Встреча главы МИД РФ С.Лаврова с государственным секретарем Соединенных Штатов Америки Дж.Керри. Архивное фото.

Шьамтәыла аҭынчра хьчатәуп

12
(ирҿыцуп 16:24 19.05.2016)
ЕАШи Урыстәылеи р-Адәныҟаполитикатә усбарҭақәа рнапхгаҩцәа Аганқәа рахь ааԥхьара ҟарҵеит атәыла иахьаҵанакуа зегьы аҭынчра шьақәыргылазарц, атеррористтә гәыԥқәа рҿагыларада егьырҭ аимакқәа зегьы аанкылазарц.

АҞӘА, лаҵарамза 4 — Sputnik. Урыстәылатәи Афедерациа Адәныҟатәи аусқәа рминистр Сергеи Лаврови США аҳәынҭмаӡаныҟәгаҩ Џьон Керрии ҭелла реицәажәараан ашәахьаҽны Шьамтәылатәи аимак Аганқәа рахь ааԥхьара ҟарҵеит амца аанкылара арежим иқәныҟәаларц.

Абри атәы аанацҳаит Урыстәылатәи Афедерациа Адәныҟатәи аусқәа рминистрра.

"Адәныҟаполитикатә усбарҭақәа рнапхгаҩцәа Шьамтәыла аполитикатә ҭышәныртәалара азҵаара иалацәажәеит. Урҭ аимак Аганқәа рахь ааԥхьара ҟарҵеит амца аанкылара арежим иқәныҟәаларц, атеррористтә гәыԥқәа рҿагыларада егьырҭ аимакқәа зегьы аанкылазарц", аҳәоит аминистрра аҳәамҭаҟны.

Уи адагьы Керрии Лаврови алацәажәеит ԥхьаҟатәи ршьаҿақәа, Шьамтәыла адгылара Жәларбжьаратәи агәыԥ ацхантәаҩцәак рыҳасабала.

12