АҞӘА, хәжәк 30 – Sputnik. Аусҭҵаара ишьақәнаргылеит Борис Немцов иҭархара алахәра зылшоз ихаҭара. Абри атәы аанацҳауеит РИА Новости агазеҭ "Коммерсант" ианылаз аинформациа ала.
"Коммерсант" иамоу адыррақәа рыла, Руслик сыхьӡуп ҳәа раҳәаны иаанкылоу ацәгьоуцәа иҽрымеидеит хаҵак. Аусҭҵаара агәаанагарала, уи ацәгьоуцәа абџьар риҭеит, насгьы хәба-хәба миллион аԥара иақәиргәыӷит. Агазеҭ агәаанагарала, уи ацәгьоура аиҿкаара адагьы ауаҩшьразы адҵа ҟазҵаз иакәзар ауеит.
Аусҭҵаара макьана уи иаанкыларазы иԥшаара иаламгацт, уи ацәгьоура иалахәра шьақәзырӷәӷәо афактқәа ахьазымхо аҟнытә. Иара иӡбахә далацәажәон ауаҩшьра аҟаҵаразы агәҩара зыдны иаанкылоу руаӡәк, Заур Дадаев.
Борис Немцов Москва агәҭа дшьын жәабран 28 рзы.
