Аԥсны аинтерес ркит ЛНР аҟны иҟарҵо аалыҵ

© Фото : http://lugansk.site/Архивтә фото.
Архивтә фото. - Sputnik Аҧсны
Анапаҵаҩра
Жәлар рынхамҩа раԥхьатәи ацәыргақәҵа "ВДНХ ЛНР-2016" мҩаԥысит цәыббра 3 рзы Луганск.

АҞӘА, цәыббра 16 — Sputnik. Аԥсны ахаҭарнакцәа зегь раасҭа аинтерес ркит ЛЖӘР (ЛНР) аформакологиатә аалыҵ, афатә аалыҵ, ақыҭанхамҩ аалыҵ иара убасгьы амҿы аусадулара анхамҩа, лҳәеит абрифинг аҟны ЛЖӘР (ЛНР) аекономикатә ҿиара аминистр актәи ихаҭыԥуаҩ Светлана Подлипаева.

Цәыббра 3 рзы Луганск имҩаԥысит ацәыргақәҵа "ВДНХ ЛНР-2016". Ацәыргақәҵа рхы аладырхәит 103 наплакы. Арахь иара убасгьы иааиит Урыстәыла, Аԥсны, Донецк рҟынтәи аделегациақәа.

"Ацәыргақәҵа иаҳнарбеит алшарақәа шҳамоу. Аиҳараҩык аҭааҩцәа аинтерес ркит амашьынаргылара, афатә аалыҵ", — лҳәеит Подлипаева.

Лара иазгәалҭеит Донецкаа аҩнымаҭәа аҭыжьра аинтерес шыркыз, урыстәылаа – ааглыхра анаплакқәа.

"Ҳара ҳгәыӷуеит ацәыргақәҵа иалҵшәаны еиуеиԥшым аиқәшаҳаҭрақәеи аилаӡарақәеи анап рыҵаҩра мҩаԥгахап ҳәа", — лҳәеит лара.

Ажәабжьқәа зегьы
0