Telegram Европа аус ауӡом: Дуров уи амзыз далацәажәеит

© Sputnik / Наталья Селиверстова / Амедиаҵәахырҭахь аиасраМессенджер Telegram
Мессенджер Telegram - Sputnik Аҧсны
Анапаҵаҩра
Мшаԥымзазы Роскомнадзор аӡбарҭахь ашшыԥхьыӡ нанашьҭит Telegram аусура аанкылахарц азы, амессенџьер афедералтә шәарҭадаратә усбарҭа ашифр-цаԥха ахьарымҭаз инамаданы.

АҞӘА, мшаԥы 30— Sputnik. Telegram ашьаҭаркҩы Павел Дуров аҳәамҭа ҟаиҵеит европатәи ахархәаҩцәа рҟынгьы амессенджер аусура ԥкуп ҳәа. Абри атәы аанацҳаит РИА Новости.

"Telegram асерверқәа руак ашра аамҭақәак ахархәаҩцәа рхархәара ԥнакуеит", — иҳәеит иара Twitter аҿы.

Москва ақалақь Тагантәи аӡбарҭа Роскомнадзор ашшыԥхьыӡ адгылара анаҭеит Урыстәыла аҩныҵҟа Telegram аусура аанкыларазы ҳәа аӡбарҭатә зал аҟынтәи иааицҳауеит РИА Новости акорреспондент.

Аӡбарҭа аилатәара аамҭа рацәа амгеит. Сааҭыбжак инарзынаԥшуа аӡбаҩ идгалан амессенџьер ахара шамоу азы арҵабыргра. Роскомнадзори АШәМ (ФСБ) аҳәамҭа ҟарҵеит Telegram аусура аанкылахарц азы, амессенџьер АШәМ (ФСБ) ашифр-цаԥха ахьарымҭо аҳәынҭқарра аинтересқәа ҵнашәаауеит, атеррористцәа рзы ицхыраагӡоуп ҳәа.

Telegram аиуристцәа аилатәарахь имааиӡеит, амессенџьер аԥҵаҩы Павел Дуров уи азин ҟаимҵеит ҳәа азгәаҭаны.

Иахьатәи аҭагылазаашьазы Дуров аҭамзаара шьҭеиҵеит, иагьазгәеиҭеит иаарласны апроблема шыӡбахо азы.

Ажәабжьқәа зегьы
0