Мария Склодовская-Кюри

Адунеи аҭоурых аҿы еиҳа анырра зуз аҳәса рреитинг шьақәыргылоуп

17
Ажурнал BBC History Magazine адунеи аҭоурых аҿы еиҳа анырра зуз аҳәса рреитинг шьақәнаргылеит.

АҞӘА, нанҳәа 13 — Sputnik. Ажурнал BBC History Magazine аԥхьаҩцәа ирыднагалеит еиҳа иналукааша ҳәа иԥхьаӡо аҳәса рсиа. Абри атәы аанацҳауеит Life.ru.

Ареитинг аҿы актәи аҭыԥ аанылкылеит ҩынтә Нобель иаԥхьахә занаршьахьаз, аҵарауаҩ, афизик, ахимик Мариа Склодовскааиа-Киури (1867–1934).

Аҩбатәи аҭыԥ аанаылкылеит америкатәи азинхьчаҩ Роза Паркс (1913–2005). Ахԥатәи аҭыԥ аанылкылеит асуфражистцәа британиатәи реиҿкаара аԥхьагылаҩ Еммелин Панкхерст (1858–1928).
Аԥшьбатәи аҭыԥ— британиатәи аматематик, ашәҟәыҩҩы Ада Лавлеис (1815–1852). Ахәбатәи ҳәа лыхьӡ алкаауп— британиатәи абиофизик, арентгенограф Розалинд Франклин (1920–1958). Афбатәи— Британиа аԥыза-министр Маргарет Тетчер (1925–2013).

17

Уахыки-ҽнаки рыла акоронавирус зыдбалаз 590-ҩык рыԥсҭазаара иалҵит Урыстәыла

5
Аепидемиа иалагазар Урыстәыла иахьаҵанакуа 3 544 623 акоронавирус хҭыс азгәаҭоуп.

АҞӘА, ажьырныҳәа 16-Sputnik. Иҳаҩсыз уахыки-ҽнаки рыла акоронавирус зыдбалаз 590-ҩык рыԥсҭазаара иалҵит Урыстәыла, абри атәы аанацҳауеит ауааԥсыра COVID-19 рацәыхьчаразы аоперативтә штаб.

Апандемиа аамҭазы Урыстәыла иԥсхьеит авирус иахҟьаны 65 085-ҩык, ргәы бзиахеит –  2 936 991-ҩык.

Москва рыԥсҭазаара иалҵит 79-ҩык, Санкт-Петербург-67, Подмосковие-32.

Зынӡа COVID-19 иахҟьаны Москва рыԥсҭазаара иалҵхьеит 12 401-ы.

Уахыки-ҽнаки рыҩныҵҟа Урыстәыла 24 092 акоронавирус хҭыс ҿыц азгәаҭоуп, 85 регион рҟны. 12,9% аклиникатә ҟазшьа аадырԥшуамызт. 590-ҩык рыԥсҭазаара иалҵит. Ргәабзиара шьақәгылеит 27 311-ҩык.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10378-ҩык ыҟоуп, ргәы бзиахеит 8130-ҩык, рыԥсҭазаара иалҵит 151-ҩык.

5

Роспотребнадзор иазнархеит акоронавирус "британиатәи" аштамм аилкааразы атест

3
(ирҿыцуп 12:40 16.01.2021)
70 процент рыла еиҳа иҿкуп аԥхьанатә ицәырҵыз авариант аасҭа, еиҳа ахыхьчара аҭахуп, аха убри аан уи иахҟьаны ауаа рацәаны иԥсуа, ма еиҳа иуадаҩны имҩасуа иҟоуп ҳәа азуҳәартә иҟам.

АҞӘА, ажьырныҳәа 16-Sputnik. Роспотребнадзор иатәу аепидемиологиатә ҭҵаарадырратә институт иазнархеит акоронавирус "британиатәи" аштамм аилкааразы атест, иара авирус 1,5 сааҭ рыла ишьақәнырӷәӷәоит, абри атәы аанацҳауеит апресс-маҵзура.

"Атест еилнакаауеит амутациа зауз акоронавирус. Ахархәара зырҭо атехнологиақәа иалдыршоит сааҭки бжаки рыҩнуҵҟа анализ аҭак аарԥшра, егьырҭ атестқәа ракәзар аамҭа рацәа рҭахуп", - аҳәоит адырраҭараҿы.

Иазгәаҭоуп, уажәазы иаԥҵоу атест ахарахәаразы аԥышәа иахысуеит, аиԥш зеиԥшу еидкылоу ареагентқәа раԥхьатәиуп адунеиаҿы.

Ԥхынҷкәын аҽеиҩшамҭазы аҳәамҭа ҟаҵан, акоронавирус 70 процент рыла еиҳа иҿку амутациа ҿыц аарԥшуп Британиа ҳәа.

Иара убас шәаԥхьар ҟалоит:

 

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аԥсны аоперштаб: уахыки-ҽнаки рыла 108 коронавирус хҭыс ҿыци ԥсҭбараки

4
(ирҿыцуп 23:42 16.01.2021)
Иҳаҩсыз уахыки-ҽнаки рыла COVID-19 рылоу ирыламу аилкааразы 506-ҩык атестқәа рзыҟаҵан, урҭ рахьтә 108-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

АҞӘА, ажьырныҳәа 16 – Sputnik. Акоронавирус зцәа иалаз, ҩ-ганктәи аполисегментартә гәыҵәкра змаз ахаҵа иԥсҭазаара далҵит Гәдоуҭатәи ахәышәтәырҭаҿы, ажьырныҳәа 14 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 102-а, урҭ рахьтә 90-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 40-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 36-ҩык апациентцәа, Очамчыра ирхәышәтәуеит 26-ҩык, Тҟәарчалтәи ахәышәтәырҭаҿы - 15-ҩык, Гагратәи ахәышәтәырҭаҿы - 26-ҩык, амобилтә госпиталь аҟны ишьҭоуп акоронавирус зыдбалоу 57-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 10486-ҩык ыҟоуп, ргәы бзиахеит 8190-ҩык, рыԥсҭазаара иалҵит 152-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

 

4