"Ԥсра зқәым архәҭа", апарад: Аиааира Ду 76 шықәса ахыҵра шазгәарҭаз Аҟәа

22
Аџьынџьтәылатә еибашьра Ду аан Аиааира 76 шықәса ахыҵра аҳаҭыраз Идырым асолдаҭ ибаҟа аҿаԥхьа имҩаԥган апарад, еиҿкаан акциа "Ԥсра зқәым архәҭа".

Апарад иалахәын Урыстәыла Аладатәи арратә округи Атәылахьчара аминистрреи рыррамаҵзурауаа. Аруаа рыдагьы, уи иалахәын Аԥсны ААР, АҶА, Урыстәыла АШәМ аусзуҩцәа рколоннақәагьы. Зынӡа иҟан 17 парадтә гәыԥ - иааидкыланы 600-ҩык инареиҳаны аруаа. Раԥхьатәи аколонна Аԥсны Абираҟи Атәылахьчара аминистрра Абираҟи рыманы апарад ианысит. Агәырӷьаратә марш адырҳәеит Аԥсны Атәылахьчара аминистрра аоркестр. Апарад аҟны иарҳәан Урыстәыла агимн. Идырым асолдаҭ ибаҟа аҿаԥхьа еиҿкаан адәынтәи акрыфара.

Иара убас шәаԥхьар ҟалоит:

22

Аҵыҵындраҟәшәара иаԥскымҭоуп: Драндатәи анаплакы аус шауа

7
(ирҿыцуп 18:58 11.06.2021)
Аԥсны уажәааны аҵыҵындраҟәшәара иаԥскымҭоуп, ари аргәыцхкы аазрыхуа анаплакқәа руак Дранда аҳаблан иҟоуп, ара уажәы аусура ҩнапыкла иаҿуп.

Хәышықәса раԥхьа Гәылрыԥшь араион Дранда аҳаблан иаадыртит аҵыҵындрааӡарҭа. Иахьатәи аамҭазы ара аус руеит хышәҩык рҟынӡа аҭыԥантәи анхаҩцәа, иара аарыхырҭа аҵакыра акәзар, 20 гектар иҟоуп.

Афотосахьақәа шәрыхәаԥшыр ҟалоит абра>> Ааԥыни аԥхыни ирсимволу аргәыц: мышкы Драндатәи аҵыҵындрааӡарҭаҿы

7

Ишәҭышу аҩны: Аҟәа агәаны Европа ҳгәалазыршәо ахыбра

28
(ирҿыцуп 15:19 05.06.2021)
Аҟәа агәаны игылоу егьырҭ аҩнқәа иаарылукаауеит Аԥсны уаанӡатәи аекономика аминистр, Ашахмат азы афедерациа ахада Константин Ҭыжәба иҩны. Sputnik уи иҭааны еилыркааит ари аҩыза анашанатә баҳча шаԥиҵаз.

Академик Марр имҩаҿы игылоу Константин Ҭыжәба иҩны дарбанзаалак ауаҩы, дтуристума, даҭыԥантәиума, илаԥш адымхалакәа дзавсуам. Ахаҳәтә гәараанда аҭыԥан иазҳауеит аџьыԥ (ажасмин – аред.), ахыб аҿы ирызҳауеит уахынла "илашо" асуккулентқәа".

Ари аҩны актәи аихагыла ргылан 1930-тәи ашықәсқәа раан, ԥыҭрак рышьҭахь аҩбатәигьы ахаргылан. Ҭыжәба иажәақәа рыла, иара есымшагьы аҵиаақәа рааӡара дазҿлымҳан азы, иаразнак иҩны акәша-мыкәша ариаҵәара далагеит. Иара европатәи аландшафттә культура дыхнахуан, ииҭахын ихаҭагьы убри иаваҟәыло иҩны ҟаиҵарц.

Раԥхьа иара ирԥшӡеит иашҭеи ибаҳчеи, уа ашәыри ауҭраҭыхи ирызҳауеит, аха аамҭа рацәа еиҳарак изгаз аҩны аҭыӡқәа рырԥшӡароуп. Игәҭакқәа зегьы рынагӡаразы 12 шықәса аҭаххеит.

Аҩны аҩналарҭеи агәашәи аҽрыкәыршаны иазҳауеит ӡынгьы-ԥхынгьы ииаҵәоу аџьыԥ, ахыбгьы дырԥшӡоит асуккулентқәа захьӡу ашәҭ иаҵәақәа.

Ари аҩыза аҩны ахылаԥшра бзиагьы аҭахуп. Аԥхынра аҵиаақәа зегьы аӡы рыҵаҭәаразы х-сааҭк аҭахуп. Ҭыжәба игәаанагарала, дарбанзаалак Аԥсны иқәынхо ауаҩы иҩни иашҭа-игәареи дырхылаԥшлароуп, ирԥшӡалароуп, ҳтәыла зегьы шәҭыкакаҷхарц азы. Абри аидеиа ауаа рыларҵәаразы иара ашәахьа рашәара 7 рзы ибаҳчаҿы имҩаԥигарц игәы иҭоуп ашәҭқәа рцәыргақәҵа "Аҟәа. Ақалақь ариаҵәара".

28

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

8
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

8