Ахра агәы зызҭоу: Енвер Бзагәа раԥхьатәи ииааира ашьҭахь иҽшазыҟаиҵо

24
(ирҿыцуп 20:04 08.07.2021)
Ҭырқәтәылатәи ҳџьынџьуаҩ, абоксиор Енвер Бзагәа Москва рашәара 27 рзы имҩаԥысыз абокс азы апрофессионалтә ринг аҿы аиааира игеит.

Ҭырқәтәылатәи ҳџьынџьуаҩ Енвер Бзагәа раԥхьаӡа акәны Аԥсныҟа дааит 2019 шықәсазы. Иара иабдуцәа XIX ашәышықәсазы рҭоурыхтә ԥсадгьыл ааныжьны Ҭырқәтәылаҟа ихҵәеит.

Иара Аԥсныҟа иаара ус баша иҟамлеит. Абокс азы Аԥсны афедерациа имҩаԥнагоз атурнир "Аԥсны аҳәынҭқарра Ахраҿа" иҽалаирхәырц дааит. Уа қәҿиарала данықәгыла ашьҭахь, Апрофессионалтә бокс афедерациа аиҳабы Алик Карди-оӷлы идигалеит иԥсадгьыл аҿы даанханы профессионалла абокс азы иҽазыҟаиҵаларц азы. Иаргьы дақәшаҳаҭхеит.

Арахь даанӡа иара далахәын Ҭыркәтәылатәи еизгоу акоманда, Анкара ачемпионс дыҟан.

Раԥхьатәи апрофессионалтә еиԥылара мҩаԥигеит сынтәа Москва рашәара 27 рзы. Иара диндаҭлон урыстәылатәи аспортсмен Виктор Конкин. Актәи араунд азыҵәҟьа Енвер техникатә нокаутла аиааира игеит. Мчыбжьык иԥсы анишьа ашьҭахь, ҩаԥхьа аҽазыҟаҵарақәа дрылагеит.

24

Акәасқьа, аԥацха, амҳара: Мгәыӡырхәатәи амилаҭтә парк амаӡақәа

16
(ирҿыцуп 18:37 28.07.2021)
Гәдоуҭа араион Мгәыӡырхәа ақыҭан иаатит аԥсуа инхашьа-инҵышьа, иԥсҭазаашьа атәы аазырԥшуа амилаҭтә парк "Аԥсны".

Аԥсуа иашҭа-акәасқьа, аԥацха, амҳара, аԥсуа инхашьа инҵышьа, иҧсҭазаашьа аазырԥшуа ҭыԥуп ааигәа иаартыз амилаҭтә парк "Аԥсны". Гәдоуҭа араион Мгәыӡырхәа ақыҭа аӡиас Мҷышьҭа ахықәаҿы иаарту апарк аҵакырадгьыл аа-гектарк рҟынӡа инаӡоит.

Аҭыԥантәи ауааԥсыреи урыстәылатәи аррамаҵзурауааи рзы апарк аҭаара хәыдаԥсадоуп.

16

Еиҭах амшцәгьа: Аԥсны илеиз ақәаршҩы ахҟьаԥҟьақәа

25
(ирҿыцуп 17:58 27.07.2021)
Ԥхынгәы 26-27 ауыха Аԥсны ақәа ӷәӷәӷа леит, аӡқәа хыҵит, афымцатә шьаҟақәа ааха роуит. Аԥхасҭа ӷәӷәа рынаҭеит Аҟәа, Гәылрыԥшь, Гәдоуҭа, Очамчыра араионқәа руааԥсыра.

Аԥсны илеиз ақәыршҩы иахҟьаны Аԥсны аӡхыҵра ҟалеит. Амшцәгьа иҟанаҵаз аԥхасҭа макьана еилкаам, аха иубаратәы иҟоуп ишыӷәӷәоу.

Гәдоуҭа араион 350 ҩны аӡқәа рыҩналеит. Аӡиасқәа Хыԥсҭеи Гәдоуи шьҭыҵит, иара убас шәарҭара змамыз аӡыҷҷақәа хыҵны идәықәлеит.

Аӡиасқәа Гәымсҭеи, Баслеи, Кьылашәыри ааха рнаҭеит Аҟәа ахәҭаки Гәылрыԥшь араиони ӡыла еиқәзыршәоз аӡыӡгагақәа.

АҶА аусзуҩцәа иааиԥмырҟьаӡакәа аус руеит амшцәгьа ахҟьаԥҟьақәа раԥыхразы.

25

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1