Афины, Греция, флаг

Бырзентәыла азеиԥш қәгыларақәа ирылагеит

4
(ирҿыцуп 17:07 28.11.2018)
Ахатәы сектор аусзуҩцәа рзеиԥшмилаҭтә қәгыларақәа ирылагеит Бырзентәыла ахаша, абҵара 28 рзы.

АҞӘА, абҵара 28 — Sputnik. Ахатәы сектор аусзуҩцәа рзанааҭеидгылақәа еиҿыркааз ахатәы сектор аусзуҩцәа рзеиԥшмилаҭтә қәгыларақәа ирылагеит Бырзентәыла ахаша, абҵара 28 рзы. Ақәгылара алахәылацәа дҵаны иқәдыргылоит реиҳа илаҟәу иаку аулафахәы 751 евро рҟны ишьақәдыргыларц, аколлективтә устә еилаӡарақәа аԥырҵарц, ашәахтәқәа ладырҟәырц ҳәа аанацҳауеит РИА Новости.

Ақәгыларақәа ирылахәуп акоммунистцәа рзанааҭеидгылақәа рхаҭарнакцәа.

Афины ақалақь аҟны аус руам аметро, атроллеибусқәа. Автобусқәа аус руеит ашьыжь асааҭ 9 инаркны ахәылбыҽха асааҭ 9 рҟынӡа. Ақәгылара рҽаладырхәит амшынуаа рзанааҭеидгылақәа. Амшынбаӷәазақәа рҟны игыло аӷбақәеи ашхәақәеи рҭыԥ иахысуам. Иара убасгьы иаанкылоуп аихамҩатә еимадарагьы.

Афины аиԥш ақәгыларақәа мҩаԥгахоит атәыла егьырҭ ақалақьқәа рҿгьы.

Ахатәы сектор аусзуҩцәа рзанааҭеидгылақәа еиҿыркааз ахатәы сектор аусзуҩцәа рзеиԥшмилаҭтә қәгыларақәа ирылагеит Бырзентәыла ахаша, абҵара 28 рзы. Ақәгылара алахәылацәа дҵаны иқәдыргылоит реиҳа илаҟәу иаку аулафахәы 751 евро рҟны ишьақәдыргыларц, аколлективтә устә еилаӡарақәа аԥырҵарц, ашәахтәқәа ладырҟәырц, иара убасгьы атәанчахәқәеи альготақәеи шыҟоу иаанрыжьырц.

"Ауаажәларреи аекономикеи анырра бааԥс рызҭо аскетизм, аӷарра, аччиара рполитика аанкылатәуп", — ҳәа аҳәоит азанааҭеидгылақәа рҳәамҭаҿ.

4

Сҭампыл игылоу Аԥшьа Софиа луахәама уажәшьҭа иџьаамахеит

8
Аԥшьа Софиа луахәама иргылеит ақьырсиан император Иустиниан ԥхынҷкәын 27, 537 шықәса рзы. Зқьышықәса инарзынаԥшуа ауахәама ақьырсиан дунеи аҿы иреиҳау уахәаманы иԥхьаӡан.

АҞӘА, ԥхынгәы 10 - Sputnik. Сҭампыл игылоу Аԥшьа Софиа луахәама астатус еиҭаркит, уажәшьҭарнахыс иџьаамахоит ҳәа аанацҳауеит амаҵзура Anadolu.

"Ҭырқәтәыла Аҳәынҭхеилак ишьақәнарӷәӷәеит Аиа-Софиа Асулҭан Мехмет Хан ихьӡ зху Афонд абаланс аҿы иҟоуп, убри инадҳәаланы џьаамак аҳасаб ала ахархәара ҟалоит", - ҳәа ирыдыркылаз аӡбамҭа ахҳәаа ааргоит.

Аҳәынҭқарратә реестр аҿы Аиа-Софиа аџьаама ҳәа ианҵахоит, ари афакт аиҭакрагьы ҟалом", - ҳәа аҳәоит Аҳәынҭхеилак аӡбамҭа.

© AFP 2019 / OZAN KOSE
Сҭампыл игылоу Аԥшьа Софиа луахәама астатус еиҭаркит, уажәшьҭарнахыс иџьаамахоит

Уаанӡатәи адыррақәа рыла, Ҭырқәтәыла аҳәынҭхеилак иаԥнахит 1934 шықәса рзы ауахәама музеизааит ҳәа иҟаҵаз аусӡбара. Ҭырқәтәыла ААР ахада Мевлиут Чавушоӷлу аҳәамҭа ҟаиҵахьан атәылаҿ ауахәама астатус аԥсахразы азин шыҟоу, егьырҭ атәылақәа ргәаанагара иазхьамԥшыкәа.

Аԥшьа Софиа луахәама Константинополь османаа ианрымпыҵархала, Византиатәи аимпериа анеилаҳа ашьҭахь, 1453 шықәса рзы иџьаамоуп ҳәа азҳәан. Аха 1934 шықәса рзы Кемаль Ататиурк иусдҵала амузеи ҳәа астатус аҭаны ИуНЕСКО Адунеизегьтәи аҭынха асиа иаҵаркын.

8

Иаҳхысыз уахыки-ҽнаки рыла Урыстәыла 6 509-ҩык COVID-19 рыдбалоуп

8
(ирҿыцуп 11:54 09.07.2020)
Иахьазы Урыстәыла иахьаҵанакуа 85 регион рҿы иааидкыланы авирус рыдырбалахьеит 707 301-ҩык.

АҞӘА, ԥхынгәы 9 - Sputnik. Иаҳхысыз уахыки-ҽнаки рыла Урыстәыла 6 509-ҩык COVID-19 рыдырбалеит ҳәа аанацҳауеит COVID-19 аҿагыларазы Москва аоперативтә штаб.

Авирус зыдбалаз рҟынтәи 27,3% аклиникатә ҟазшьа рныԥшуамызт. Уахыки-ҽнаки рыла рыԥсҭазаара иалҵит 176-ҩык, ргәы бзиахеит 8 805-ҩык.

Зынӡа атәылаҿы иазгәаҭоуп 707 301-ҩык COVID-19 змоу, урҭ рҟынтәи 481 316 -ҩык ргәы бзиахахьеит, 10 843-ҩык рыԥсҭазаара иалҵит.

Аԥсны ауааԥсыра акоронавирус рацәыхьчаразы аштаб адыррала, ареспубликаҿ 38 чымазара хҭыс ыҟан, ҩыџьа Гәдоуҭатәи ахәышәтәырҭа иҭоуп, 35-ҩык ргәы бзиахеит, аӡәы лыԥсҭазаара далҵит.

Џьонс Хопкинс ихьӡ зху ауниверситет адыррақәа рыла, адунеи аҿы COVID-19 змоу рхыԥхьаӡара 12 миллион иахысхьеит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау
Алиас Авидзба

Аҩӡба: аҭыԥҳацәа ахысшьа иаҳа ирлас ирыцааиуеит, аԥаҭԥаҭра рылаӡам

0
Ачадара иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik Аԥсны аефир аҿы еиҭеиҳәеит аҭыԥан ашәарҭара шеиҿкаау, насгьы избан аҭыԥҳацәа ахысраҿы алҵшәа бзиақәа заадырԥшуа.
Раионк аԥсҭазаараҟынтә: Аҩӡба "Аԥсуа хысратә клуб" аусура иазкны

"Ахысҩы данаалаик, аинструктор раԥхьа атеориатә курс дахижьуеит, уи сааҭк инарзынаԥшуа ицоит. Акласс аҿы икыдуп афотоматериалқәа, урҭ рыла ахысҩы иҳамоу абџьар хкы аҟнытә иалихыр илшоит иара ииҭаху, уи аимыхшьа, аибыҭашьа ирбаны, акышьа, агылашьа иеилыркааны ахысырҭахь диаргоит. Уаҟагьы иара дицуп аинструктор. Ахысра аҽазыҟаҵара сааҭки, сааҭки бжаки аамҭа агоит. Абри аус зегьы аан ашәарҭадаратә маҵзура ахаҭарнакгьы дрыцуп. Араҟа ус баша ахысшьа ада, абџьар аныҟәгашьа, уи ахархәашьа акультурагьы аҭыԥ амоуп. Иааџьаушьаратә, иаауа рахьтә аҭыԥҳацәа рацәоуп. Иҟоуп лассф-лассы иаҳҭаауа. Шьоукы ахысра спортк аҳасабала иазнеиуеит, абџьар бзиа ирбоит. Иҳәатәуп, аҭыԥҳацәа рхысшьа ҽакала ишеиҿкаау, иаҳа ирлас ишрыцааиуа. Иҭышәынҭәалоуп аҟнытә, ироуа аинформациа иаҳа лассы ирыдыркылоит, аԥаҭԥаҭра рылаӡам, ҭынч ихысуеит", - ҳәа азгәеиҭеит Аҩӡба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0