Секо Асахара

Иапониа ашьра зқәыз атеррористтә секта ашьаҭаркҩы дыкнарҳаит

2
(ирҿыцуп 15:21 06.07.2018)
1994 шықәса рзы асекта "Аум Синрике" алахәылацәа ахәшәҳам зарин апрефектура Нагано, ақалақь Мацумото аҟны ауаа ирыларҵеит. Иҭахеит быжьҩык. 1995 шықәса рзы асектантцәа агаз зарин рыларҵеит токиотәи аметро аҟны. Уи иахҟьаны иҭахеит 13-ҩык ауаа, 6,3 нызқьҩык ахәышәтәырҭақәа рахь инаган.

АҞӘА, ԥхынгәы 6 — Sputnik. Асекта "Аум Синрике"* ашьаҭаркҩы Секо Асахара Иапониа дыкнарҳаит ахәашаҽны ҳәа аанацҳауеит РИА Новости ателерадиоеилахәыра NHK адыррақәа ҵаҵӷәыс иганы.

Асекта уаанӡатәи анапхгара иреиуоу Киехиде Хаиакава, Сеити Ендо, Томомицу Ниими, Масами Цутиа, Томомаса Накагава, Есихиро Иноуе асекта ашьаҭаркҩы иеиԥш ашьра рықәҵан.

Асекта "Аум Синрикк"* ("Учение истины АУМ"*) шьаҭаиркит Скко Асахара (Тидзуо Мацумото) 1987 шықәса рзы. Иара иалахәын еиуеиԥшым ахыҵхырҭақәа рдыррақәа рыла 30 — 50 нызқьҩык.

1994 шықәса рзы асекта "Аум Синрике" алахәылацәа ахәшәҳам зарин апрефектура Нагано, ақалақь Мацумото аҟны ауаа ирыларҵеит. Иҭахеит быжьҩык. 1995 шықәса рзы асектантцәа агаз зарин рыларҵеит токиотәи аметро аҟны. Уи иахҟьаны иҭахеит 13-ҩык ауаа, 6,3 нызқьҩык ахәышәтәырҭақәа рахь инаган.

Иаанкылан 30-ҩык рҟынӡа асекта анапхгара. Урҭ рҟынтәи 13-ҩык ашьра рықәҵан.

2