Олимпиада

Урыстәылатәи аспортсменцәа аолимпиадахь инарышьҭуам

18
(ирҿыцуп 16:42 06.12.2017)
Жәларбжьаратәи аолимпиатә еилакы аҩашаҽны ирыдыркылеит аӡбра, Урыстәыла аспортсменцәа 2018 шықәса рзы Пхенчхантәи аолимпиада раламырхәразы.

АҞӘА, ԥхынҷкәын 6— Sputnik. Жәларбжьаратәи аолимпиатә еилакы аҩашаҽны ирыдыркылеит аӡбра, Урыстәыла аолимпиатә еилакы 2018 шықәса рзы Пхенчхантәи аолимпиада аламырхәразы. Абри атәы аҳәоит ЖәАЕ (МОК) аофициалтә саит ҳәа аанацҳауеит Р-Спорт.

"Жәларбжьаратәи аолимпиатә еилакы анагӡаратә еилакы, Самуель Шмид зхадараҿы дыҟоу Жәларбжьаратәи аолимпиатә еилакы акомиссиа ажәахәнҵа ибзиоуп ҳәа ахҳәааны аӡбра аднакылеит Урыстәыла аолимпиатә еилакы 2018 шықәса рзы Пхенчхантәи аолимпиада аламырхәразы", — ҳәа аҳәоит адырраҭараҟны.

Адунеизегьтәи адопингҿагыларатә маҵзура (Всемирное антидопинговое агентство (WADA) Ричард Макларен знапхгараҿы дыҟоу ихьыԥшым акомиссиа урыстәылатәи аспортсменцәа адопинг рыдыркылон ҳәа алкаақәа аныҟанаҵа ашьҭахь Жәларбжьаратәи аолимпиатә еилакы акомиссиақәа ҩба аԥнаҵеит. Урҭ руак—Денис Освальд зхадараҿы дыҟаз, 2014 шықәсазтәи Шәачатәи Аолимпиада иалахәыз аспортсменцәа рдопинг-пробақәа еиҭагәарҭон. Урҭ агәаҭарақәа рышьҭахь 11-ҩык иранашьаз рҳамҭақәа иашамкәа иранашьан ҳәа ирыԥхьаӡеит.

Аҩбатәи акомиссиа, Ианош Шмид зхадараҿы дыҟаз, иҭырҵаауан абри аус аҳәынҭқарра алахәра. Урыстәылатәи амчрақәа уи мап ацәыркуеит.

2018 шықәса рзы Аолимпиатә хәмаррақәа мҩаԥысуеит Пхенчхан ақалақь аҿы, жәабран 9 —25 рзы.

18
Атемақәа:
Пхенчхантәи аолимпиада - 2018 (18)

Уахыки-ҽнаки рыла Урыстәыла 6611-ҩык COVID-19 рыдбалан

3
ВОЗ астатистика инақәыршәаны адунеи аҿы 11 миллионҩык авирус рыман, 528 нызқьҩык рыԥсҭазаара иалҵит. Ачымазара рылаҵәоуп еиҳарак ЕАА, Бразилиа, Индиа, Урыстәыла.

АҞӘА, ԥхынгәы 6 - Sputnik. Иаҳхысыз уахыки-ҽнаки рыла Урыстәыла 6611-ҩык COVID-19 рыдбалан, 135-ҩык рыԥсҭазаара иалҵит, 3579-ҩык ргәабзиара шьақәгылеит ҳәа аанацҳауеит апортал стопкоронавирус.рф.

Аиҳарак ачымазара змоу рацәоуп Москва (685), Подмосковье (292), Ханти Манцызтә Автономтә Округ (289), 280 – Санкт-Петербург, 270 — Свердловск, 239 — Иркутсктәи аобласт.

Зынӡа атәылаҿы иазгәаҭоуп 687 862-ҩык COVID-19 змоу, урҭ рҟынтәи 454 329-ҩык ргәы бзиахахьеит, 10 296-ҩык рыԥсҭазаара иалҵит.

Аԥсны ауааԥсыра коронавирус рацәыхьчаразы аштаб адыррала ареспубликаҿ 38 чымазара-хҭыс ыҟан, хҩык Гәдоуҭатәи ахәышәтәырҭа иҭоуп, 34-ҩык ргәы бзиахеит, аӡәы – лыԥсҭазаара далҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

3

Ацәыӡқәа рацәахоит: Украина Арра-мшынтә мчқәа рхада Урыстәыла дабашьыр иҭахуп

3
(ирҿыцуп 13:46 06.07.2020)
Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи аканал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

АҞӘА, ԥхынгәы 6 - Sputnik. Украина Арра-Мшынтә мчрақәа Урыстәыла абашьра рҽаздырхиоит ҳәа иҳәеит афлот адҵаҟаҵаҩ аконтр-адмирал Алексеи Неижпапа, агазеҭ "Думская" аинтервиу аҭо.

Иара иажәақәа рыла, Украина иагәҭакуп Ҟрым архынҳәра, убри азы аибашьрагьы аҽазнархиоит.

"Ацәыӡқәа ҟалашт аруаа рыбжьареиԥш, аҭынч уааԥсыра рыбжьарагьы", - ҳәа Неижпапа иажәақәа аанагоит РИА Новости.

Иара ишиҳәаз ала, Киев аурыс ар Херсонтәи аобласт иажәлозар ҳәа иԥшуп аӡы Ҟрымҟа инарышьҭырц.

"Ҳаруаа хиоуп. Апланқәа зегь сзаартуам, аха аракетатә комплекс "Нептун" Украинантә Севастопольнӡа инаӡоит", - иҳәеит Неижпапа.

Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи канал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

Украинатәи аполитикцәа аӡы адгьылбжьахахь анашьҭра мап ацәыркуеит, аха иааҟәымҵӡакәа ирҳәоит аурысқәа Аҩада-Ҟрымтәи аканал "рнапахьы иааргар" рҭахуп ҳәа, аха убри аан ареспубликаҿы аӡыржәтә ахыҵхырҭақәа ыҟоуп.

3