Мариуполь штурмла агара ҳгәы иҭаӡам - Донецк Жәлар Рреспублика аштаб

© AP Photo AP Photo/Evgeniy MaloletkaМариуполь
Мариуполь - Sputnik Аҧсны
Анапаҵаҩра
Донецк Жәлар Рреспублика аиҳабы Александр Захарченко уаанӡа иҳәахьан, Мариуполь ахырхарҭала ажәыларазы адҵа ҟасҵеит ҳәа, аха ақалақь бџьарла иргоит ҳәа зныкгьы иазгәеимҭацызт, ҳәа ааицҳаит ДНР аштаб анапхгаҩы ихаҭыԥуаҩ Едуард Басурин.

АҞӘА, ажь 26 — Sputnik. Мариуполь ақәлара донецкаа ргәы иҭаӡам, ҳәа аанацҳауеит РИА Новости ДНР аштаб анапхгаҩы ихаҭыԥуаҩ Едуард Басурин иҳәамҭа шьаҭас иҟаҵаны.

"Донецк Жәлар Рреспублика аиҳабы Александр Захарченко уаанӡа иҳәахьан, Мариуполь ахырхарҭала ажәыларазы адҵа шыҟаиҵахьаз, аха ақалақь бџьарла иргоит ҳәа зныкгьы иазгәеимҭацызт", — иҳәеит Басурин. — Убри аҟнытә Мариуполь аӡәгьы далакьысуам".

Украина аиҳабыра иаҳхысыз ашықәс мшаԥымзазы атәыла мрагыларатәи ахәҭаҿы абџьармчы рхы иадырхәо иалагеит аҳәынҭқарратә мчра аԥсахра иаҿагылаз рганахьала. ООН аҵыхәтәанытәи адыррақәа рыла, аконфликт аҟны иҭахахьеит 4,7 нызқьҩык ауааԥсыра, 10 нызқьҩык ахәрақәа роуит. Ԥхынҷкәын 9 инаркны аибашьра аанкыларазы аиқәшаҳаҭра аус ауеит ҳәа иԥхьаӡоуп, аха аганқәа акырынтә уи аиқәшаҳаҭра шеиларгахьоу азы ахарақәа рыдеибаҵоит.

Ажьырныҳәа 13 рзы Волноваха азааигәара автобус аихсраан иҭахеит 13-ҩык ауааԥсыра.

"Автобус иеихсуан ҩадахьтәиала, киевтәи амчқәа рганахьала — иҳәеит автобус арныҟәцаҩ.

Ажьырныҳәа 18 рзы Донецк аихсра ҩаԥхьа аҽарӷәӷәеит. Киев официалла аҳәамҭа ҟанаҵеит донецктәи аеропорт аҟны аоперациа ҷыда шымҩаԥыргоз атәы. Амза 22 рзы аангыларҭа ианеихсуаз аа-ҩык ҭахеит.

Асабша Мариуполь иҟаз аиҿахысра иахҟьаны 30-ҩык ҭахеит, 90-ҩык ахәрақәа роуит. Урыстәыла Адәныҟатәи аусқәа рминистрраҿы реиҳа изыцәшәоз — Киев бџьармчыла Донецк рымҽхаркуеит ҳәа агәаанагара — амҩаԥысра иаҿуп ҳәа аҳәамҭа ҟарҵеит.

Ажәабжьқәа зегьы
0