(0:42 / 5.40Mb / просмотров видео: 23)

Хәышә-ҩык апациентцәеи, хә-нызқь ҭҵаареи: Аҟәатәи амобилтә госпиталь аусушьа

25
(ирҿыцуп 15:38 26.02.2021)
Аладатәи арратә округ аҳақьымцәа акоронавирустә инфекциа зыдбало апациентцәа рыдкылареи, ирхәышәтәыз рылҩаареи ишаҿыц иаҿуп хырхарҭарацәалатәи амобилтә госпиталь аҟны.

Жьҭаарамза 2020 шыкәса инаркны урыстәылатәи аҳақьымцәа рҿы ахәышәтәра иахысхьеит 500-ҩык ареспублика ауааԥсыра. Иахьазы агоспиталь иҭоуп 15-ҩык. Иарбоу аамҭа иалагӡаны амбулатор-консультациатә цхыраара рыҭан хнызқьҩык инареиҳаны Аԥсны ауааԥсыра, имҩаԥган алабораториаҿ 5195 ПЦР тест.

Амобилтә хырхарҭарацәалатә госпиталь адәынтәи медицинатә еиҿкаароуп, акоронавирустә инфекциа змоу апациентцәа рыхәышәтәра иазырхоуп. Араҟа ишьақәыргылоуп арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализ ҟаҵагақәа.

Агоспиталь 100 иара-ҭыԥк амоуп.

Иара убас шәаԥхьар ҟалоит:

25
Атемақәа:
Аҿкычымазара – акоронавирус Аԥсни адунеи аҿи: иалкаау (1228)

Аԥсны аԥареикәыршара аҭоурых иазку: Абанк амузеи Аҟәа ишаадыртыз

9
(ирҿыцуп 19:41 14.05.2021)
Аԥсны Аҳәынҭқарра Амилаҭтә банк аԥшьгарала Аԥара амузеи аргылара хацыркын 2019 шықәса рзы.

Аԥсны Абанк лаҵара 14 рзы Аҟәа иаанартит Аԥара амузеи.

Аԥхьа иӡбан аԥсарқәа мацара ахьӡыругаша аҭыԥ аԥшаара, аха нас иӡбахеит хазы уи азы амузеи аԥҵара. Аиҿкааҩцәа ирҭахын Аԥсны ажәытәӡатәи аамҭақәа инадыркны иамаз аԥареикәыршара аҭоурых цәырыргарц.

Амузеи адиректор Асҭамыр Ҭаниа еиҭеиҳәеит Аԥсны аԥаратә еикәыршара аҭоурых ду шамоу. Ара иҟоуп византиатәи аԥарақәа, иара убас Арабтә халифат, Османтәии Урыстәылатәии аимпериақәа рмонетақәа.

Аофициалтә аартрахь дааит Аԥсны ахада Аслан Бжьаниеи аиҳабыра рхаҭарнакцәеи.

Абанк ахантәаҩы Беслан Бараҭелиа еизаз ирзеиҭеиҳәеит уаҵәы, лаҵара 15 инаркны изҭаху амузеи иаҭаар шрылшо, иара убас планс ишимоу ара аҭҵаарадырра-практикатә ус амҩаԥгарагьы, аҿар ҳтәыла аԥаратә еикәыршара аҭоурых нарҵауланы иҭырҵааларц азы.

9

Иԥсеиқәырхагоу алаҵа: акоронавирус аҟынтәи алаҵаҟаҵара мҩаԥысуеит Аԥсны

8
Урыстәылатәи алаҵа "Спутник V" актәи апартиа 6500 доза Аԥсныҟа иааит мшаԥымза 30 рзы. Анаҩстәи апартиа аашьҭра алаҵаҟаҵара актәи ахәҭа шымҩаԥысуа иаҿырԥшхоит.

Аԥсны атәылауаа COVID-19 хызҽуа алаҵа "Спутник V" рзыҟаҵара иалагеит лаҵара 12 рзы. Ииасыз амчыбжь азы Агәабзиарахьчара аминистрра еиҿнакааит амедусзуҩцәа рзы атренингқәа акоронавирус аҟынтә алаҵа аҟаҵаразы. "Спутник V" алаҵа аԥхьа иргыланы амедусзуҩцәа ирзыҟарҵоит. Алаҵа аныҟарҵо аҳақьымцәа алаҵа ззыҟарҵо ргәабзиара шыҟоу иазҵаалоит, игәарҭоит ршоура, изԥырхагахар ҟало ҳәа ззырԥхьаӡо ирыларҵаӡом.

Алаҵа ҟарҵоит изҭаху. Асиақәа аздырхиоит араионтә хәышәтәырҭақәа рполиклиникақәа рҿы. Ареспублика араионқәа зегьы рҿы иаартуп алаҵаҟаҵарҭа ҭыԥқәа. Анаҩстәи апартиа аашьҭра алаҵаҟаҵара актәи ахәҭа шымҩаԥысуа иаҿырԥшхоит.

8
Атемақәа:
Аҿкычымазара – акоронавирус Аԥсни адунеи аҿи: иалкаау (1228)

COVID-19 злаз даҽа пациенткак лыԥсҭазаара далҵит Гәдоуҭатәи ахәышәтәырҭаҿы

15
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15006-ҩык ыҟоуп, ргәы бзиахеит 14025-ҩык, рыԥсҭазаара иалҵит 226-ҩык.

АҞӘА, лаҵара 15 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 176-ҩык атестқәа рзыҟаҵан, урҭ рахьтә 22-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы лаҵара 14 рзы лыԥсҭазаара далҵит 1939 шықәса рзы ииз акоронавирус злаз апациентка.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 51-ҩык, урҭ рахьтә 41-ҩык акоронавирус адиагноз рзышьақәыргылоуп, рҭагылазаашьа бааԥсуп 28-ҩык, ибжьаратәуп - 12-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 31-ҩык апациентцәа, рҭагылазаашьа бааԥсуп хәҩык. Очамчыра ирхәышәтәуеит 16-ҩык, Гагратәи ахәышәтәырҭаҿы - 17-ҩык, Тҟәарчалтәи ахәышәтәырҭаҿы - ԥшьҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

15
Атемақәа:
Аҿкычымазара – акоронавирус Аԥсни адунеи аҿи: иалкаау (1228)