Глава Роскосмоса Д. Рогозин встретился с главой NASA Д. Брайденстайном

"Роскосмоси" НАСАи реиҳабацәа Амза ахархәара иалацәажәеит

7
Уаанӡа "Роскосмос" аиҳабы Дмитри Рогозин аҳәамҭа ҟаиҵахьан Урыстәыла, ЕАШ алархәны The Gateway ("Ворота") ҳәа хьӡыс изауз Амза ааигәатәи астанциа апроект ҿыц аус адулара ишазыхиоу.

АҞӘА, жьҭаара 11 – Sputnik. НАСА ахада Џьим Браиденстаин "Роскосмос" аиҳабы Дмитри Рогозини иареи реиҿцәажәара аихшьаалақәа ҟаҵо иҳәеит уаанӡеиԥш Америкеи Урыстәылеи МКС аҟны аусеицура ишазыхиоу. Абри атәы аанацҳауеит РИА Новости.

Браиденстаин ишиҳәаз ала, аиҿцәажәарақәа раан итема хаданы иҟан акосмостә хьчара, адгьыланҭыҵтәи аԥсҭазаара аԥшаара, ауаҩы Амзаҿы иааиԥмырҟьаӡакәа иҟазаара.

"Роскосмос" аиҳабы Дмитри Рогозини сареи ҳалацәажәеит Америкеи Урыстәылеи МКС аҟны русеицура. Иара убасгьы акосмостә хьчара, адгьыланҭыҵтәи аԥсҭазаара аԥшаара, ауаҩы Амзаҿы иааиԥмырҟьаӡакәа иҟазаара атемақәа ҳрызхьаԥшит", — ҳәа иҳәоит НАСА аиҳабы.

Иара уажәы Баиканур дыҟоуп. Аԥшьашаз уа иазыԥхьагәаҭоуп аекипаж ҿыц МКС ахь ашьҭра.

7