Алаҳаӡы: ақыҭа амшын аԥшаҳәаҿы

26
(ирҿыцуп 12:31 14.07.2021)
Гагра араион Алаҳаӡы ақыҭа аԥхынразы иаԥсҭазаашьоу, аҭыԥантәи ауааԥсыра рхы зланыҟәырго, уи ҽа қыҭак иаламҩашьо изыҟоу уҳәа ирызку авидеонҵамҭа шәзеиқәнаршәеит Sputnik Аԥсны.

Аԥсуа қыҭа Алаҳаӡы Аԥсны ада, уи анҭыҵгьы ахьӡ наҩхьеит. Есышықәса зықьҩыла аԥсшьаҩцәа арахь иаауеит. Урҭ ара еиҳарак изыргәаԥхо амшын иахьазааигәоу, иахьҭынчроу, аҳауа цқьеи ашәаԥыџьаԥ еинҭәылеи ахьыҟоу азоуп. Ара иҟаӡам ақьафурҭақәа, асасааирҭа дуқәа, амузыка абжьы цәгьаны џьарантә иуаҳауам. Ара иҟоуп асасааирҭа хәыҷқәа, аӡәырҩы ахатәы ҩнқәа, ма амҿтәы коттеџьқәа рҿы рыԥсы ршьоит.

Алаҳаӡы иахьатәи аамҭазы инхоит 2500-ҩык рҟынӡа ауааԥсыра. Урҭ рхы ныҟәыргоит ақыҭанхамҩа, ахәаахәҭра, аԥсшьаҩцәа рыдкылара уҳәа рыла. Алаҳаӡы ахьӡ ус баша иҟамлеит. Ара жәытәнатә аахыс инхоз ауаа аӡыхь аханы игылаз алаҳа амҵан аныҳәарақәа мҩаԥыргон

26

Акәасқьа, аԥацха, амҳара: Мгәыӡырхәатәи амилаҭтә парк амаӡақәа

16
(ирҿыцуп 18:37 28.07.2021)
Гәдоуҭа араион Мгәыӡырхәа ақыҭан иаатит аԥсуа инхашьа-инҵышьа, иԥсҭазаашьа атәы аазырԥшуа амилаҭтә парк "Аԥсны".

Аԥсуа иашҭа-акәасқьа, аԥацха, амҳара, аԥсуа инхашьа инҵышьа, иҧсҭазаашьа аазырԥшуа ҭыԥуп ааигәа иаартыз амилаҭтә парк "Аԥсны". Гәдоуҭа араион Мгәыӡырхәа ақыҭа аӡиас Мҷышьҭа ахықәаҿы иаарту апарк аҵакырадгьыл аа-гектарк рҟынӡа инаӡоит.

Аҭыԥантәи ауааԥсыреи урыстәылатәи аррамаҵзурауааи рзы апарк аҭаара хәыдаԥсадоуп.

16

Еиҭах амшцәгьа: Аԥсны илеиз ақәаршҩы ахҟьаԥҟьақәа

25
(ирҿыцуп 17:58 27.07.2021)
Ԥхынгәы 26-27 ауыха Аԥсны ақәа ӷәӷәӷа леит, аӡқәа хыҵит, афымцатә шьаҟақәа ааха роуит. Аԥхасҭа ӷәӷәа рынаҭеит Аҟәа, Гәылрыԥшь, Гәдоуҭа, Очамчыра араионқәа руааԥсыра.

Аԥсны илеиз ақәыршҩы иахҟьаны Аԥсны аӡхыҵра ҟалеит. Амшцәгьа иҟанаҵаз аԥхасҭа макьана еилкаам, аха иубаратәы иҟоуп ишыӷәӷәоу.

Гәдоуҭа араион 350 ҩны аӡқәа рыҩналеит. Аӡиасқәа Хыԥсҭеи Гәдоуи шьҭыҵит, иара убас шәарҭара змамыз аӡыҷҷақәа хыҵны идәықәлеит.

Аӡиасқәа Гәымсҭеи, Баслеи, Кьылашәыри ааха рнаҭеит Аҟәа ахәҭаки Гәылрыԥшь араиони ӡыла еиқәзыршәоз аӡыӡгагақәа.

АҶА аусзуҩцәа иааиԥмырҟьаӡакәа аус руеит амшцәгьа ахҟьаԥҟьақәа раԥыхразы.

25

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1