Штаб-квартира НАТО в Брюсселе

Урыстәыла Амшын еиқәаҿы аҟазаара НАТО агәҭынчымра азцәырнагоит

20
(ирҿыцуп 10:07 04.10.2018)
НАТО амаӡаныҟәгаҩ хада Иенс Столтенберг уаанӡа аҳәамҭа ҟаиҵахьан Қырҭтәыла алианс иалахәылахар алшоит ҳәа.

АҞӘА, жьҭаара 4 — Sputnik. НАТО атәылақәа жәпакы агәҭынчымра рызцәырнагоит Урыстәыла Амшын еиқәаҿы аҟазаара иҳәеит НАТО амаӡаныҟәгаҩ хада Иенс Столтенберг. Абри атәы аанацҳауеит РИА Новости.

"Иахьа, еиҭахгьы иалацәажәан Қырҭтәыла аҵакыратә акзаареи, асуверинитети, ашәарҭадареи адгылара шрыҭатәу. Ҳара Урыстәылахь ҳхы нарханы ааԥхьара аауеит Аԥсныи Аахыҵ Уаԥстәылеи разхаҵара мап ацәнакырц, арратә мчқәагьы арҭ арегионқәа рҟынтәи иалгазарц", — иҳәеит иара.

Столтенберг иазгәеиҭеит Урыстәыла Амшын еиқәаҿы аҟазаара НАТО агәҭынчымра рызцәырнагоит ҳәа.

Уаанӡа НАТО амаӡаныҟәгаҩ хада Иенс Столтенберг Бриуссель, ԥхынгәы 11-12 рзы имҩаԥысуаз НАТО асаммит аҿы Қырҭтәыла алианс иалахәылахоит ҳәа иҳәахьан.

Урыстәыла Адәныҟатәи аусқәа рминистрра ахаҭарнак Мариа Захарова Қырҭтәыла НАТО иалалоит ҳәа Столтенберг иҳәамҭа ахҳәаа алҭеит, иагьазгәалҭеит уи ахҟьа-ԥҟьақәа шаиуа.

"Ҳара уаанӡагьы иаҳҳәон, иагьаҳҳәоит алианс иалам атәылақәа ҿыц ралалара Европатәи континент аҿы аҭагылазаашьеи ашәарҭадареи анырра рырымҭар шамуа. Урҭ хымԥада рыхҟьа-ԥҟьақәа ҟалоит. Уи атәы ззаҳҳәо Қырҭтәыла амацарагьы акәӡам", — лҳәеит лара абрифинг аҟны.

Қырҭтәылеи НАТО русеицура хацыркхеит 1994 шықәсазы, Қырҭтәыла апрограмма "Партнерство ради мира" ианалала ашьҭахь. 2008 шықәса рзы Бухарест НАТО асаммит аҿы иазгәаҭан Қырҭтәыла НАТО иалалар шалшо атәы.

Нанҳәа 8, 2008 шықәса рзы Қырҭтәыла Аахыҵ Уаԥстәыла иақәлеит анапахьы аагаразы. Урыстәыла ар аланагалеит. Нанҳәа 26, 2008 шықәса рзы Урыстәыла Аԥсныи Аахыҵ Уаԥстәылеи рхьыԥшымра азханаҵеит.

20

Семион Пегов Белоруссиантәи Урыстәылаҟа дцеит

3
Семион Пегов иацы, нанҳәа 10 рзы Минсктәи азинеилагаҩцәа рҭакратә Центр аҟынтәи ихы дақәиҭитәит.

АҞӘА, нанҳәа 11 - Sputnik. Ажурналист Семион Пегови зых иақәиҭыртәыз иҩызцәа егьырҭи Белоруссиантәи Урыстәылаҟа инеиит ҳәа Telegram-канал аҿы иҩит RT акорреспондент Константин Придыбаило.

Пегов сыԥсадгьыл ахь сцоит, сыҷкәын имшира идысныҳәалоит ҳәа иҳәеит.

Ажурналист Семион Пегов Минск дааныркылеит нанҳәа 9 ауха. "Комсомольская правда" арратә корреспондент Александр Коц иӡыригеит Пегов дшааныркылоз акадырқәа.

Белоруссиатәи амчрақәа рахь ааԥхьара ҟалҵеит RT, МИА "Россия сегодня" рредактор хада Маргарита Симониан. Лара Белоруссиа аиҳабыреи ҷыдала Александр Лукашенкои рахь ааԥхьара ҟалҵеит Семион Пегов дызлоу иаанкылоу ажурналистцәа рхы иақәиҭыртәырц.

Аԥсны ажурналистцәа Реидгыла Белоруссиа амчрақәа рахь ааԥхьара ҟанаҵеит Минск имҩаԥысуаз аҿагыларатә акциақәа раан иаанкыло ажурналистцәа рхы рақәиҭтәразы.

Семион Пегов – апоет, урыстәылатәи афедералтә телеканалқәа рырратә корреспондент, апроект WarGonzo аиҿкааҩ. Диит 1985 шықәса рзы. Иҩымҭақәа кьыԥхьын альманахқәа "Под часами", "Персона", "Современники". Пушкин ихьӡ зху афестиваль "С веком наравне-2008" алауреат, ашәҟәыҩҩцәа ҿарацәа р-Форум "Липки-2011"алахәыла. Семион Пегов 2008 - 2013 шықәсқәа рзы Аҟәа, ателекеилахәыра "Абаза-ТВ" аҟны аус иуан, "Нужная газета", "Чегемская правда", "Новый день" иҩымҭақәа ркьыԥхьуан.

3
Медицинский работник делает укол

"Спутник V" COVID-19 аҿагылараз: еилкаахеит раԥхьатәи алаҵа хьӡыс иарҭаз

3
(ирҿыцуп 15:19 11.08.2020)
Аденовирустә вектор шьаҭас измоу алаҵа нанҳәа 11 рзы Урыстәыла агәабзиарахьчара аминистрра ашәҟәы иҭанагалеит. Абас ала иара адунеи аҿы ираԥхьатәиу коронавирус SARS-COV-2 иаҿагыло лаҵоуп.

АҞӘА, нанҳәа 11 - Sputnik. Адунеи аҟны раԥхьатәи ашәҟәы иҭагалоу акоронавирус азы алаҵа "Спутник V" ахьыӡҵоуп, 1957 шықәса рзы аҳауа иалаҵаз Адгьыл иԥсабаратәым аспутник аналогиала. Абри атәы аанацҳауеит алаҵа аофициалтә саит аҿы.

"Спутник-1" адунеи зегьы аҿы акосмос аҭҵаара арҿыхеит. Урыстәылатәи алаҵа аҭыжьра акәзаргьы адунеитә еилазааразы "Спутник аамҭа" иақәшәеит. Убри азоуп иара изарҭаз ахьӡ – Спутник V",- аҳәоит асаит адырраҭараҿы.

Алаҵа асаит аԥҵоуп Спутник V азы аинформациа иаша аларҵәарази адунеи АИХқәак рҟны имҩаԥырго адезинформациа аҿаԥҽрази.

Агәабзиарахьчара аминистр Михаил Мурашко иҳәеит алаҵа аҭыжьра ишалаго Гамалеи центри аилахәыра "Биннофарми".

Алаҵа аҭирҭахь инаргоит 2021 шықәса ажьырныҳәа 1 инаркны.

Иара убас шәаԥхьар ҟалоит:

3
Кран

Нанҳәа 12 аҽны Аҟәа ахәҭак ӡыда иаанхоит

3
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

3