архивтә фото

Урыстәылеи Азербаиџьани рдоуҳатә ԥхьагылаҩцәа Ҟарабах азҵаара иалацәажәоит

5
(ирҿыцуп 15:13 07.09.2017)
Москва, цәыббра 8 рзы имҩаԥысраны иҟоуп х-ганктәи аиԥылара. Ермантәылеи, Урыстәылеи, Азербаиџьани рдоуҳатә ԥхьагылаҩцәа Ҟарабах азҵаара иалацәажәоит.

АҞӘА, цәыббра 5 – Sputnik. Адунеи аерманцәа зегьы ркаталикос Гарегин II, Кавказ аԥсылманцәа Русбарҭа ахантәаҩы Аллахшукиур Паша-заде еиԥылараны иҟоуп Москва, цәыббра 8 рзы. Аиԥылара далахәуп Москвеи Урыстәыла зегьи рпатриарх Кирилл.

Апатриарх ипресс-маӡаныҟәгаҩ Александр Волков иажәақәа рыла аиԥылара Урыстәылеи Аахыҵ Кавкази рдоуҳатә ԥхьагылаҩцәа рҭынчеиҿкааратә усура иацнаҵоит.

"Адунеи аерманцәа зегьы ркаталикос Гарегин II, Кавказ аԥсылманцәа Русбарҭа ахантәаҩы Аллахшукиур Паша-заде еиԥылараны иҟоуп Москва, цәыббра 8 рзы. Аиԥылара далахәуп Москвеи Урыстәыла зегьи рпатриарх Кирилл. Адоуҳа амаҵзуҩцәа рҽазышәарақәа арегион зегьы иахьаҵанакуа аҭыԥчреи аҭышәынтәалареи рышьақәыргылара иацхраауеит", — иҳәеит Волков.

Уажәтәи аиԥылара хыԥхьаӡарала ифбатәиуп. Асеиԥш иҟаз аҵыхәтәантәи аиԥылара мҩаԥысит 2011 шықәса, абҵарамзазы.

Шеих-уль-ислам Аллахшукиур Пашазаде усҟан, асовет аамҭақәа рышьҭахь раԥхьаӡа акәны Ереван ақалақь даҭааит ИАР атәылақәа Рдинбжьаратә хеилак аилатәара иҽалаирхәырц.

Аиԥылара аихшьаалақәа рыла аимак ҭынчмҩала аҭыԥ иқәҵатәуп ҳәа аӡбра шьҭыхын.

5
Ноги младенца в руках матери

COVID-19 аан ан лҟынтәи ахәыҷ иахь ацәеижьҿагыларақәа шиасуа атәы аарԥшуп

4
Уаанӡа Роспотребнадзор аҟны еилыркаахьан адуцәа шракәу ахәыҷқәа авирус рылазгало.

АҞӘА, ԥхынҷ 1 - Sputnik. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, ҳәа лҳәеит Роспотребнадзор ЦНИИ аепидемиологиа аклиника-аналитикатә усуразы адиректор ихаҭыԥуаҩ Наталиа Пшеничнаиа. Абри атәы аанацҳауеит РИА Новости.

"SARS-CoV2 IgG,  SARS-CoV2 IgA рахь ацәеижьҿагылақәа аарԥшуп COVID-19 змаз ан лгәыԥҳәыхш аҟны. Акоронавирус аан ан лҟынтәи ахәыҷ иахь ацәеижьҿагылақәа ииасыр ауеит гәыԥҳәыхшла акраниҿалҵо, аха урҭ ирласны иӡуеит, убри азоуп ахәыҷы агәыԥҳәыхш ифонаҵы дзыхьчо", - лҳәоит Пшеничнаиа.

Лара иазгәалҭеит COVID-19 змоу анацәа згәы бзиоу рхәыҷқәа рҟны ацәеижьҿагыла шаадырԥшуа.

Урҭ ацәеижьҿагылақәа ирласны рыӡра ишьақәнарӷәӷәоит дара ан лҟынтәи ахшара иахь ииасыз шракәу, лҳәоит аепидемиолог.

4
Атемақәа:
Ачымазара ҿкы – акоронавирус Аԥсни адунеи аҿи: иалкаау

Москвеи Санкт-Петербурги рҵараиурҭақәа адистанциатә ҵарахь ииаргеит

5
(ирҿыцуп 16:32 30.11.2020)
Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

АҞӘА, абҵара 30 — Sputnik. Акоронавирустә инфекциа алаҵәара инадҳәаланы Москвеи Санкт-Петербурги рҵараиурҭақәа адистанциатә ҵарахь ииаргеит ҳәа Telegram-канал аҿы адырра ҟанаҵоит Урыстәыла аҵара аминистрра. Абри атәы аанацҳауеит РИА Новости.

Адырраҭараҿы иарбоуп регионалтә ҵараиурҭақәакгьы адистанциатә ҵарахь ишиагоу.

Аминистрраҟны аус адырулеит аҵаратә процесс хра аманы аиҿкааразы абжьгарақәа.

Уаанӡа, Москвеи Санкт-Петербурги рҵараиурҭақәа рыстудентцәа адистанциатә ҵарахь риагаразы адҵа анапы аҵаҩны иҭыжьын абҵара 11 рзы.

Арегионалтә ҵараиурҭақәагьы ирабжьган адистанциатә ҵарахь ииасразы.

Урыстәыла COVID-19 рыхьхьеит 2 295 65-ҩык. Рыԥсҭазаара иалҵит 39 895-ҩык, ргәы бзиахеит — 1 778 704-ҩык.

5