Руалԥшьа нагӡаны: арратә мобилтә госпиталь Аԥсны аусура хнаркәшеит

16
(ирҿыцуп 22:28 09.03.2021)
2020 шықәса жьҭаара 20 рзы аусура иалагаз Урыстәыла Атәылахьчара аминистрра арратә мобилтә госпиталь ашәахьа хәажәкыра 1 азы Аԥсны аусура хнаркәшеит.

Урыстәыла Атәылахьчара аминистрра арратә госпиталь, 2020 шықәса жьҭаара 20 рзы Аԥсны аусура иалагаз аҭыԥ ахь амҩа иқәлеит арратә техника аколлона иаланы. Урыстәылатәи амедусзуҩцәа ҩымш рышьҭахь арратә техника аилазаара иаланы, 800 километра амҩа иахысны есқьаангьтәи ргыларҭа ҭыԥ иазыхынҳәуеит, Ставропольтәи атәылаҿацә аҿы. Аколонна амҩатә ныҟәара ашәарҭадара ахылаԥшра арҭоит Аладатәи арратә округ арратә автоинспекциа.

Амобилтә медицинатә ҟәша аилазаара иалахәын шәҩык рҟынӡа амедусзуҩцәа, 30 ак арратә техника.

Иара убас шәаԥхьар ҟалоит:

 

 

16
Атемақәа:
Аҿкычымазара – акоронавирус Аԥсни адунеи аҿи: иалкаау (1177)

"Саянский марш": аицлабра актәи амш шымҩаԥысыз

9
"Саянский марш" актәи аицлабра мҩаԥысуан мшаԥы 14 - 17 рзы Красноиарсктәи атәылаҿацә аҿы, аҽазыҟаҵарҭа "Ергаки" аҟны.

Аицлабрақәа ҩ-етапкны имҩаԥган, аруаа еиуеиԥшым аԥынгылақәа ирхысыр акәын. Аԥынгылақәа змоу азеиԥш маршрут 50 километра ыҟан. Аицлабра актәи амш азы 25 километра иахысит,  ашьхаҿҟьара ашәҩақәа рыла илбааит, аԥшыхәра амҩаԥыргеит, ашахақәа рыла аҿҟьарақәа илбааит. Уахынла абнараҿы ақьала ргыланы иԥхьеит.

Иара убас шәаԥхьар ҟалоит:

9

Аԥсны Аинвестпрограмма анагӡашьа: Урыстәыла аекономҿиара аминистрра агәаҭарақәа

11
Ҩымш ҵуеит Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуижьҭеи 2020-2022 шықәсқәа рызтәи Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

Урыстәыла Аекономҿиара аминистр ихаҭыԥуаҩ Сергеи Назаров зхадараҿы дыҟоу аделегациа Аԥсны иҟан. Урҭ игәарҭеит Аинвестпрограмма иаҵанакуа аобиектқәа рыргылара ишаҿу. Аделегациа аҭааит зыргылара хыркәшоу Гагратәи агәашьаркыра. Уи аиҭашьақәыргылара иақәхарџьын 23 миллион мааҭ инареиҳаны.

Аремонт макьана иацырҵоит Гагра аԥшаҳәаҿи Апринц Ольденбургтәи ипарк аҿи. Урҭ реиҭашьақәыргылара 71 миллион мааҭ агоит. Москва Аинвестагентра иатәу альготатә кредитаҭара апрограммала идыргылоит асасааирҭа "Тотус". Уи ахыркәшараз егьагым, иагьазоужьын 229 миллион мааҭ.

Хәышықәса инарзынаԥшуа ҵуеит Гагра ацрыҵрыцқьарҭа дыргылоижьҭеи. Ара раԥхьа имҩаԥгатәыз аусурақәа ирзоужьын 582 миллион мааҭ. Аха ари ахарџь иахьатәи ахәԥсақәа ирышьашәаланы еиҭаркуеит. Аинвестпрограммала еиҭарҿыцын Гагратәи аӡықәыӷәӷәаратә станциа №4. Уи уахыки-ҽнаки рыла зымчхара 12 нызқь кубометр ыҟоу реиҳа ихадоу аиԥшьратә станциоуп. Арантәи ацрыҵрыцқьарҭахь 11 километра иҟоу аӡымҩангага нагатәуп. Ари апроект ахәԥса 240 миллион мааҭ ыҟоуп.

Аинвестпрограмма ахарџь ала астанциа маҷ "Бзыԥ-220" аҿы ишьақәыргылан атрансформатор ҿыц. Уи амчхара – 125 мегаватт, иара уаанӡа иқәгылаз аасҭа ҩынтә раҟара еиҳауп.

Ахәаша аурыс делегациа Аԥсны мрагыларатәи араионқәа ирҭааит. Тҟәарчал Аинвестпрограммала иргылоу ахәышәтәырҭа иахәаԥшит. Уи аартра мшаԥымзазы иазгәаҭоуп, уа араионқәа хԥа ртәылауаа рымаҵ рулоит. Ари ахәышәтәырҭа аргылара иақәхарџьын 250 миллион мааҭ инареиҳаны. Урыстәылатәи аиҳабыра ахаҭарнакцәа ақыҭанхамҩатә наплакы "Кындыӷ-агро" иаҭааит. Ари аобиект аргылара иазоужьын 250 миллион мааҭ инареиҳаны. Акомплекс аԥҵара алыршан альготатә кредитаҭара апрограмма абзоурала. Уи 250 миллион мааҭ иҟаз арԥсах урыстәылатәи абанк иазоунажьит.

11
Студенты на лекции

Аԥсуа-абаза диаспора рхаҭарнакцәа СПААУ хәыда-ԥсада иҭалар ҟалоит

0
(ирҿыцуп 10:17 18.04.2021)
Адунеизегьтәи аԥсуа-абаза конгресс ацхыраара ҟанаҵоит адиаспора рхаҭарнакцәа Санкт-Петербургтәи аҳәынҭқарратә абнанхамҩатә университет (СПААУ) хәыда-ԥсада иҭаларазы.

АҞӘА, мшаԥы 18 - Sputnik. Аԥсуа-абаза диаспора рхаҭарнакцәа Санкт-Петербургтәи аҳәынҭқарратә абнанхамҩатә университет хәыда-ԥсада иҭалар ҟалоит. Абри атәы аанацҳауеит аконгресс асаит.

Ари аҩыза алшара ҟалеит Адунеизегьтәи аԥсуа-абаза конгресси ауниверситети абҵарамза, 2020 шықәсазы ирыбжьарҵаз аиқәшаҳаҭра иабзоураны.

Иазгәаҭоуп, аҵараиурҭа иҭаларц зҭаху рзы ашәҟәқәа рыдкылара шхацыркыз хәажәкыра 1 инаркны. Абиуџьет ҭыԥқәа рахь иҭало рышәҟәқәа аларҵароуп ԥхынгәы 20-нӡа, латәарадатәи аҟәшахьы – нанҳәа 11-нӡа, амагистратурахь – нанҳәа 6-нӡа.

Арзаҳал азы абитуриентцәа абарҭ ашәҟәқәа еиқәыршәаны ирымазароуп: атәылауаҩшәҟәы ахкьыԥхьаа, аттестат (ахкьыԥхьаа ма аоригинал), 3×4 см иҟоу афотосахьақәа фба, аԥсуа-абаза жәлар дшырхаҭарнаку зыршаҳаҭуа аилыркаа, ма урыстәылатәи атәылауаҩра. Ашәҟәқәа рынашьҭра ауеит  ауниверситет асаит ахь.

Санкт-Петербургтәи аҳәынҭқарратә абнанхамҩатә университет адкыларатә комиссиа аиҳабы Елена Богатова лажәақәа рыла, аԥышәарақәа мҩаԥгахоит ҩ-форматк рыла: адистанциатә ма хаҭала.

Санкт-Петербургтәи аҳәынҭқарратә абнанхамҩатә университети Адунеизегьтәи аԥсуа-абаза конгресси ауниверситети аиқәшаҳаҭра рыбжьарҵеит абҵарамзазы. 

СПААУ иҭаларц зҭаху Аԥснытәи, Ҭырқәтәылатәи абитуреинтцәа инарҭбаау аинформациазы иадҵаалар рылшоит Санкт-Петербург иҟоу АААК аофис, абри аелектронтә ҭыӡҭыԥ ала: info.spb@abaza.org, ма абри аҭел +7 812 514 88 55 ала.

0