(0:54 / 7.01Mb / просмотров видео: 26)

Диагнозк еиднакылоит: "Ашана" хҩык ахәыҷқәа рзы аԥареизгара иалагеит

80
(ирҿыцуп 13:22 24.08.2021)
Акультура-гәыҳалалратә фонд "Ашана" Анастасиа Бадиаԥҳа, Мариа Кесиан, Валериа Џьынџьалԥҳа ргәабзиара аиҭашьақәыргылараз ахәшәтәразы аԥареизгара иалагеит.

Еревантәи ареабилитациатә центр аҟаза иҟны аҽыхәышәтәразы еизгатәуп 235 956 мааҭ аԥара. Арҭ аӡӷабцәа хәыҷқәа еиднакылоит диагнозк – ахәыҷтәы хбаҩлашатә дабла. Дара ахысраны иҟоуп Еревантәи ареабилитациатә центр аҟаза иҟны аҽыхәышәтәра, ржьышә арӷәӷәаразы, рхала итәо-игыло, аныҟәара иалагаразы. 

Иахьатәи рҭагылазаашьа еиӷьтәны уаҵәтәи амш иақәгәыӷырц арҭ аӡӷабцәа хәыҷқәа ирзеизгатәуп 235 956 мааҭ аԥара.

Ацхыраара аҟаҵашьа адырразы аинформациа: афонд "Ашана" аофициалтә саит аҿы.

Иара убас шәаԥхьар ҟалоит:

80
(2:48 / 127.17Mb / просмотров видео: 33)

Аџьабаа зцу, аха згьама даҽакы еиԥшым: аҳаҟьаҿы иҟаҵоу аԥсуа џьыка амаӡақәа

21
Ажәытәан аџьыка аҳаҟьа иқәҵаны ирххуан, аҳаҟьеи аԥхныгеи аԥсуа ибзазара иузаҟәымҭхуаз маҭәарқәан. Ҳаамҭазы аҳаҟьа зкуа шамахамзар иуԥымлозаргьы, иҟоуп шьҭрала еиқәырханы иаазго, зны-зынла зхы иазырхәогьы.

Убас, Лыхны ақыҭан инхо Гагәылиаа рҭаацәара аҳаҟьа рызгылоуп, дара ргәыла ԥҳәыс Наҭелла Мамацева иаҳлырбеит анкьа аџьыка шыҟарҵоз, уи иацыз акәама-ҵамақәа.

Аҳаҟьа иқәырххуаз, еиуеиԥшым амарҭхәқәа рыла идырхаауаз, зыфҩы лаҳа-лаҳауа аԥсуа џьыка агьама даҽакы иалаҩашьом. Иарбан ҭаацәараз аҳаҟьа зхы иазмырхәоз ҳанацәеи ҳандуцәеи рхаан. Аџьабаа рацәа шадырбалозгьы,уи ада царҭа рымамызт. Аԥсуа нхаҩы аџьыка ҟаҧшь еснагь пату изақәын. Акәты учаԥа, аҟәыд ҟауҵа, агьама ҷыда хаа азҭоз иаракәын. Иахьа аҳаҟьеи аԥхныгеи ажәытәра аамҭа ишазаанхазгьы, зегьы акоуп абиԥарала уи еиқәырханы иаазго аҭаацәарақәа ыҟоуп. Анкьа уи аԥсуа ибзазара иахәҭакыз акоуп ҳәа иахәаԥшуазҭгьы, уажәы уи зымбац аҿар рзыҳәан ҿыцбарахуп, ҭоурыхуп.

Лыхны ақыҭан инхо Гагәылиаа рҭаацәара шьҭрала еиқәырханы ирызгылоуп ажәытә џьыкахыга аҳаҟьа. Дара рахь имҩахыҵуа асасцәа уи рбартә еиԥш алшара рымоуп.

Аҭыхымҭақәа анымҩаԥаҳгоз агәылаԥҳәыс Наҭелла Мамацева иаҳлырбеит ажәытәан аҳаҟьа аус шадыруылоз.

"Заа имазеины иҳамоуп апырпыл ҟаԥшь рҩаны. Амарҭхәқәа: аџьыкхыш, аџыш, араҳана, акәлындыр, акама, аӡы. Уажәы аԥсҭазаара ҿыц ахь ҳаиасит, ажәытәан аџьыка ахышьа хазын, аҳаҟьа ианықәухуаз даҽа гьамк аман, еиҳа ихаан," - ҳәа лҳәоит Наҭелла.

Апырпыл зны идрыцқьон, нас аҳаҟьа иқәҵаны аԥхныгала ирхәахәон. Анаҩс амарҭхәқәа арҭон: аџыш, араҳана, ахәсхәа, аџьыкхыш уҳәа:

"Кьылак аџьыка ахра акыр уадхалон, аџьабаа убар акәын. Ҳәарада, уи имариамыз усын. Аԥсуа пырпылца унапы иҭалон, анапҭарԥақәа уажәеиԥш иҟамызт, аха мааԥсарада ахныҟәгара цәгьан", - лҳәоит Наҭелла.

Иара убас шәаԥхьар ҟалоит:

21
(1:46 / 13.42Mb / просмотров видео: 38)

Аӡкәарҷҷа амч: Аӡлагарка амшцәгьақәа раан анемец ҭаацәа аԥхасҭа ӷәӷәа рнаҭеит.

49
(ирҿыцуп 14:43 11.09.2021)
Сынтәа Аԥсны амшцәгьақәа ирыхҟьаны ирацәоуп аԥхасҭа ӷәӷәа зауз анхарҭа ҭыԥқәа. Ауаа рыҩнқәа акыр ибжьнахит, рынхамҩатә маҭәахәқәа ирԥырхагахеит. Ари аҩыза амшцәгьа иҟанаҵаз ааха изацәымцеит Лыхны ақыҭан инхо анемец Гельмут Пробст иҭаацәарагьы.

Ааигәа иҟалаз амшцәгьа Гельмут изын хашҭра зқәым хҭысны изаанхоит. Иҩны азааигәара ииасуа аӡкәарҷҷа Аӡлагарка хыҵны ауаа ирыҵало акыр шықәса иҟамлацызт. "Иҟалақәахьеит амшцәгьа бааԥсқәа, 60 шықәса ҵуеит шьҭа абра сынхоишьҭеи, аха ари аҩыза сымбацызт. Аӡы убысҟак иӷьны иаауан агәашәқәа ҿнахит, саҳәшьаԥа инышәынҭра иаԥырхагахеит, аҩны иҩналеит", - иҳәоит даара игәы иаланы Гельмут. Еиҳарак игәы изырхьуа, аџьынџьтәылатә еибашьраан иҭахаз иаҳәшьаԥа Витали Неифельд иҳаҭгәын аԥхасҭа ахьаиуз ауп.

Аӡы агәам рацәа аҩны иҩнанагалеит. Ааха аиуит ааигәа ирҿыцыз ауаҭах, иҳәарақәа акыи, акәтқәеи акәҷарақәеи аӡы иагеит, иара убас ибжьысит аӡәӡәага амашьына, афатә архьшәашәага.

Иоуз аԥхасҭа азын ақыҭа ахадара иреимҳәеит, арзаҳал аҩра мап ацәикит, аха ақыҭа ахадара ирдыруеит Гельмут амшцәгьа изаанагаз арыцҳара атәы.

Дагьгәыӷуеит аиааира аҽнынӡа аиҳабыра ацхыраара ирҭап ҳәа.

49
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13