Акоронавирус аҽацәыхьчаразы: Аԥсны ауааԥсыра аԥкра ҿыцқәа ишрықәныҟәо

25
Жьҭаара 5 инаркны Аԥсны Аҳәынҭқарраҿы аепидемиологиатә ҭагылазаашьа ахьеицәахаз инамаданы ҩаԥхьа аԥкрақәа аларгалеит, урҭ рхыԥхьаӡараҿы иҟоуп ачарақәеи егьырҭ ауаа рацәа злахәу аусмҩаԥгатәқәеи.

Аԥсны жьҭаара 5 инаркны ҩаԥхьа аԥкрақәа аларгалеит, атәылаҿы аепидемилогиатә ҭагылазаашьа ахьеицәахаз азы.

2020 шықәса ааԥынразы Аҭагылазаашьа ҷыда арежим Аԥсны ирылаҳәан, аԥкрақәа маҷымкәа иалагалан, аҳәынҭқарратә ҳәаагьы аркын.

Рашәарамзазы аԥкрақәа рыхәҭак аԥыхын, ачарақәеи ауаа рацәа злахәу егьырҭ аусмҩаԥгатәқәеи ирықәиҭтәын.

Нанҳәамзазы аурыс-аԥсуа ҳәынҭқарратә ҳәаа аадыртит, ихацыркхеит ауаа маҷҩымкәа иззыԥшыз атуристтә сезон. Аха абарҭқәа рышьҭахь атәылаҿы ачымазара ҿкы еиҳа-еиҳа иалаҵәо иалагеит.

Цәыббра 18 рзы Аԥсны ахада Аслан Бжьаниа акоронавирус ацәыхьчаразы аԥкра ҿыцқәа жьҭаара 5 инаркны ралагаларазы адҵа ҟаиҵеит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

25
Атемақәа:
Ачымазара ҿкы – акоронавирус Аԥсни адунеи аҿи: иалкаау (806)

COVID-19 аҿагыларазы: аҟәатәи аџьармыкьа арзҩыдара шымҩаԥгаз

7
Амшын еиқәа афлот арадиациатәи, ахимиатәи, абиологиатәи хьчара архәҭа аҟынтәи акоронавирус аламырҵәаразы Аԥсны иааны ауснагӡатәқәа мҩаԥнагоит.

Урыстәылатәи аруаа арзҩыдаратә усурақәа мҩаԥыргоит Аԥсны. Жьҭаара 21 аҽны аҟәатәи аџьармыкьа аҵакырадгьыл зегьы арзҩыдара иахыжьын. Иара убас, аерозольтә рзҩыдагала  ихырҟьоит аҿкчымазаратә хәышәтәырҭа, арранаԥхьаратә пункт, архив, ар рыштаб –50 000 метр ԥшьыркца еиуеиԥшым ахыбрақәа.

Амшын еиқәа афлот арадиациатәи, ахимиатәи, абиологиатәи хьчара архәҭаҟынтәи акоронавирус аламырҵәаразы Аԥсныҟа иааит Ҟрымынтәи, жьҭаара 19 рзы. Аруаа аиԥш зеиԥшу арзҩыдарақәа Аԥсны имҩаԥыргахьан мшаԥымзазы.

Иара убас шәаԥхьар ҟалоит:

7
Атемақәа:
Ачымазара ҿкы – акоронавирус Аԥсни адунеи аҿи: иалкаау (806)

Раԥхьатәи апациентцәа: урыстәылатәи агоспиталь COVID-19 злоу ачымазцәа Аҟәа ишаднакылаз

22
Урыстәыла Атәылахьчара аминистрра амобилтә госпиталь Аҟәа, асасааирҭа "Аиҭар" аҟны жьҭаара 19 рзы идыргылеит. Жьҭаара 20 рзы иара COVID-19 змоу раԥхьатәи апациентцәа аднакылеит.

Аҟәа асасааирҭа "Аиҭар" ашҭаҿы иаадыртыз арратә госпиталь иахьа, жьҭаара 20 раԥхьатәи апациентцәа аднакылеит. Арахь иааргоит Аҟәантәи адагьы, егьырҭ араионқәа рҟынтәи ачымазцәагьы. Ачымазцәа рыдкылашьа бзианы еиҿкаауп. Раԥхьа адкыларҭаҿы рҭагылазаашьа иахәаԥшуеит, ршьа аҵәыҵәри ахьынӡалоу гәарҭоит, досу рмедицинатә шәҟәқәа рзеиқәдыршәоит. Шәахәаԥш урыстәылатәи агоспиталь аусушьа зеиԥшроу Sputnik авидео аҟны.

22
Атемақәа:
Ачымазара ҿкы – акоронавирус Аԥсни адунеи аҿи: иалкаау (806)

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1