Скрипальраа ахәшә рырҭеит ҳәа агәызҩара ззыҟоу рыхьӡ рҳәеит

Анапаҵаҩра
Тереза Меи атәыла апарламент аҿы Сергеии Иулиеи Скрипальраа рус аҭҵаара шцоу далацәажәараны дыҟоуп.

АҞӘА, цәыббра 5 — Sputnik. Британиа апрокурортә маҵзура ирыланаҳәеит аби аԥҳаи Скрипальраа ахәшә рырҭеит ҳәа агәызҩара ззыҟоу рыхьӡ: Александр Петрови Руслан Боширови. Абри атәы аанацҳауеит РИА Новости амаҵзура Рейтер адыррақәа ҵаҵӷәыс иганы.

Аусбарҭа иагәҭакуп Москв урҭ аҩыџьа рыҭараз аҳәара ҟанаҵарц. Уи азы иазырхиоуп европатәи аордер.

Congrès américain - Sputnik Аҧсны
ЕАШ Солсбери иахырҟьаны асанкциа ҿыцқәа аднакылоит

Тереза Меи лакәзар атәыла апарламент аҿы Сергеии Иулиеи Скрипальраа рус аҭҵаара шцоу далацәажәараны дыҟоуп.

Хәажәкыра 4 рзы Солсбери, Британиатәи амаҵзура ҷыдақәа аус рыцызуаз, уаанӡа ГРУ аус зуаз Сергеи Скрипали иԥҳаи ахәшә рырҭеит.

Абри аан ахархәара аман Урыстәыла иҭыжьу амаҭәашьар А234 "Новичок" ҳәа аҳәамҭа ҟанаҵеит Британаитәи амаҵзура ҷыда.

Урыстәыла акәзар абри мап ацәнакит.

Ситуация в британском городе Эймсбери - Sputnik Аҧсны
Еимсбери иҟалаз ахҭыс акыр ирмаӡоуп ҳәа ахырҳәааит Урыстәыла

Британиа ду Аԥыза-министр Тереза Меи абри инадҳәаланы Урыстәылатәи адипломатцәа 23-ҩык атәыла иалцахоит, ҩ-ганктәи аизыҟазаашьақәагьы русура ԥкхоит ҳәа аҳәамҭа ҟалҵеит.

Убри аҭакс Урыстәыла Адәныҟатәи аусқәа рминистрра хәажәкыра 17 рзы 23-ҩык Британиа ду Ацҳаражәҳәарҭа аусзуҩцәа "персона нон грата" ҳәа ишьаны мчыбжьык аҩныҵҟала Урыстәыла аанрыжьроуп ҳәа аӡбра аднакылеит.

Уи ашьҭахь "Скрипаль иус" инадҳәаланы, ЕАШ (США) аҳәамҭа ҟанаҵеит атәылаҟынтәи 60-ҩык урыстәылатәи адипломатцәеи 12-ҩык ООН иҟоу атәыла ахаҭарнакра аусзуҩцәеи атәылаҟынтә ишықәцахои Сиетл иҟоу Урыстәылаа консулра хада шадыркуеи рзы.

Иара убри аан иарбанызаалак Урыстәыла ахара ахаразтәыша ршаҳаҭга ыҟан иҟамызт.

Москва акәзар, имҩаԥысуа провокациоуп ҳәа ахнаҳәаауан. Владимир Путин иакәзар иазгәеиҭеит Урыстәыла ахимиатә бџьар амам ҳәа.

Ажәабжьқәа зегьы
0