Россия сегодня Аиааира аиубилеиаз амультимедиатә сахьанҵа азнархиеит

"Россия сегодня" Аиааира аиубилеиаз амультимедиатә сахьанҵа азнархиеит

51
(ирҿыцуп 14:39 24.06.2015)
Украина арӷьаратәи аԥшаҳәа ахақиҭтәтәразы асоветтә танктә арқәа рыфба злахәыз, зымҽхак ҭбааз Ар ҟаԥшь ржәылара атәы еиҭарҳәоит авидеонҵамҭеи алонгриди.

АҞӘА, мшԥ 28 – Sputnik. Аџьынџьтәылатә еибашьра ду аҿы Аиааира амш 70 шықәса ахыҵра иазкны Жәларбжьаратәи аинформациатә маҵзура "Россия сегодня" Урыстәыла ақалақьқәа рҟны амультимедиатә-ҭоурыхтә сахьанҵақәа "Ар ҟаԥшь ажәыларақәа 15" рыкнаҳара иацырҵоит.

Аиааира ду амш ааира мышқәак шагу, агентра Украина арӷьаратәи аԥшаҳәа ахақәиҭтәразы амультимедиатә сериа ҿыц ҭнажьит – авидеонҵамҭақәеи, алонгриди. Иҿыцу авидеонҵамҭақәа Москва ақалақь иреиҳаӡоу аӡыргаратә конструкциақәа рҟны идырбазаауеит – Ацентралтә телеграф ахыбраҟны, аинститут "Гидропроект" ахыбраҟны, акинотеатр "Октябрь", ахыбрадуқәа рхаҿратә ганқәа рыҟны, иара убас Санкт-Петербурги Екатеринбурги рҟны ибжьоу ауаажәларратә транспортқәа рҟны.

Украина арӷьаратә ԥшаҳәа ахақәиҭтәразы авидеионҵамҭеи алонгриди рыҟны зымҽхак ҭбаау, асоветтә танкқәа ар фба злахәыз арратә операциа атәы анызаауеит. Идырбазаауеит аӡынтәии ааԥынтәии ажәыларақәа ретапқәа, амчқәа реиҿырԥшреи ихадаз атактикатә ӡбарақәеи  ртәы еиҭаҳәазаауеит. 1942 шықәса ашьҭахь раԥхьаӡа акәны Ар ҟаԥшь имҩаԥнагаз операциақәа рышьҭахь жәа-миллионк ауаа рхы иақәиҭтәны, Асовет Еидгыла аҳәынҭқарратә ҳәаақәа рҟынӡа инеит.

Украина арӷьаратәи аԥшаҳәа ахақәиҭтәра – ацикл "Ар ҟаԥшь ажәыларақәа 15" аҟынтә иԥшьбатәиу лонгридуп. Агентра асаит аҟны егьырҭ амультимедиатә сахьанҵақәа, Курски Сталинградски рыҟны имҩаԥысуаз аибашьрақәа, иара убас Ленинград аҭакра ахроника атәи рбаразы алшара ыҟоуп. Акампаниа аусқәа хыркәшазаауеит цәыббра 2 рзы – Аҩбатәи адунеитә еибашьра анеилга аҽны.

Апроект аҳәаақәа ирҭагӡаны Жәларбжьаратәи аинформациатә маҵзура "Россия cегодня" аспециалистцәа рыбзоурала еиқәыршәан аинтерактивтә хсаалақәа, аинфографикақәа, иалхын иҷыдоу архивтә видеонҵамҭақәа, аудио- иара убас афотоматериалқәа, урҭ аматериалқәа ааган агентра ахатә архиви Аҳәынҭқарратә телехәаԥшра архиви рҟынтә.

Амультимедиатә статиақәеи ароликқәеи рцикл "Ар ҟаԥшь ажәыларақәа 15" урыстәылатәи акампаниа "Аиааира! 70 шықәса" иахәҭакхеит. Апроект  "Ар ҟаԥшь ажәыларақәа 15" адгылара арҭеит акоммуникациатә гәыԥ "LBL" (амедиафасадқәа), иара убас аилахәыра "1PTV" (ауаажәларратә транспорт аҟны ателехәаԥшра).

51