(1:10 / 9.18Mb / просмотров видео: 120)

Ажьырӡы, амца, ашыла, нас акакан: ақалмышь аҟаҵашьа

124
(ирҿыцуп 18:58 19.02.2021)
Есма Арџьениаԥҳа амилаҭтә чыс аҟаҵара дазҟазоуп. Лара иаҳлырбеит аԥсуаа жәытә-натә аахыс реишәа иқәырҵоз ахаа – ақалмышь аҟаҵашьа.

Есма Арџьениаԥҳа ажьырӡы ачуан иҭаҭәаны амца иақәлыргылеит. Амцаҿы зегьы ирласны иҟалоит, уааццакыроуп, ажьырӡы аилышра иалагоит 10-15 минуҭ рыҩныҵҟа. Ашыла гәӡа рхианы иҟазароуп, ашәырӡ еилашаанӡа иаҭатәуп, ақалмышь ампыр аламларц, абас аамҭа мгакәа Есма лус нап аларкит.

"Ақалмышь бзиа иабоит лассы-лассы ианаҵушьуа, усҟан ампыргьы ҟалаӡом, ачуан иқәнакӡом. Абжьааԥны ари амилаҭтә чыс ажь еиқәаҵәа иалырхуеит. Исгәалашәоит, Урыстәыла саныҟаз, сҩызцәа аԥсуаа ҳчыс рзыҟасҵалон, зны ақалмышь ҳҿабҵароуп ҳәа сыхҭаркит, аха ажьырӡ сымамызт, ашылагьы абаҟахыз. Иҵәахны исымаз аҵәа иалхыз ашәырӡ аацәырызган, адәқьанаҿ ахрыӷ аасхәеит. Ахрыӷ асара шацәыбыргугьы, ажьырӡ ишалхымызгьы, ақалмышь бзиахеит. Иаауҭаххар, иара излыумхауа иҟоузеи", — дԥышәарччо еиҭалҳәон акҿыҩраҿы ихандеиуаз Есма.

Ҩажәа минуҭ ааҵуаны ачыс мазеин. Есма асаанқәа ирнылҭәалан, акакан нақәлыԥсеит. Ақалмышь хьшәашәарц иаанлыжьит.

Ақалмышь аԥсуаа аныҳәақәа рзы аишәа иқәдыргыло ахаатә чысуп.

124

Аныҳәа иазхиоуп: Аиааира Ду амш иазку апарад аҽазыҟаҵара Аҟәа ишымҩаԥысыз

3
Лаҵара 7 рзы Аҟәа имҩаԥысит Аџьынџьтәылатә еибашьра Ду аҟны игаз Аиааира 76 шықәса ахыҵра аҳаҭыр азы имҩаԥысраны иҟоу апарад аҵыхәтәантәи аҽазыҟаҵара.

Аҟәа имҩаԥысит Аџьынџьтәылатә еибашьра Ду аан игаз Аиааира 76 шықәса ахыҵра иазку апарад арепетициа хада. Уи иалахәын 17 парадтә гәыԥ - иааидкыланы 600-ҩык инареиҳаны аруаа. Апарад аҽазыҟаҵара иаҿын ҩымз инареиҳаны. Аруаа рыдагьы, уи иалахәуп Аԥсны ААР, АҶА, Урыстәыла АШәМ аусзуҩцәа рколоннақәагьы.

Раԥхьаӡа акәны апарад рхы аладырхәуеит Аҟәатәи арратә ҵараиурҭа астудентцәа. Агәырӷьаратә марш адырҳәоит Аԥсны Атәылахьчара аминистрра аоркестр. Аиааира Апарад мҩаԥысраны иҟоуп лаҵарамза 9 рзы Идырым асолдаҭ ибаҟа аҿаԥхьа.

3

Жәлар рашәеи ражәеи: афестиваль "Раида" шымҩаԥысыз

34
(ирҿыцуп 13:57 22.04.2021)
XI Аԥсны афольклор-вокалтә ансамбльқәа рреспубликатә фестиваль "Раида" мҩаԥган Аԥснытәи аҳәынҭқарратә филармониаҿы.

Афестиваль рхы аладырхәит: Ақалақь Шәача Лазаревск аҳабла еиҿкаау жәлар ринструменталтә ансамбль "Насыԥ", Гәдоуҭа араион Џьырхәа ақыҭантәи абжьаратә школ аҵаҩцәа рыансамбль "Кьараз", Гәдоуҭа ашкол №1 "Раида", ақалақь Пицунда рансамбль "Абааҭа", Гәдоуҭа араион Хыԥсҭа ақыҭа ансамбль "Хыԥсҭа", ақалақь Тҟәарчалтәи афольклортә ансамбль "Тҟәарчал", Гәдоуҭатәи афольклортә ансамбль "Ахьышьҭра", Гәдоуҭатәи афольклортә ансамбль "Гәдоуҭа", Очамчыра араионтә ансамбль "Ерцахә", Гагратәи ансамбль "Кьараз".

Аконцерт алахәылацәа иранаршьеит "Аԥсны афольклортә ҭынха аиқәырхаразы" адипломқәеи аҳамҭақәеи.

Иара убас шәаԥхьар ҟалоит:

34

Иҳаҩсыз уахыки-ҽнаки рыла даҽа 52-ҩык акоронавирус рыдырбалеит Аԥсны

4
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14795-ы ыҟоуп, ргәы бзиахеит 13780-ҩык, рыԥсҭазаара иалҵит 222-ҩык.

АҞӘА, лаҵара 7 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 334-ҩык атестқәа рзыҟаҵан, урҭ рахьтә 52-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 45-ҩык акоронавирус адиагноз рзышьақәыргылоуп, рҭагылазаашьа бааԥсуп 26-ҩык, ибжьаратәуп - 20-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 37-ҩык апациентцәа, Очамчыра ирхәышәтәуеит 13-ҩык, Гагратәи ахәышәтәырҭаҿы - 21-ҩык, Тҟәарчалтәи ахәышәтәырҭаҿы - хәҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау