Победители конкурса имени Андрея Стенина

Стенин ихьӡ зху аиндаҭлараҿ иреиӷьу афотосахьақәа алырхит

12
(ирҿыцуп 17:41 06.08.2018)
Жәларбжьаратәи аинформациатә маҵзура "Россия сегодня" еиҿнакааз, Урыстәыла имҩаԥысуаз Андреи Стенин ихьӡ зху жәларбжьаратәи ажурналистцәа рфотоконкурс аихшьаалақәа ҟаҵоуп, аиааира згаз рыхьӡқәа ӡыргоуп.

АҞӘА, нанҳәа 6 — Sputnik. Жәларбжьаратәи аинформациатә маҵзура "Россия сегодня" еиҿнакааз, Урыстәыла имҩаԥысуаз Андреи Стенин ихьӡ зху жәларбжьаратәи ажурналистцәа рфотоконкурс аихшьаалақәа ҟаҵоуп, аиааира згаз рыхьӡқәа ӡыргоуп.

Аноминациа "Главные новости" аԥхьахәқәа ранашьахеит Џьастин Салливан (ИуАР) афотосахьа "Противостояние", Луис Тато (Испаниа) афотосериа "Беспорядки в Кении после выборов".

Аноминациа "Моя планета" аҟны актәи аҭыԥ ргеит Сергеи Гапон иусумҭа "Клюквенное сердце", Алена Кочеткова лфотосериа "Как я болела".

Аноминациа "Спорт" аԥхьахә роуит Таисир Махди ифото "Желание жить", Андреа Алаи ифотосериа "Ультрас".

Аноминациа "Портрет. Герой нашего времени" аҟны аиааира ргеит Одед Вагенштеин (Израиль) ифото "Цветочек", Шива Хадеми (Иран) лфотосериа "Близнецы".

Шанхаитәи амедиагәыԥи (ОШМГ) Аль-Маиадин ТВ рыԥхьахә агеит аноминациа "Спорт" аҿы "Желание жить" (Таисира Махди).

Победители конкурса имени Андрея Стенина
© Фото : Сергей Гапон, Stenincontest
Победители конкурса имени Андрея Стенина

"Есышықәса аконкурс агеографиа аҽарҭбаауеит. 2017 шықәса рзы иара рҽаладырхәит 77 тәыла рҟынтәи афотожурналистцәа. Ҳара агәахәара ҳнаҭоит иахьатәи ҳаамҭазы афотосахьа актуалра аманы, еиуеиԥшым ауааи, атәылақәеи, адунеи аҟны иҟоу аиҭакрақәеи еилукаартә иахьунарбо, апроблемақәа ахьаанарԥшуа ", — ҳәа иҳәеит Жәларбжьаратәи аинформациатә маҵзура "Россия сегодня" афотомаҵзура анапхгаҩы Александр Штоль.

Победители конкурса имени Андрея Стенина
© Фото : Андреа Алаи, Stenincontest
Победители конкурса имени Андрея Стенина

Жәларбжьаратәи аинформациатә маҵзура "Россия сегодня" еиҿнакааз Андреи Стенин ихьӡ зху афотожурналистика Жәларбжьаратәи аконкурс хықәкны иамоуп ҳаамҭазтәи афотожурналистика ауаажәларра разхьарԥшра. Аконкурс – жәларбжьаратәи афотоеилазаара афотожурналистикаҟны ахьыӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥ заҵәыкны иҟоуп.

Андреи Стенин ихьӡ зху афотожурналистика Жәларбжьаратәи аконкурс мҩаԥысуеит урыстәылатәии жәларбжьаратәии АИХ (СМИ), аинформациатә маҵзурақәеи афотоеилазаарақәеи рыдгыларала. Аконкурс информациатә партниор хаданы иҟоуп: урыстәылазегьтәи аҳәынҭқарратә канал "Россия-Культура", аинформациа-жәабыжьтә портал KP.ru, аинформациатә портал ЖурДом, апортал Russian Photo. Аконкурс жәларбжьаратә информациатә партниор хаданы иҟан: аинформациатә маҵзуреи ардиои Sputnik, аинформациатә маҵзура Askanews, аинформациатә маҵзура EFE, амедиахолдинг Independent Media, аинформациатә маҵзура Notimex, ателеканал, апортал RT, The Royal Photographic Society, Shanghai United Media Group (SUMG).

Аусхкытә информациатә партниорцәа рыҳасабала иара иадгылоит: Урыстәыла афотожурналистцәа рхеидкыла, Москватәи ажурналистцәа рхеидкыла, Аҿари астудентцәеи АИХ рхеидкыла,Академия Фотографии, амаҵзура ГеоФото, апортал Photo-study.ru, аинформациатә портал YOung JOurnalists, афестиваль "Фотопарад в Угличе".

2018 шықәса рзы ажиури аилазаараҿ иҟан жәларбжьаратәи аинформациатә маҵзурақәа AFP (Франция), Anadolu Ajansi (Турция), Notimex (Мексика), рхаҭарнакцәа. Ажиури ахантәаҩыс дыҟан: Ахмет Сел, Амаҵзура Анадолу (Anadolu Ajansi) (Турция) афотомаҵзура анапхгаҩы.

12