(1:48 / 11.63Mb / просмотров видео: 1511)

Амузыкатә шедеврқәа: аклассика Аԥсуа драмтеатр аҿы

20
(ирҿыцуп 20:48 10.07.2021)
Аԥсуа драматә театр сынтәатәи аԥхынразы ахәаԥшцәа рзы аспектакльқәа рыдагьы, амузыкатә усмҩаԥгатәқәагьы азнархиеит. Sputnik аобиектив аҿы – "Адунеитә классика ашедеврқәа".

Ԥхынгәы 12 инаркны Акультура аминистрра иаҵанакуа аусбарҭақәа зегьы рҿы ахәаԥшцәа рыдкыларазы азин ыҟам. Иадыркуеит атеатрқәа, амузеиқәа, афилармониа, акультура аҩнқәа, аконцерттә залқәа. 

Аклассикатә музыка абзиабаҩцәа иахьӡеит акомпозиторцәа рҟазара раҳарц Аԥсуа драматә театр аҿы. Апроект "Аклассикатә музыка ашедеврқәа" ҩынтәҟа анагӡара рылшеит Аԥсны Аҳәынҭқарратә камертә оркестр.

Акустика бзиа змоу адрамтеатр афоие аҿы аԥсуа оператә шәаҳәаҩцәеи егьырҭи инарыгӡеит адунеитә классика иаҵанакуа аԥҵамҭақәа. Уи иалахәын "Геликон Опереи", Станиславскии Немировичи-Данченкои рыхьӡ зху Амузыкатә театри, Урыстәылатәи академиатә Театр Дуи (Большой театр), Аԥсны Аҳәынҭқарратә камертә оркестри.

Зегь иџьаршьаша хҭысхеит Урыстәыла Жәлар рартист имаҭа, Амузыкатәи адраматәи ҟазара иазку Лондонтәи академиа ҳаҭыр зқәу академик, Иури Башмет ихьӡ зху аԥхьахә ГРЭММИ занаршьахьоу Грант Башмет.

20

Ҭыжәба иашҭа: аԥсуа нхаҩы игәараҭа шеиҿкаау

117
(ирҿыцуп 18:14 19.07.2021)
Очамчыра араион Џьал ақыҭан инхо Витали Ҭыжәба иашҭаҿы еиҭаҳаны имоуп хкы рацәала ашәҭқәа, агәырбӷьыҵлақәа, апальмақәа.

Ацитрустә совнхара уаанӡатәи аиҳабы, агроном Витали Ҭыжәба дынхоит Очамчыра араион Џьал ақыҭан. Иара иҩны егьырҭ иаарылукаауеит. Аашықәса раԥхьа Витали ҷыдала иашҭазы аиҭаҳатәқәа Урыстәылантәи раагара далагеит, избанзар усҟантәи аамҭазы Аԥсны иара ииҭахыз аҵиаақәа изыԥшаауамызт. Иахьа иара иашҭаҿы ирызҳауеит агәырбӷьыҵлақәа, апальмақәа, ашәҭхкқәа рацәаны. Витали ашәҭқәа лассы-ласс драцәажәоит, ус ҟаимҵар, дара ашәҭра рцәыцәгьахоит ҳәа иԥхьаӡоит. Игәараҭа арԥшӡаразы аусурақәа зегьы ихала дырҿуп, уи сара сзы иԥсыршьагоуп иҳәоит иара. Витали Ҭыжәба игәаанагарала, аԥсуаа ргәараҭақәа зегьы ԥшӡаӡа, еиҿкааӡа иҟазароуп.

Иара 67 шықәса ихыҵуеит, шықәсқәак ҵуеит тәанчара дцеижьҭеи. Тәанчара ицахьоу ргәы ҿыӷьуеит, иҟарҵо рымам ҳәа зҳәо ыҟазаргьы, иара уи дақәшаҳаҭым. Иуҭаххар, унапы злоукша еснагь иҟоуп, еиҳарак ақыҭаҿы. Витали иаԥхьаҟагьы игәы иҭоуп макьана иашҭаҿы еиҭеимҳац аҵиаахкқәа рааӡара.

117

Ибыбышӡа, итатаӡа: тҟәарчалтәи агортензиақәа раҳра

61
(ирҿыцуп 18:28 18.07.2021)
Тҟәарчал ақалақь Аҟармаратәи аӡхыҽҽақәа рахь узлацо амҩа хҟьоуп агортензиашәҭ чықьқәа рыла. Урҭ рыԥшӡара аҭыхра иҽазишәеит Sputnik авидеооператор.

Тҟәарчал араион изызҳауа агортензиақәа иахьа ауаарацәа зҭаауа аҭыԥԥшӡарақәа ируакуп. Аҟармаратәи аӡхыҽҽахьы уҩазго амҩа инаваршәны изызҳауа арҭ иршанхагоу ашәҭқәа еиҳарак аиаҵәеи, ажәҩанԥшшәи, ацәаԥшьи аԥшшәқәа роуп. Уарла-шәарла иуԥылоит алила аԥшшәы змоу.

Агортензиа аԥшшәы изқәиаауа адгьыл иалоу амаҭәашьарқәа ирхьыԥшуп. 

Ацәаакыра бзиа избо агортензиашәҭқәа амра рҭахӡам. Убри азы акәхап, лассы-ласс ақәа ахьауа, ишәшьу Тҟәарчал изрызҳауа. Дара шәҭуеит ԥхынгәымза инаркны жьҭаарамзанӡа.

Ашәҭқәа рҿыхра ҟалаӡом, иҿызхыз ахараԥса иршәахоит ҳәа иахьабалак адҩыларақәа кыдуп.

Есԥхынра Тҟәарчалҟа иаауеит хыԥхьаӡара рацәала аԥсшьаҩцәа реиԥш аҭыԥантәи ауааԥсырагь, арҭ ашәҭқәа ирыдгыланы рсахьақәа ҭырхырц.

61

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

0
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

0