Амилаҭтә кәашарақәа ирызҟазоу: Моисеев ибалет Аԥсны иқәгылеит

28
(ирҿыцуп 19:18 26.05.2021)
Игор Моисеев ихьӡ зху Амилаҭтә кәашарақәа рҳәынҭқарратә академиатә ансамбль Аԥснытәи аҳәынҭқарратә филармониаҿы иқәгылеит лаҵара 25 рзы. Даҽа қәгыларак мҩаԥнагоит лаҵара 26 рызгьы.

Хышықәса рышьҭахь аконцерттә программа рыманы ҩаԥхьа Аԥсныҟа иааит Игор Моисеев ихьӡ зху Амилаҭтә кәашарақәа рҳәынҭқарратә академиатә ансамбль. Урыстәылатәи аколлектив раԥхьаӡа акәны Аԥсны иқәгылеит 2013 шықәсазы акультуратә сезон "Урыстәыла-Аԥсны" аҳәаақәа ирҭагӡаны иазгәарҭоз Урыстәыла Амшныҳәа аан. Аҩынтә раан - 2018 шықәсазы, Аԥсны Аиааиреи Ахьыԥшымреи 25 шықәса рхыҵра амш аҳаҭыр азы.

Уажәазы артистцәа иааргеит "Адунеи амилаҭтә кәашарақәа" захьӡу апрограмма - Игор Моисеев иқәиргылахьаз ахореографиатә ԥҵамҭақәа иуникалтәу рцикл. Апрограмма иалалеит абырзен кәашара "Сиртаки", аргентинатәи ахьчаҩцәа рыкәашара "Гаучо", калмыктәи акәашара "Аҭаҭар ҭыԥҳа" ("Татарочка"), адыга кәашара, венесуелатәи акәашара "Хоропо", аиспан "Баллада", иара убас илегендахаз ансамбль акәашара "Аҵәа" ("Яблочко").

Аконцерт иахәаԥшразы еизаз ауааԥсыра Аҳәынҭфилармониа азал дырҭәит.

Амилаҭтә кәашарақәа рҳәынҭқарратә академиатә ансамбль Игор Моисеев иаԥиҵеит 1937 шықәсазы. Уи афольклор асахьаркыратә интерпретациа азызуа адунеи аҿы раԥхьатәи профессионалтә хореографиатә коллективхеит. 1938 шықәса инаркны ансамбль еиԥмырҟьаӡакәа Урыстәылеи аҳәаанырцәи гастрольҳасабла еимнадоит. Иара Гиннес ирекордқәа урыстәылатәи ашәҟәы ианылеит зегь реиҳа агастрольқәа мҩаԥызгахьоу ансамбль аҳасабала.

28

Ҩыџьа рлахьынҵа: афонд "Ашана" аишьцәа Ԥаразиаа рзы аԥареизгара хацнаркит

22
Акультура-гәыҳалалратә фонд "Ашана" аԥареизгара хацнаркит еициз аишьцәа Ԥаразиаа Романи Владимири рыхәышәтәразы.

Ԥаразиаа Романи Владимири 12 шықәса рхыҵуеит. Дара шықәсык анырхыҵуаз рҭаацәа игәарҭеит рцәажәара аҿиара шылаҟәыз.

Хԥа-хԥа шықәса анырхыҵуаз Москваҟа иргеит. Усҟан имҩаԥгаз ахәышәтәра лыҵшәа амоуит. Заанаҵтәи адиагноз – аутистизмтә спектр иаҵанакуа ашьақәҟьара, анервтә система хада ачымазара, ацәажәара аԥкра. Уи аахыс аҭаацәа уаҳа Аԥсны анҭыҵҟа ицартә аҭагылазаашьа рмоуит.

Быжь-шықәса рыҩнуҵҟа ахәыҷқәа рҭагылазаашьа еиҳагьы ибааԥсхеит, лассы-лассы рыԥсқәа рылышәшәоит, рхаԥыцқәеи рҿаҵеи ачымазарақәа дырҳаит. Уажәы дара адиагноз рзықәыргыларазы Москва, Воино-Иасенецки ихьӡ зху Аҭҵаарадырра-практикатә центр ҷыдаҿ агәаҭара иахысроуп. Уи азы ирҭахуп 315 560 нызқь мааҭ. Ариаҟара аԥара рҭаацәа ирымам азы афонд "Ашана" аԥареизгара хацнаркит.

22

"Цасҳәа еиқәҵаз амца": АҶА амцарцәаҩцәа рҽазыҟаҵарақәа шымҩаԥысыз Тҟәарчал

16
Ԥхьаҟатәи аҽазыҟаҵарақәа еиҳа иуадаҩны еиҿкаахоит, атехника ахыԥхьаӡара иацҵахоит ҳәа азгәарҭоит Аԥсны АҶА апресс-маҵзураҿы.

Аԥсны АҶА амцарцәара-еиқәырхаратә хәҭа планлатәи рҵара-ҽазыҟаҵарақәа мҩаԥган Тҟәарчал, абри атәы аанацҳауеит аусбарҭа апресс-маҵзура.

Раԥхьа амҩа-транспорт машәыр аан ахымҩаԥгашьа апрактикатә уснагӡатәқәа мҩаԥган. Иаҭахны иҟан излалшо ала ирццакны, агидравликатә хархәагала автомашьына ахыб ԥҟаны, ааха зауыз ауаҩы иҭыгара, ахәышәтәырҭахь ишьҭра. Аҩбатәи аетап аан ақалақь ахыбрақәа руак аҿы амца дырцәон. Алегендала амца акын ахԥатәии ахәбатәии аихагылақәа. Уахьынтә ауаа дәылгатәын.

Аминистр Лев Кәыҵниа иажәақәа рыла, азанааҭуаа рҿаԥхьа иқәгылаз аусдҵа нарыгӡеит, рҟазара аадырԥшит.

Иара убас шәаԥхьар ҟалоит:

16

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау