Зегьы еицырзеиԥшу Аиааира: аныҳәа ду ԥасатәи асовет ҳәынҭқаррақәа ишазгәарҭаз

71
(ирҿыцуп 21:06 10.05.2020)
Уаанӡатәи асовет ҳәынҭқаррақәа ирхадыршҭуам рыжәларқәа иаадырԥшыз афырхаҵара. Сынтәа Аџьынџьтәылатә еибашьра Ду аҟны Аиааира 75 шықәса ахыҵра даҽакала иазгәаҭатәхеит акоронавирус азы апандемиа иахҟьаны.

Москва имҩаԥысраны иҟан зегь реиҳа зымҽхак ҭбааз агәырӷьаратә усмҩаԥгатәқәа, аха урҭ рыҿҳәара инахеит. Урыстәыла аҳҭнықалақь аҟны апарад аҳаиртә хәҭа заҵәык ауп имҩаԥысыз, уи иалахәын аофициалтә хаҿқәа.

Аныҳәатә гәалаҟазаара уныруан ааигәатәи аҳәаанырцә ҳәынҭқаррақәа рыҟни Балтиа атәылақәеи, ауаа реиҳараҩык аҩны ишаанхазгьы. Урҭ аныҳәа шымҩаԥыргаз шәахәаԥш ҳвидео аҿы.

71

Асабрада рхыхуп: ҳауаажәлар Аԥсны иалагалаз аԥкрақәа рыхәҭак аԥыхра шрыдыркылаз

93
(ирҿыцуп 13:41 20.05.2020)
Аԥсны ахада Аслан Бжьаниа аусдҵа инапы аҵаиҩит Аԥсны ауааԥсыра акоронавирустә инфекциа COVID-19 рацәыхьчаразы ԥкырақәак шыҟоу иааныжьзарц.

Мшаԥымза инаркны Аԥсны иахьаҵанакуа акоронавирус рыдырбалахьеит иааидкыланы 25-ҩык ауааԥсыра.
Мшаԥымзазы аҿкы рыдбалан Гагра ауааԥсыра хҩык, ҩыџьа Гәдоуҭатәи ахәышәтәырҭаҿы рыхәышәтәра аамышьҭахь ргәы бзиахан рыҩныҟа илрыҩааит, аӡәы – 1925 шықәсазы ииз аԥҳәыс бырг лыԥсҭазаара далҵит. Агәабзиарахьчара аминистрра адыррақәа рыла, лаҵара 16 рзы Гәдоуҭатәи ахәышәтәырҭаҟынтә дылрыҩааит згәы бзиахаз акурсантцәа руаӡәы.

Абыржәтәи аамҭазы Аҟәатәи асасааирҭаҿы иҟоуп 187-ҩык ауааԥсыра. Урҭ рахьтә 138-ҩык арратә курсантцәоуп, 37-ҩык – ААР аганахьала иҭоу акурсантцәа роуп, аӡәы – Аҳәынҭқарратә хьчара амаҵзура курсантк, нас жәаҩык амедикцәа.

Иара убас шәаԥхьар ҟалоит:

93

Зашьа ицымхәрас афронт ахь ицаз: Гәыгәыца Џьыкырба еиҭалҳәоит еибашьуаз лаб иҭоурых

81
(ирҿыцуп 21:36 08.05.2020)
Сергеи Дбар ихьӡ зху Аԥсны Аџьынџьтәылатәи еибашьра аҳәынҭқарратә музеи афонд аиҳабы Гәыгәыца Џьыкырԥҳа Sputnik апроект "Афронт ахьӡынҵа" азы еиҭалҳәеит Аџьынџьтәылатәи еибашьра ду иалахәыз лаб Шаликәа Муса-иԥа Џьыкырба иҭоурых/

Гәыгәыца Џьыкырԥҳа лаб Шаликәа диит Мгәыӡырхәа ақыҭан 1910 шықәсазы. Џьыкырԥҳа лажәақәа рыла, Аџьынџьтәылатәи еибашьра ианалага афронтахь ааԥхьара зауз лаб иашьеиҳабы Камшьышь иакәын, аха уи иқәрахь днеихьан азы, аҭаацәара зегьы иреиҵбыз Шаликәа арзаҳал ҩны еибашьра дцеит. 1941 шықәсазы, 662-тәи архәҭа даланы Шаликәа Џьыкырба дақәшәоит Керчь имҩаԥысуаз ажәыларақәа. 1942 шықәса ажьырныҳәамзазы имҩаԥысуаз ажәылараҿы ахәра ӷәӷәа иоуит, уи аамҭазы ақыҭахь иааит иԥсӡы, уи иан Хьфаф Барцыцԥҳа дахыԥсаауеит. Акыр шықәса рышьҭахь, Шаликәа икыҭахь даныхынҳә еиҭеиҳәон, ихәра ӷәӷәа ашьҭахь акыр аамҭа ихдырра ицәыӡны аԥсцәа ахьышьҭаз дышьҭан ҳәа.

1941-45 ашықәсқәа рзы Аԥсны Аџьар ҟаԥшь иахагылаз, "Кьараз" иалаз Малица Џьыкырԥҳа илыбзоураны Аԥсныҟа дхынҳәоит Шаликәа. Аибашьра дцаанӡа Шаликәа Џьыкырба аус иуан Гәдоуҭатәи акыҭанхамҩа аҟәшаҿы, аҭынч ԥсҭазаара даназыханҳә, аҭаацәара анаԥиҵа ашьҭахь аус иуан Хәаԥ, Мгәыӡырхәа, Калдахәара ақыҭақәа рыҟны. Шаликәа Џьыкырба иааӡеит ԥшьҩык ахшаара.

Аџьынџьтәылатәи еибашьраҿы иааирԥшыз агәымшәаразы Шаликәа Џьыкырба ианашьан амедалқәеи, аҳаҭыртә шәҟәқәеи.

Аџьынџьтәылатә еибашьра ду аҟны Аиааира 75-шықәса ахыҵра аламҭалазы Sputnik мҩаԥнагоит апроект "Афронт ахьӡынҵа". араҟа еицырдыруа аполитика- уаажәларратәи, акультуреи  аусзуҩцәа еиҭарҳәоит Аџьынџьтәылатәи еибашьра ду иалахәыз рҭынхацәа рҭоурыхқәа.

81
Атемақәа:
Аџьынџьтәылатә еибашьра ду аҟны Аиааира 75 шықәса ахыҵра

Саида Быҭәԥҳа ахада Иусбарҭа анапхгаҩы ихаҭыԥуаҩыс дҟаҵоуп

3
Уаанӡа, лаҵара 12 рзы ахада Иусбарҭа анапхгаҩы ихаҭыԥуаҩыс дҟаҵан афинансқәа рминистр Џьансыхә Нанба.

АҞӘА, лаҵара 29 - Sputnik. Саида Быҭәԥҳа ахада Иусбарҭа анапхгаҩы ихаҭыԥуаҩыс дҟаҵоуп ҳәа аанацҳауеит ахада иофициалтә саит.

Абри азы аусԥҟа инапы аҵаиҩит Аслан Бжьаниа лаҵара 28 рзы.

Аԥсны ахада Иусбарҭа анапхгаҩыс дыҟоуп Алхас Кәыҵниа.

Саида Быҭәԥҳа 2009 шықәса раахыс Аԥснытәи аҳәынҭқарратә университет азиндырратә факультет аҟны административтә зин рылҭоит. Иара убасгьы Аҟәатәи иаарту аинститут аҿы аус луеит.

Аус луан Адыга Хасэ аҳәынҭеилакы аппарат аҿы, Ареспублика Адыгеиа иҟаз Аԥсны Аҳәынҭқарра Ахаҭарнакраҿы, Аԥсны Ашәарҭадаратә маҵзураҿы.

Аԥсны ахада иеиҭалхрақәа мҩаԥган хәажәкыра 22 рзы. Ахадарахьы иқәгылан хҩык акандидатцәа - аоппозициатә блок аиҳабы Аслан Бжьаниа, апартиа "Акзаара" ахантәаҩы Леонид Ӡаԥшьба, Аԥсны аекономика аминистр Адгәыр Арӡынба.

Аслан Бжьаниа аиааира игеит, уи изы рыбжьы арҭеит 56,5% алхыҩцәа. Ахада ҿыц иҭоубашьҭаҵара ацеремониа мҩаԥысит мшаԥы 23 рзы.

Иара убас шәаԥхьар ҟалоит:

3