П/к, посвященная выходу нового календаря Pirelli

Карл Лагерфельд Германиа атәылауаҩра мап ацәикыр ҟалоит

6
(ирҿыцуп 15:09 11.05.2018)
Меркель изныкымкәа лмиграциатә политиказы аҽыԥныҳәа лырҭахьеит.

АҞӘА, лаҵара 11 — Sputnik. Анемец модельер Карл Лагерфельд Германиа аканцлер Ангела Меркель лмиграциатә политика лымԥсахыр, атәылауаҩра мап ацәыскуеит, ҳәа аҳәамҭа ҟаиҵеит. Абри атәы аанацҳауеит РИА Новости амодельер агазеҭ Le Point. иеиҭаз аинтервиу ҵаҵӷәыс иганы.

2015 шықәса рзы Меркель атәылахь шәнызқьҩыла амигрантцәа раара азин ҟалҵеит. Иара убри аан Франциа ақәшаҳаҭхеит 30 нызқьҩык иреиҳамкәа рыдкылара.

Лагерфельд иара убасгьы Германиа аканцлер аҽыԥныҳәа лиҭоит лполитика иахҟьаны Бундестаг ахь анеонацистцәа нанагеит ҳәа.

"Апартиа "Альтернатива для Германии" аӡбахә ыҟамызт, лара лажәа заҵәык азхеит урҭ апарламент ахь инеиразы", — иҳәеит Лагерфельд.

2017 шықәсазтәи апарламенттә лхрақәа раан Бундестаг ахь инеит апартиа "Альтернатива для Германии". Иара апарламент аҿы 94 ҭыԥ аиуит.

2015 шықәса рзы Меркель атәылахь шәнызқьҩыла амигрантцәа раара азин ҟалҵеит. Уи иахҟьаны Меркель изныкымкәа лмиграциатә политиказы аҽыԥныҳәа лырҭахьеит.

6