Кәыкәбааҟәшәара Лыхныҟа: ашампинионқәа аԥснытәи рыҩны
(ирҿыцуп 17:59 11.02.2021)
Гәдоуҭа араион Лыхны ақыҭан инхо Елена Арӡынԥҳа лыԥшәмеи лареи Аԥсны изышьцылам абизнес рнапы аларкит – дара ирааӡоит ашампинионқәа захьӡу акәыкәбаақәа. Урҭ раарыхра ишалагази, насгьы анаплакыҩцәа уадаҩрақәас ирԥылои атәы шәахәаԥш Sputnik иазнархиаз анҵамҭаҿы.Аԥсны раԥхьаӡа акәны аҩны ашампинионқәа раарыхра иалагеит. Гәдоуҭа араион Лыхны ақыҭан инхо Елена Арӡынԥҳа лҭаацәеи лареи еиҳабыратәым аиҿкаара "UNDP" 900 нызқь мааҭ ахьрырҭаз иабзоураны Аԥсны макьана изышьцылам абизнес нап адыркит. Уи ирырҭаз аԥарала аԥшәмацәа ахыбра аремонт азыруит, иаархәеит иаҭахыз амаругақәа.
Аха агрант ала Елена илзыԥҵәаз аԥара лзымхеит афымцамчаҿы иҟалаз акризис иахҟьаны. Лара атрансформатори, астабилизатори, афымцацәаҳәақәеи раахәаразы 300 нызқь мааҭ аԥара уалла илгар акәхеит.
Аиҭаҳатә Елена иаалгоит Краснодарнтәи. Раԥхьатәи апартиа ааит ҩымз раԥхьа, мызки бжаки рышьҭахьгьы ашампинионқәа ирызҳаит. Дара ирласны ирызҳауеит, ирласынгьы иеизгатәуп. Раԥхьатәи рҽаҩра уахык иалагӡаны Еленеи лыԥшәмеи 65 килограмм инареиҳаны акәыкәбаақәа еизыргеит. Абизнес ашьаҭа акыижьҭеи 300 килограмм ашампинионқәа рыҟәшәахьеит.
Лыхнытәи акәыкәбаақәа раԥхьатәи рҽаҩрақәа Аҟәа, Афон ҿыц, Гәдоуҭа рыдәқьан дуқәеи гәдоуҭатәи аџьармыкьеи рҿы аҭиразы илымдырхәҳаит.
Атеатрқәа, акрыфарҭақәа, ақаҳуажәырҭақәа русура ҟалоит: аԥкрақәа рԥсыҽуп Аԥсны
Жәабран 22 инаркны Аԥсны иахьаҵанакуа аиҳабыратә классқәа рҵаҩцәа рҵараҵара хацдыркит. Мчыбжьык аԥхьа ахәыҷбаҳчақәеи аиҵбыратә классқәеи ҭыҵхьан. Иара убас иахьарнахыс азеиԥшкрыфарҭақәа ахыбра аҩныҵҟа русура азин ҟаҵоуп.
Жәабран 15 инаркны акультуратә усҳәарҭақәа: атеатрқәа, амузеиқәа, абиблиотекақәа, акультуратә центрқәа, акультура аханқәа, аконцерттәи ацәыргақәҵатәи залқәа русура азин ҟаҵоуп, асанитар-гигиенатә нормақәеи аԥҟарақәеи ирықәныҟәаны.
Хәажәкыра 10 рҟынӡа аспорттә обиектқәа, СПА-салонқәа, асаунақәа русура, арҵаратә кружокқәа, аспорттә, акәашаратә, арепетициатә секциақәа, акомпиутертә залқәа, абоулингқәа, ахәыҷтәы хәмарырҭатә центрқәа, егьырҭ аԥсшьарҭатә ҭыԥқәа русура азин ыҟам.
Иара убас шәаԥхьар ҟалоит:
- Аԥсны ашколқәа зегь рҿы аҵара хацдыркит аиҳабыратә классқәа
-
Аҵара азыхынҳәра: Аԥсны ахәыҷбаҳчақәеи ашколқәеи аусура иалагеит
Ажьырӡы, амца, ашыла, нас акакан: ақалмышь аҟаҵашьа
(ирҿыцуп 18:58 19.02.2021)
Есма Арџьениаԥҳа амилаҭтә чыс аҟаҵара дазҟазоуп. Лара иаҳлырбеит аԥсуаа жәытә-натә аахыс реишәа иқәырҵоз ахаа – ақалмышь аҟаҵашьа.Есма Арџьениаԥҳа ажьырӡы ачуан иҭаҭәаны амца иақәлыргылеит. Амцаҿы зегьы ирласны иҟалоит, уааццакыроуп, ажьырӡы аилышра иалагоит 10-15 минуҭ рыҩныҵҟа. Ашыла гәӡа рхианы иҟазароуп, ашәырӡ еилашаанӡа иаҭатәуп, ақалмышь ампыр аламларц, абас аамҭа мгакәа Есма лус нап аларкит.
"Ақалмышь бзиа иабоит лассы-лассы ианаҵушьуа, усҟан ампыргьы ҟалаӡом, ачуан иқәнакӡом. Абжьааԥны ари амилаҭтә чыс ажь еиқәаҵәа иалырхуеит. Исгәалашәоит, Урыстәыла саныҟаз, сҩызцәа аԥсуаа ҳчыс рзыҟасҵалон, зны ақалмышь ҳҿабҵароуп ҳәа сыхҭаркит, аха ажьырӡ сымамызт, ашылагьы абаҟахыз. Иҵәахны исымаз аҵәа иалхыз ашәырӡ аацәырызган, адәқьанаҿ ахрыӷ аасхәеит. Ахрыӷ асара шацәыбыргугьы, ажьырӡ ишалхымызгьы, ақалмышь бзиахеит. Иаауҭаххар, иара излыумхауа иҟоузеи", — дԥышәарччо еиҭалҳәон акҿыҩраҿы ихандеиуаз Есма.
Ҩажәа минуҭ ааҵуаны ачыс мазеин. Есма асаанқәа ирнылҭәалан, акакан нақәлыԥсеит. Ақалмышь хьшәашәарц иаанлыжьит.
Ақалмышь аԥсуаа аныҳәақәа рзы аишәа иқәдыргыло ахаатә чысуп.
Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы. Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны
"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.
Иаҳа инеиҵыху аиҿцәажәара шәазыӡырҩыр шәылшоит аудио аҿы.