АҞӘА, ԥхынгәы 12 — Sputnik. Мчыбжьык еиҵаны иаанхеит аинтернет-аудиториа рыбжьыҭира ахыркәшаразы. Урыстәыла имҩаԥысуаз Андреи Стенин ихьӡ зху Жәларбжьаратәи ажурналистцәа рфотоконкурс аихшьаалақәа мҩаԥыргоит ажиури реиԥш аинтернет ахархәаҩцәагьы. Изҭахны иҟоу ибжьы иҭиир алшоит аиндаҭлара асаит stenincontest.ru аҟны, ԥхынгәы 18, асааҭ 23:59 рҟынӡа.
Абжьыҭиразы иаҭахны иҟу: ВКонтакте, Facebook, Twitter, асервисе Weibo рҟны аккаунтқәа роуп. Ԥхынгәы аԥхьатәи амшқәа рзы абжьыҭиратә ԥыжәара рыман: Джастин Салливан "В огне: за гранью", Себнем Коскун "Завтрак на крыше", (Анджеи Кумар "… подстреленный леопард"), Степан Змачински "Воздушно-десантные сборы Центра "Лидер" МЧС России", Андреа Алаи "Ультрас".
Аинтернет аҟны реиҳа ирылаҵәоу афотосахьа аиндаҭлара адиплом аиуеит, аиндаҭлараҿ аиааира згаз рыхьыӡқәа ӡырыргоит нанҳәа 6 рзы
2018 шықәса рзы аиндаҭлара иалахәхеит жәларбжьаратәи аинформациатә маҵзурақәа: AFP (Франциа), Anadolu Ajansi (Ҭырқәтәыла), Notimex (Мексика).
Ажиури ахантәаҩыс дыҟоуп Ахмет Сел, афотомаҵзура (Anadolu Ajansi) (Ҭырқәтәыла). Аиҳабы.
Онлаин-бжьыҭира мҩаԥысуан 2016, 2017 шықәсқәа рзгьы. 2016 шықәса рзы аиааира арҭеит египеттәи афотоҭыхыҩ Гехаду Хамди (Gehad Hamdy) икадр "Рыцари", 2017 шықәса рзы Кыргызстантәи афотоҭыхыҩ Табылды Кадырбеков ифотосахьа "Продавщица сладкой ваты".
Андреи Стенин ихьӡ зху афотожурналистика Жәларбжьаратәи аконкурс мҩаԥысуеит урыстәылатәии жәларбжьаратәии АИХ (СМИ), аинформациатә маҵзурақәеи афотоеилазаарақәеи рыдгыларала. Аконкурс информациатә партниор хаданы иҟоуп: урыстәылазегьтәи аҳәынҭқарратә канал "Россия-Культура", аинформациа-жәабыжьтә портал KP.ru, аинформациатә портал ЖурДом, апортал Russian Photo. Аконкурс жәларбжьаратә информациатә партниор хаданы иҟан: аинформациатә маҵзуреи ардиои Sputnik, аинформациатә маҵзура Askanews, аинформациатә маҵзура EFE, амедиахолдинг Independent Media, аинформациатә маҵзура Notimex, ателеканал, апорталқәа RT, YOung JOurnalists The Royal Photographic Society, Shanghai United Media Group (SUMG), афестивальқәа Fotoistanbul, Kolga Tbilisi Photo.
Аусхкытә информациатә партниорцәа рыҳасабала иара иадгылоит: Урыстәыла афотожурналистцәа рхеидкыла, Москватәи ажурналистцәа рхеидкыла, Аҿари астудентцәеи АИХ рхеидкыла,Академия Фотографии, амаҵзура ГеоФото, апортал Photo-study.ru, аинформациатә портал YOung JOurnalists, афестиваль "Фотопарад в Угличе".
