Аҟәа амцакра ҟалеит: аҳҭнықалақь аҿы ауаҭах шблыз

42
(ирҿыцуп 16:14 13.07.2021)
Аҟәа Кәыдрытәи амҩаду аҿы ауаҭах амца акит. Аӡәгьы ааха имоуӡеит ҳәа адырра ҟанаҵеит Аԥсны аҭагылазаашьа ҷыдақәа рзы аминистр.

Амцакра ҟалеит Аԥсны АҶА ахь адырра ҟалеит аҩаша ԥхынгәы 13 асааҭ 07:22 рзы. Аҭыԥ ахь инеит Аҟәатәи амцарцәаратә гәыԥқәа ҩбеи аиқәырхаратә ҟәшаки.

АҶА амедицинатә усбарҭа иатәу ацхыраара ласы амашьынагьы уахь инашьҭын. Иҟалаз амцакра иахҟьаны аҵәахырҭеи абарҵеи блит. Аӡәгьы ааха имоуӡеит.

42

Акәасқьа, аԥацха, амҳара: Мгәыӡырхәатәи амилаҭтә парк амаӡақәа

16
(ирҿыцуп 18:37 28.07.2021)
Гәдоуҭа араион Мгәыӡырхәа ақыҭан иаатит аԥсуа инхашьа-инҵышьа, иԥсҭазаашьа атәы аазырԥшуа амилаҭтә парк "Аԥсны".

Аԥсуа иашҭа-акәасқьа, аԥацха, амҳара, аԥсуа инхашьа инҵышьа, иҧсҭазаашьа аазырԥшуа ҭыԥуп ааигәа иаартыз амилаҭтә парк "Аԥсны". Гәдоуҭа араион Мгәыӡырхәа ақыҭа аӡиас Мҷышьҭа ахықәаҿы иаарту апарк аҵакырадгьыл аа-гектарк рҟынӡа инаӡоит.

Аҭыԥантәи ауааԥсыреи урыстәылатәи аррамаҵзурауааи рзы апарк аҭаара хәыдаԥсадоуп.

16

Еиҭах амшцәгьа: Аԥсны илеиз ақәаршҩы ахҟьаԥҟьақәа

25
(ирҿыцуп 17:58 27.07.2021)
Ԥхынгәы 26-27 ауыха Аԥсны ақәа ӷәӷәӷа леит, аӡқәа хыҵит, афымцатә шьаҟақәа ааха роуит. Аԥхасҭа ӷәӷәа рынаҭеит Аҟәа, Гәылрыԥшь, Гәдоуҭа, Очамчыра араионқәа руааԥсыра.

Аԥсны илеиз ақәыршҩы иахҟьаны Аԥсны аӡхыҵра ҟалеит. Амшцәгьа иҟанаҵаз аԥхасҭа макьана еилкаам, аха иубаратәы иҟоуп ишыӷәӷәоу.

Гәдоуҭа араион 350 ҩны аӡқәа рыҩналеит. Аӡиасқәа Хыԥсҭеи Гәдоуи шьҭыҵит, иара убас шәарҭара змамыз аӡыҷҷақәа хыҵны идәықәлеит.

Аӡиасқәа Гәымсҭеи, Баслеи, Кьылашәыри ааха рнаҭеит Аҟәа ахәҭаки Гәылрыԥшь араиони ӡыла еиқәзыршәоз аӡыӡгагақәа.

АҶА аусзуҩцәа иааиԥмырҟьаӡакәа аус руеит амшцәгьа ахҟьаԥҟьақәа раԥыхразы.

25

Аԥсны акоронавирус зланы зыԥсҭазаара иалҵыз 300-ҩык рҟынӡа инаӡеит

10
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 21579-ҩык ыҟоуп, ргәы бзиахеит 17307-ҩык, рыԥсҭазаара иалҵит 300-ҩык.

АҞӘА, ԥхынгәы 28 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 517-ҩык атестқәа рзыҟаҵан, урҭ рахьтә 162-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәшәтәырҭаҿы иԥсҭазаара далҵит 69 шықәса зхыҵуаз апациент.

Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 171-ҩык, рҭагылазаашьа бааԥсуп 46-ҩык, ибжьаратәуп - 56-ҩык.

Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 43-ҩык апациентцәа, урҭ рахьтә 15-ҩык рҭагылазаашьа уадаҩуп. Очамчыра ирхәшәтәуеит 25-ҩык. Гагратәи ахәшәтәырҭаҿы - 47-ҩык, урҭ рахьтә 15-ҩык рҭагылазаашьа уадаҩуп. Тҟәарчалтәи ахәшәтәырҭаҿы - 15-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

 

10
Атемақәа:
Аҿкычымазара – акоронавирус Аԥсни адунеи аҿи: иалкаау