериал шамахамзар зегьы Дырмит Гәлиа иҭаацәа рҟынтәи ироуз ауп.

Ҳаҩналоит актәи ацәыргақәҵатә уада: ара ирацәоуп аԥсуа нхаҩцәа рыбзазашьаҟны, рыкҿаҩраҟны рхы иадырхәоз амаҭәарқәа: амҵәышә, агәыгәым, аирыӡ, аныга, акамбашь атәыҩа иалху амҳаҵәқәа, ахмаҷыр уҳәа. Убасгьы актәи ауадаҿы ицәыргақәҵоуп жәлар рмузыкатә арҳәагақәагьы: аԥхьарца, аҩымаа. Аха ихаданы ара иҟоуп Дырмит Гәлиа инапала ииҩхьаз инысымҩа зну абӷьыц, амҳаџьырра агәаҟрақәа зныԥшуа аҭыхымҭақәа.

Ари ауадаҿы иҟоуп 1863 шықәсазы Дырмит Гәлиа Ашьхарыуаа рышкол данаанахәаз аамҭазтәи аҭыхымҭа, уа рҵаҩыс иоуз Константин Маҷавариани ифотосахьа, иара убас Дырмит Гәлиа ишколтә хәшьарақәа зну абӷьыц.

Арҭ амаҭәарқәа реидкылара, реихшара знапы алакыз иреиуан Таҷ Гыцба, Гиви Агрба, Геннади Аламиа, еиуеиԥшым аамҭақәа рзы амузеи напхгара азҭоз Еҭери Коӷониаԥҳа, Наҭелла Џьичоева, лҳәеит Кәыҵниаԥҳа.

991

Акоронавирус ҳацны: Аԥсны сынтәатәи ааԥын шымҩаԥысыз

27
Уажәшьҭа ҩымз инареиҳаны иҵуеит акоронавирус алаҵәара ашәарҭара ахьыҟоу азы Аԥсны аԥкрақәа алагалоуижьҭеи.

Атәылауаа хәыҷы-хәыҷла аҽыԥхьакра арежим иҵыҵуа иалагеит, аха уеизгьы макьана атеатрқәа рахь изҵом, аконцертқәа изырҭаауам.

Атәылаҿы ауаа рацәа реизгара ҟалом, ачараура ҟалом, аха акаҳуажәырҭақәеи аҽырԥшӡарҭақәеи аартуп.

Аԥсны аиҳабыра аԥкрақәа рашәара 15 рҟынӡа ирнахеит.

Аԥсны апандемиа аамҭазы иаԥсҭазаашьоу атәы шәахәаԥшыр шәылшоит Sputnik авидеонҵамҭаҟны.

27

Асабрада рхыхуп: ҳауаажәлар Аԥсны иалагалаз аԥкрақәа рыхәҭак аԥыхра шрыдыркылаз

101
(ирҿыцуп 13:41 20.05.2020)
Аԥсны ахада Аслан Бжьаниа аусдҵа инапы аҵаиҩит Аԥсны ауааԥсыра акоронавирустә инфекциа COVID-19 рацәыхьчаразы ԥкырақәак шыҟоу иааныжьзарц.

Мшаԥымза инаркны Аԥсны иахьаҵанакуа акоронавирус рыдырбалахьеит иааидкыланы 25-ҩык ауааԥсыра.
Мшаԥымзазы аҿкы рыдбалан Гагра ауааԥсыра хҩык, ҩыџьа Гәдоуҭатәи ахәышәтәырҭаҿы рыхәышәтәра аамышьҭахь ргәы бзиахан рыҩныҟа илрыҩааит, аӡәы – 1925 шықәсазы ииз аԥҳәыс бырг лыԥсҭазаара далҵит. Агәабзиарахьчара аминистрра адыррақәа рыла, лаҵара 16 рзы Гәдоуҭатәи ахәышәтәырҭаҟынтә дылрыҩааит згәы бзиахаз акурсантцәа руаӡәы.

Абыржәтәи аамҭазы Аҟәатәи асасааирҭаҿы иҟоуп 187-ҩык ауааԥсыра. Урҭ рахьтә 138-ҩык арратә курсантцәоуп, 37-ҩык – ААР аганахьала иҭоу акурсантцәа роуп, аӡәы – Аҳәынҭқарратә хьчара амаҵзура курсантк, нас жәаҩык амедикцәа.

Иара убас шәаԥхьар ҟалоит:

101

Арышԥҳа ашкол аушьҭымҭацәа ҩымчыбжьатәи рҵаразы: аԥышәарақәа рҽырзыҟарҵароуп

0
(ирҿыцуп 20:01 03.06.2020)
Тҟәарчал араион аҵара аҟәша аиҳабы Манана Арышԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит ашколқәа роушьҭымҭацәа рзы ихацыркыз аҵаратә процесс шымҩаԥысуа.
Раионк аԥсҭазаараҟынтә: Арышԥҳа аушьҭымҭацәа ҩымчыбжьатәи рҵара иазкны

Аԥснытәи ашколқәа роушьҭымҭацәа рзы аҵаратә процесс хацыркын рашәара 2 рзы, уи мҩаԥыслоит ҩымчыбжьа рыҩнуҵҟа. 1-10 аклассқәа рҵаҩцәа рҵараамҭа хыркәшахеит лаҵара 13 рзы акоронавирус иадҳәалоу аҭагылазаашьа иахҟьаны.

"Амза ҩба инаркны ажәеизатәи аклассқәа рҵаҩцәа иацырҵеит рҵара, аха уи иаанагом апрограмма зегьы ҩымчыбжьа ирҭагӡаны иалгоит ҳәа. Еиҳарак ари зызку ахәыҷқәа аԥышәарақәа разыҟаҵара ауп. Ашколқәа зегьы адезинфекциа рызун. Аԥҟарақәа инарықәыршәаны ашколқәа рҿаԥхьа еиҿкаауп амедпункт, ашоура шәаны ашколқәа рахь инарышьҭуеит, аклассқәа рҟны аӡәаӡәала итәоуп.
Сынтәа ашкол иалго араион аҟны 128-ҩык ыҟоуп, ақалақь аҟны 45-ҩык аушьҭымҭацәа ҳамоуп", - лҳәеит Арышԥҳа.

Лара иазгәалҭеит араионтә аолимпиада иалахәыз аушьҭымҭацәа рыбжьара алҵшәа бзиақәа змаз шыҟоу, урҭ иреиҳаӡоу аҵараиурҭақәа ирҭалартә еиԥш алшара ҟалап ҳәа агәыӷра шлымоу.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0